Тоа сакам да го видам и кај мојот тим.

Ова е пораката на селекторот на белгиската фудбалска репрезентација Марк Вилмотс од денешниот прв собир на оваа селекција во Брисел по повод претстојниот двомеч со Македонија во квалификациите за пласман на Светското првенство.

Белгискиот селектор, има само пофални зборови за нашиот национален тим со кого најпрво в петок (22 март) ќе се сретнат на Националната арена „Филип Втори“ во Скопје, а четири дена подоцна, на 26 март е и возвратниот меч во Брисел.

- Ние не сме доволно патриоти како што се тоа Македонците и тоа е огромен квалитет за нашиот противник, искрен е селекторот на Белгија, Вилмотс, според кого е јасно дека в петок во Скопје ќе ги дочека специјална атмосфера на трибините, но дека Белгијците се навикнати на такво нешто и пред полни трибини веќе претходно славеа и тоа убедливо во Белград на Србија (3:0).

Јасно е, додава Вилмотс, дека натпреварот во Скопје ќе биде тврд, факт е дека моите играчи ќе имаат силни физички дуели, но тие се навикнати на тоа.
Свој коментар за престојаниот двомеч со Македонија даде и напаѓачот Бентеке.

- Македонците досега покажаа дека имаат голем квалитет, иако, освен Горан Пандев, немаат некои други познати фудбалери. Очекувам пеколна атмосфера во Скопје и искрено мислам и дека четири бода (реми и победа) од двата меча ќе биде добар резултат за нас. Се разбира, две победи во двомечот би било перфектно, но и нерешено на гости во Македонија нема да биде лошо, искрен е напаѓачот Бентеке.

Слично размислува и членот на Евертон Кевин Миралас . Белгискиот интернационалец е полн со пофални зборови за најпознатиот фудбалер во македонската репрезентација.
- Мечот в петок ќе биде многу тежок за нас оти Македонија е силен тим што игра многу добро дома. Го имате Горан Пандев кој е извонреден играч, играше во Интер, а сега е во Наполи. Има одлично чувство за гол, а одлично ги изведува и слободните удари. Ќе и биде тешко на нашата одбрана да го спречи, иако мислам дека голманот Тибот Куртоа и дефанзивците Компани, Вермален и Ван Бајтен ќе успеат да се справат со него, изјави Миралас за МИА.