Власта и опозиција се усогласиле за законите за судовите и за Судски совет

Власта и опозицијата ги усогласија ставовите за законот за судови и за Судскиот совет.
За законите за кривична постапка и за јавниот обвинител допрва ќе се договараат.

Со новиот закон за судови, судиите ќе бидат казнувани и разрешувани ако не ги почитуваат одлуките на судот за човекови права во Стразбур, а со еден од усвоените амандмани за законот за Советот,  на претседателот на судскиот совет му се враќа правото на глас. Според заменик министерот за правда Оливер Христовски, реформите во судството ќе траат.

На комисијата за политички систем власта прифати 7 амандмани за законот за судови а 7 отфрли. За Судскиот совет беа прифатени сите 8 амандмани.

Панчо Минов од Коалицијата за подобра Македонија, ја поздрави парламентарната соработка меѓу власта и опозицијата. Според него добро што ќе има дисциплински и казнени мерки за судиите кои не си ја работат работата.

Во текот на оваа недела најверојатно судските закони ќе се најдат на собраниска седница. Од наредната недела стартуваат преговорите за јавниот обвинител но и за новиот пакет на измени на Законот за судови и судскиот совет кој треба да бидат договорени до јуни.


Утре сончево и уште потопло

Времето утре претежно сончево и уште потопло. Ќе дува умерен, а во западните делови засилен ветер од западен правец. Минималната температура од 12 до 21, а максималната од 31 до 39 степени. УВ индексот ќе изнесува 9.

Во Скопје сончево со умерен западен и северозападен ветер. Температурата ќе се движи од 18 до 38 степени.

Од понеделник следува период на нестабилно време со пороен дожд и грмежи, а локално се можни и поинтензивни процеси. Ќе дува засилен северозападен ветер, па дневната температура од вторник значително ќе се намали. /УХМР

Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

притисни ентер