Ѓукановиќ повторно претседател - Тасс: Ѓукановиќ како Мугабе; АП: Човекот кој ја одби Русија

Западните агенции ја пренесоа веста за победата на лидерот на Демократската партија на социјалистите, Мило Ѓукановиќ на претседателските избори во Црна Гора.
Тие агенции во прв план ја истакнуваат победата на кандидат чија партија ја “одбила“ Русија и ја вовела земјата во НАТО.

Агенцијата „АП“ наведува дека Ѓукановиќ победил убедливо и избегнал втор круг на избори, како и тоа дека станува збор за човек кој ја одбил Русија за да ја внесе својата земја во НАТО.

Агенцијата понатаму наведува дека ова се првите избори откако Црна Гора се приклучила во западната воена алијанса и оти биле сметани за тест за Ѓукановиќ, кој ги фаворизира европските интеграции наспроти блиските врски со традиционалниот сојузник Русија.

Како што се наведува, Ѓукановиќ е доминантен политичар и заедно со својата партија владее со Црна Гора скоро 30 години, а за тоа време Ѓукановиќ веќе бил и премиер и претседател.

Се наведува дека своевремено бил најмладиот европски премиер, кога во 1991 година на 29 години бил избран на таа функција.

Се наведува дека тој ја предводел државата која прогласила независност во 2006 година и стоел за барањето државата да се приклучи на НАТО.

„Ројтерс“ пренесува дека на претседателските избори во Црна Гора победил ветеран, проевропскиот политичар Мило Ѓукановиќ, чија партија ја вовела државата во НАТО и ја води во членство во ЕУ.

Агенцијата потсетува дека функцијата претседател е главно церемонијална, но дека се очекува Ѓукановиќ, кој има голема моќ, преку ДПС да влијае на политиката.

Агенцијата „Тасс“ веста за победата на Ѓукановиќ ја пренесе со констатација дека тој ветил оти ќе и овозможи на државата членство во ЕУ до крајот на својот петгодишен мандат.

Руските медиуми наведуваат дека тој е на власт во Црна Гора цели 27 години од 1991 година, а дека до крајот на мандатот би можел да помине 32 години.

Тасс, по должината на владеење, го спореди со лидерот на Зимбабве, Роберт Мугабе, кој е на власт беше 40 години.

Дали МВР ќе врши претрес и во седиштето на ВМРО-ДПМНЕ?

МВР и натаму трага по Груевски 

Полицијата вечерва ја продолжи  потрагата по Никола Груевски откако по распишаната потерница не го најде во неговиот дом во два наврати. Последна дестинација каде полицијата вршеше претрес беше околу седиштето на ВМРО-ДПМНЕ и подземната гаража каде беа претресувани возилата кои си заминуваа од палатата Христо Татарчев.

Канал 5 има екипа пред седиштето на ВМРО-ДПМНЕ, таму е колегата Михајло Видимлиски.

Столтенберг: Целосно бесмислено е НАТО и ЕУ да бидат противници

Генералниот секретар на НАТО Јенс Столтенберг денеска по повод расправата за формирање на “европска војска“ предупреди дека европската одбрана не смее да се зајакнува на штета на Северноатлантскиот сојуз.

„Задоволни сме поради засилените напори на ЕУ на полето на одбраната....добра работа е доколку европските сојузници имаат поголеми капацитети, доколку подобро соработуваат. Она со што не сме задоволни е тоа дека ЕУ почнува да воспоставува двојни структури“ – изјавил Столтенберг на “Форумот НАТО-индустрија“ во Берлин.

Тој оценил дека НАТО и ЕУ “всушност им е потребен еден силен и стручен команден систем“, пренесуваат хрватските медиуми.

„Не можеме да ги делиме ресурсите на половина...за земја како што е Германија би било целосно бесмислено да допушти НАТО и ЕУ да бидат противници, бидејќи Германија, како и повеќето членки на НАТО е воедно и членка на ЕУ“ – порачал Столтенберг.

Заев: Очекувам дека Груевски нема да си дозволи да бега

Премиерот Зоран Заев вечерва изјави дека не очекува поранешниот премиер Никола Груевски, кој се бара со потерница, да си дозволи да бега.

– Јас очекувам дека нема да си дозволи да се трага по него. Tој велеше дека нема да си дозволи такво нешто, барем такви се моите сознанија од кажаното од Никола Груевски, рече Заев на вечерашното гостување на МТВ.

Тој рече дека за акцијата нема сознанија, и за повеќе информации упати на МВР.

притисни ентер