Македонија

Анализа: Потребите на граѓаните не соодветствуваат со општинскиот буџет

Додека градоначалникот смета дека добро ги запознал граѓаните, тие не се согласуваат со него.

Довербата помеѓу општинските власти и граѓаните е на ниско ниво, покажува извештајот на Здружението на финансиски работници околу „Владеењето на општинската демократија и учеството на граѓаните“. Утврдено е и дека граѓанските организации малку се запознаени со надлежностите на градоначалникот и советот.

„Имаме стратешки приоритети, стратешки документи, било на национално било на општински ниво. Имате стратегија имате акциски план. Дел од анализата покажа токму тоа. Слаба поврзаност на мерките кои се преземаат на локално ниво, буџетите кои се одобрени, што вистината е во парите. И приоритетите на општините. Значи нема директна поврзаности нема пишани механизми како тоа да се поврзе и да се следи. Исто и мониторингот на тие мерки е слаб. Ако го гледате тоа како економска политика тоа значи дека она кое сте го зацртале како приоритет, ако не се одразува во акциските планови посебно во буџетот, ако не е финансирана таа мерка, таа нема да се оствари.“ – изјави Борче Треновски, професор на Економски факултет.

Опфатени биле 8 општини од сите плански региони. Со повеќе анализи, се утврдувало дали потребите на граѓаните соодветствуваат со општинскиот буџет. Дали законите се јасно поставени.

„Имаме анализа која се однесува на примена на инструменти на буџетски алокации и трошење на локално ниво, потоа приод заснован на потребите на граѓаните, односно креирање на ИОТО Индекс. Третата анализа се однесува на перформансите на јавните расходи и финансиската одговорност на локално ниво“ – изјави Зоран Јанкуловски, извршен директор на ЗФР.

Граѓанските организации повеќе да се информираат. Општините да бидат поотворени за граѓаните, да објавуваат податоци, да организираат јавни дебати.

Ако тоа се спроведе - Економските мерки на општината ќе бидат појасни и само така, општината ќе може да дава отчет што сработила, а што не, а граѓаните ќе видат каде одат парите.


Регион

Видео: Атина „проголтана“ од сахарска прашина, градот обоен во портокалово

Атина и јужните делови на земјата вчера беа обвиени со сахарска прашина, со нијанси на жолта и портокалова боја што создава нереална атмосфера во градот.

Облаците од прашина, пренесени преку Средоземното море од северна Африка, го обвија акропол и другите знаменитости на Атина.. Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews. Метеоролозите најавуваа дека небото ќе се расчисти денеска поради промената на правецот на ветерот, поради што ќе паднат и температурите.

Свет

Кулеба ги пофали американските политичари за одобрувањето на пакетот воена помош за Украина

Претставници на Пентагон најавија дека одредена муниција веќе е складирана во Европа, а се очекува меѓу приоритетите да бидат артилериската и противвоздушната одбрана.

Министерот за надворешни работи на Украина, Дмитро Кулеба со ентузијазам ги пофали американските политичари за одобрувањето на долго одложуваниот пакет воена помош од 61 милијарда долари за Украина, но предупреди дека новите испораки нема веднаш да го свртат бранот на војната.

„Алелуја“, изјави Кулеба во интервју за „Гардијан“ на прашањето за реакцијата на вчерашното конечно гласање на американскиот Сенат. Тој рече дека „неговото верување е дека ќе има позитивен исход“, но Западот мора „да сфати дека ерата на мирот во Европа е завршена“ и да ја изгради својата одбранбена индустрија.

Говорејќи за „Гардијам“, Кулеба рече дека се надева оти Белата куќа ќе го претстави новиот пакет оружје „за неколку дена, можеби и часови“ и дека е „само прашање на логистика“ залихите да се префрлат на фронтот.

Претставници на Пентагон најавија дека одредена муниција веќе е складирана во Европа, а се очекува меѓу приоритетите да бидат артилериската и противвоздушната одбрана.

Кулеба, исто така, рече дека Украина идентификувала седум системи за воздушна одбрана „Патриот“ кои би можела да ги користи за заштита на цивилите во поголемите градови надвор од Киев. Еден е добиен од Германија, уште четири се лоцирани и преговорите се во тек, рече Кулеба, а на повидок се уште два. /МИА

Регион

Уапсен пратеникот кој физички нападна друг пратеник во грчкиот Парламент

Според претседателот на Парламентот, Константинос Тасулас, Кривичниот законик предвидува дека оној кој ќе изврши насилство врз пратеник се казнува со затворска казна до десет години.

Уапсен е независниот пратеник Константинос Флорос, кој претпладнево физички го нападна пратеникот од Грчко решение Василис Граменос пред салата во која се одржува пленарната седница во грчкиот Парламент, а за нападот може да му биде изречена затворска казна до десет години, јави дописничката на МИА од Атина.

Флорос, кој на изборите во јуни минатата година беше избран со малата радикално десничарска партија Спартанци, а неодамна ја напушти и стана независен пратеник, по предизвиканиот инцидент беше уапсен и пренесен во централната дирекција на грчката полиција и се товари за сторено кривично дело насилство врз пратеник при вршење на функцијата.

Според претседателот на Парламентот, Константинос Тасулас, Кривичниот законик предвидува дека оној кој ќе изврши насилство врз пратеник се казнува со затворска казна до десет години.

Како што претходно објави МИА, за време на денешната пленарна седница во Парламентот постоела вербална расправија меѓу двајцата пратеници, по што во ходникот се претворила во физичка кога Флорос со тупаници го нападнал пратеникот Граменос од Грчко решение.

На нападнатиот веднаш му била пружена прва помош од лекарот во Парламентот.

Медиумите во Грција коментираат дека станува збор за инцидент без преседан во Парламентот.

Малата радикално десничарска партија Спартанци се поврзува со поранешниот пратеник од Златна зора, Илиас Касидиарис, кој издржува затворска казна, а Врховниот суд на Грција попладнево ќе ја соопшти одлуката дали партијата ги исполнува критериумите за учество на европските избори во јуни. /МИА

притисни ентер