Заложничка драма во првата класа на авион- плачот на стјуардесата ги разбудил патниците

Авион на Ер Чајна морал принудно да слета поради заложничка драма во првата класа.
Еден од патниците утрово земал за заложник стјуардеса и се заканил дека ќе ја прободе со пенкало во вратот. Во моментот кога ја зграпчил стјуардесата другите патници во првата класа спиеле и наеднаш ги разбудиле криците на стјуардесата. Авионот наместо во 11 .00 часот да слета во пекинг , принудно слетал во 9.40 на аеродромот во Женгжу. Според соопштението на Кинеската цивилна авијација, драмата успешно била решена во 13.17 часот.

На аеродромската писта во Женгжу попладнето имало бројни спасувачки екипи , но за среќа , патниците и екипажот се неповредени.

Според очевидците, стјуардесите успеале да ги задржат патниците од економскиот дел на своите места за да не дојде до поголема паника.

Аеродромските власти не објавуваат детали како точно завршила драмата , кои биле мотивите на патникот и што се случило со него.

Дали МВР ќе врши претрес и во седиштето на ВМРО-ДПМНЕ?

МВР и натаму трага по Груевски 

Полицијата вечерва ја продолжи  потрагата по Никола Груевски откако по распишаната потерница не го најде во неговиот дом во два наврати. Последна дестинација каде полицијата вршеше претрес беше околу седиштето на ВМРО-ДПМНЕ и подземната гаража каде беа претресувани возилата кои си заминуваа од палатата Христо Татарчев.

Канал 5 има екипа пред седиштето на ВМРО-ДПМНЕ, таму е колегата Михајло Видимлиски.

Столтенберг: Целосно бесмислено е НАТО и ЕУ да бидат противници

Генералниот секретар на НАТО Јенс Столтенберг денеска по повод расправата за формирање на “европска војска“ предупреди дека европската одбрана не смее да се зајакнува на штета на Северноатлантскиот сојуз.

„Задоволни сме поради засилените напори на ЕУ на полето на одбраната....добра работа е доколку европските сојузници имаат поголеми капацитети, доколку подобро соработуваат. Она со што не сме задоволни е тоа дека ЕУ почнува да воспоставува двојни структури“ – изјавил Столтенберг на “Форумот НАТО-индустрија“ во Берлин.

Тој оценил дека НАТО и ЕУ “всушност им е потребен еден силен и стручен команден систем“, пренесуваат хрватските медиуми.

„Не можеме да ги делиме ресурсите на половина...за земја како што е Германија би било целосно бесмислено да допушти НАТО и ЕУ да бидат противници, бидејќи Германија, како и повеќето членки на НАТО е воедно и членка на ЕУ“ – порачал Столтенберг.

Заев: Очекувам дека Груевски нема да си дозволи да бега

Премиерот Зоран Заев вечерва изјави дека не очекува поранешниот премиер Никола Груевски, кој се бара со потерница, да си дозволи да бега.

– Јас очекувам дека нема да си дозволи да се трага по него. Tој велеше дека нема да си дозволи такво нешто, барем такви се моите сознанија од кажаното од Никола Груевски, рече Заев на вечерашното гостување на МТВ.

Тој рече дека за акцијата нема сознанија, и за повеќе информации упати на МВР.

притисни ентер