Амабасадорот Јазбец во посета на Штип

Соработка во делот на екологијата и на комуналната инфраструктура беа двете централни точки за кои денеска разговараа словачкиот амбасадор Македонија, Милан Јазбец и градоначалникот на општина Штип, Благој Бочварски.
Во текот на наредниот период се очекува да пристигне тим експерти кој треба да направат увид и да утврди што треба да се надогради на штипската Филтер станица за да ја прими водата од Хидросистемот „Злетовица“.
- Во делот на комуналната инфраструктура, директор на ЈП „Исар“ веќе е во преговори со нивното здружение за набавка на возила за чистење на смет во Штип, што исто така е една од можностите, тие да бидат набавени преку грант од  Словенија. Што значи дека Словенија е еден од клучните партнери, наши соработници на Македонија, вели Бочварски.
Амбасадорот Јазбец истакна дека на денешната средба разговарале и во делот на економската соработка, образованието, науката, најави дека наредната година во Штип ќе се презентираат и делата на познатата словенечка сликарка Ленка Герловиќ, по повод 100 годишнината од нејзиното раѓање.
- Ленка Герловиќ повеќе години има работено во Македонија и има околу 600 цртежи од Македонија и добар дел од нив се и од Штип. Така да ќе пробаме наредната година да направиме една манифестација, вели Јазбец.
Тој истакна дека наскоро повторно ќе го посети Штип, кога ќе се отвори спомен собата на првиот Претседател на Р.Македонија, Киро Глигоров во новиот Општински Мултимедијален центар.

Утре сончево и уште потопло

Времето утре претежно сончево и уште потопло. Ќе дува умерен, а во западните делови засилен ветер од западен правец. Минималната температура од 12 до 21, а максималната од 31 до 39 степени. УВ индексот ќе изнесува 9.

Во Скопје сончево со умерен западен и северозападен ветер. Температурата ќе се движи од 18 до 38 степени.

Од понеделник следува период на нестабилно време со пороен дожд и грмежи, а локално се можни и поинтензивни процеси. Ќе дува засилен северозападен ветер, па дневната температура од вторник значително ќе се намали. /УХМР

Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

притисни ентер