Очекувано Кожув трет полуфиналист во Купот на Македонија

Фаворитот Кожув обезбеди пласман во вторто полуфинале во кошаркарскиот Куп на Македонија , откако го совлада Вардар со 80:67.
Гевгеличани во полуфиналето ќе ги одмерат силите со подобриот од последното полуфинале меѓу тимовите на Куманово и Лирија.

Вардар одигра добри три четвртини, вардарци дадоа солиден отпор, но избраниците на Марјан Србиновски, успеаја да го скршат отпорот на “црвено - црните” и да ја оправдаат улогата на фаворити во овој дуел.

Крилниот центар на Кожув Слободан Божовиќ беше незадржлив за одбраната на Вардар,постигна 22 поени и 12 скокови, негови одлични соработници беа  Димитар Караџовски со 15 поени и Игор Пенов со десет кошеви. Кај тимот на Вардар, најмногу се истакнаа Жарко Ѓуриќ со 16 и Владимир Гајовиќ со 14 поени.

Смеа до солзи: Ѓоковиќ си игра со заспанот Иванишевиќ (ВИДЕО)

Новак Ѓоковиќ отпатува за Дубаи за да игра на АТП турнирот во понеделник. Со него се и Горан Иванишевиќ и Маријан Вајда.

Снимката од авион објавена од Иванишевиќ ја покажува атмосферата во тимот на најдобриот светски тенисер. Додека Горан спиел, Новак, плачел од смеа, му го скршил сонот со тоа што му го допирал лицето, му зборувал и се превртува од смеење.

„Не знам за вас момци, но ова се нарекува мобинг. Што мислите? Дали Ноле заслужува добра одмазда? Сите предлози се повеќе од добредојдени, оставете го старецот да спие“, напиша поранешниот хрватски тенисер.

 Ѓоковиќ неодамна му се обрати на Горан во интервју за Индекс. Тој откри дека му е идол, дека тој тренирал со него во пресрет на историската победа на Вимблдон во 2001 година и дека го гледа како пријател, повеќе отколку како тренер.

Поради коронавирусот, откажан тенискиот турнир во Кина

WTA Tour денеска го објави откажувањето на турнирот што требаше да се одигра во кинескиот град Ксиан кон средината на април, поради заканата од епидемија на коронавирусот.

Xian Tournament, категоријата WTA 125 беше на програмата од 13-19 април, а интересно е што WTA Tour се уште не објави откажување на турнирот во јужниот кинески град Кунминг, кој започнува на 27 април.

Повеќе од 2.100 луѓе починаа од почетокот на епидемијата на коронавирусот, најмногу во Кина, поради што се откажани бројни меѓународни натпревари, вклучително и Гран-при на Формула 1 Кина, што требаше да се одржи на 19 април.

Јувентус му нуди 50 милиони на Манчестер Јунајтед плус еден играч за Погба

Јувентус е подготвен да му понуди на Манчестер Јунајтед 50 милиони евра и Арон Ремзи за да го врати Пол Погба во Торино, јавуваат италијанските медиуми.

Јунајтед бара дури 150 милиони евра за францускиот играч од средниот ред и светски шампион. Сепак, на „Олд Трафорд“се подготвени да ја разгледаат понудата на Старата дама.

Ремзи пристигна во Јувентус претходно оваа сезона од Арсенал без надомест, но не успеа да му се наметне на новиот тренер Маурицио Сари. Ниту Погба не е најсреќен на „Олд Трафорд“ и наводно нема ништо против да се врати во клубот во кој играл од 2012 до 2016 година.

Пред осум години, Манчестер Јунајтед и Јувентус водеа војна за францускиот играч од средниот ред, а во наредните години прашината се смири.

Погба пристигна во Манчестер Јунајтед од Ле Авр како 16-годишник во 2009 година, но избега во Јувентус три години подоцна бесплатно. Легендарниот Алекс Фергусон откри пред неколку години дека Погба требал во тоа време да потпише нов договор со „црвените ѓаволи“, но неговиот менаџер Миноа Раиола се договорил со Јувентус.

Французинот остана во Јувентус до август 2016 година кога се врати во Манчестер Јунајтед за дури 105 милиони евра, но сега се приближува до враќање во Торино.

притисни ентер