Заев: Нема договарање за поткуп во разговорите обезбедени со ПИ мерки

Зад затворени врати во Кривичниот суд, премиерот Заев ги ислушал преостанатите 30 разговори и телефонските пораки прибавени со посебни истражните мерки.
Судењето „Поткуп“ траеше два часа. Заев изјави дека во комуникациите обезбедени со пи – мерките, немало договарање за поткуп.

„Комплетно е чисто. Јас и знаев какви и можат да бидат разговорите, заради тоа што кога немате ништо нѝ помислено, не можат да бидат и други разговорите. Така што, прецизно во сите телефонски разговори и во текот на сиве овие години ги ислушавме сите детали во разговорите, зборувајќи со господинот Иво Николов, зборувајќи со службениците во општината и се работи само за завршување на предметите. Доказ е дека одредени предмети веќе се завршување во тој и овој период. Никој не побарал ниту пари, ниту било што. Тоа само по себе потврдува дека се работи за монтиран процес“, изјави премиерот Зоран Заев.

Неговите адвокати, сè уште не добиле одговор од Апелација, дали јавноста ќе ја види снимката – доказ, којашто делумно беше објавена на „Јутјуб“. Наредното рочиште е закажано за 30 април.

Претходно Заев ислуша неколку разговори прибавени со ПИМ. Сведочеше и бизнисменот Иван Николов. Заев е обвинет дека како градоначалник на Струмица, побарал мито од 160.000 евра од локалниот бизнисмен Николов.


Дали МВР ќе врши претрес и во седиштето на ВМРО-ДПМНЕ?

МВР и натаму трага по Груевски 

Полицијата вечерва ја продолжи  потрагата по Никола Груевски откако по распишаната потерница не го најде во неговиот дом во два наврати. Последна дестинација каде полицијата вршеше претрес беше околу седиштето на ВМРО-ДПМНЕ и подземната гаража каде беа претресувани возилата кои си заминуваа од палатата Христо Татарчев.

Канал 5 има екипа пред седиштето на ВМРО-ДПМНЕ, таму е колегата Михајло Видимлиски.

Столтенберг: Целосно бесмислено е НАТО и ЕУ да бидат противници

Генералниот секретар на НАТО Јенс Столтенберг денеска по повод расправата за формирање на “европска војска“ предупреди дека европската одбрана не смее да се зајакнува на штета на Северноатлантскиот сојуз.

„Задоволни сме поради засилените напори на ЕУ на полето на одбраната....добра работа е доколку европските сојузници имаат поголеми капацитети, доколку подобро соработуваат. Она со што не сме задоволни е тоа дека ЕУ почнува да воспоставува двојни структури“ – изјавил Столтенберг на “Форумот НАТО-индустрија“ во Берлин.

Тој оценил дека НАТО и ЕУ “всушност им е потребен еден силен и стручен команден систем“, пренесуваат хрватските медиуми.

„Не можеме да ги делиме ресурсите на половина...за земја како што е Германија би било целосно бесмислено да допушти НАТО и ЕУ да бидат противници, бидејќи Германија, како и повеќето членки на НАТО е воедно и членка на ЕУ“ – порачал Столтенберг.

Заев: Очекувам дека Груевски нема да си дозволи да бега

Премиерот Зоран Заев вечерва изјави дека не очекува поранешниот премиер Никола Груевски, кој се бара со потерница, да си дозволи да бега.

– Јас очекувам дека нема да си дозволи да се трага по него. Tој велеше дека нема да си дозволи такво нешто, барем такви се моите сознанија од кажаното од Никола Груевски, рече Заев на вечерашното гостување на МТВ.

Тој рече дека за акцијата нема сознанија, и за повеќе информации упати на МВР.

притисни ентер