Избраниците на Љубислав Луковиќ, во големото финале ( утре 19.00ч) во СЦ “Борис Трајковски” ќе играат со бранителот на титулата МЗТ Скопје - Аеродром, кој во првото полуфинале беше подобар од Фени индустри.

Гевгеличани одлично го отворија натпреварот и уште на стартот на првата червртина направија предност од 19 поени (29:10), додека на полувремето заминаа со позитива од 13 кошеви (58:45).

Меѓутоа, одличната игра на Кожув во првото полувреме не ги испалши кумановци кои во вториот дел продолжија да атакуваат на победа и пласман во историското прво финале во националниот куп.

Куманово ја доби третата четвртина, а комплетниот пресврт го направи во последниот период во кој постигнаа двојно повеќе поени од Кожув.
Најзаслужни за победата на Куманово беа: Костоски со 28, Димчевски со 25 и Луковиќ со 14 поени. Кај кожув најмногу се истакна Филиповиќ со 22 поени, додека Пековиќ и Божиновски натпреварот го завршија со по 17 поени.

Куманово вечерва ќе се бори за првиот трофеј во ова натпреварување во своето прво финале, додека МЗТ Скопје Аеродром ќе го „брка“ шестиот куп-трофеј. Тимот од Аеродром е бранител на пехарот освоен минатата година.

МЗТ Скопје Аеродром во првото полуфинале беше поуспешен од Фени Индустри со 74:66.

МЗТ ќе го игра своето јубилејно десетто финале во Купот на Македонија, додека Куманово со пласманот во оваа фаза од натпреварувањето, стигна до најголемиот успех во клупската историја.

Актуелниот македонски шампион ги освојуваше своите куп-трофеи во низа од по два. Победник беше 1996 и 1997 година, потоа во 1999 и 2000 година, па сега останува да се види дали вечерва со евентуална победа ќе го повтори истиот успех третпат во историјата, откако лани, со победата над Фени Индустри во финалето, го освои својот петти трофеј.