Меѓународна конференција за образованието по природни науки и математика

Познавањето на математиката и природните науки е основа за градење логично мислење и за разбирање на другите науки, рече министерката за образование и наука Рената Дескоска на отворањето на меѓународната конференција за образованието по природни науки и математика што денеска и утре се одржува на Природно-математичкиот факултет во Скопје.

Поради намален број запишани на студии по математика се воведени стипендии за студентите по математика и физика, со цел, како што рече, студиите да бидат поатрактивни. Со таа цел е и законот за основање математичко-информатичка гимназија кој овој месец е во собраниска процедура.
Гимназијата ќе биде од посебен тип зашто ќе се изучуваат напредни програми по математика, физика и информатика. Воедно ќе служи и како центар за талентирани ученици, бидејќи покрај оние што се редовно запишани во гимназијата, ќе може да се спроведуваат и специјални напредни обуки во повеќе области за талентирани ученици кои учат во други основни и средни училишта.

- Рокот за отворање на гимназијата не е ставен во законот, туку е ставено дека штом ќе се создадат условите, Владата ќе ја донесе одлуката за отворање. Имаше две опции - едната е природно-математичката гимназија да се смести во некој постоечки објект/гимназија, и втората опција - да се изгради нов современ објект со нови простории и лаборатории што ќе биде еднакво на светските стандарди. Мојата заложба беше да одиме на втората опција, зашто во минатото сме виделе дека кога ќе се смести една институција во една просторија, тогаш многу тешко оди реализирањето на други барања. Не планираме овој септември да почне, но со надеж дека од наредната година би се отворила, изјави министерката Дескоска.

Соопшти и дека оваа година Македонија ќе биде дел од меѓународно тестирање за познавање математика и јазични вештини и МОН, рече, се обидува да ја подигне свеста кај наставниците, директорите и учениците за значењето на тестирањето за да се добијат реални резултати.

Деканот на Природно-математичкиот факултет Ицко Ѓорѓовски рече дека на дводневната конференција на нивниот факултет има околу 500 учесници од Македонија и од соседните земји.

- Убедени сме дека заклучоците што ќе произлезат од оваа конференција многу ќе помогнат дел од настанатите порблеми во образовниот процес да се избалансираат, а потоа работите да бидат и подобри. Сите наши студии се препознати во светот и нашите студенти може да отидат секаде. Во последните десетина години интересот во наставните насоки стагнира, се намалува постојано, и мислиме дека активностите на МОН ќе вродат плод. Потребна е сеопфатна реформа која би почнала од предучилишното до високото образование, рече деканот на ПМФ.

Федерер по операцијата на коленото одлучи да остане на тенискиот терен

Легендата на светскиот тенис Роџер Федерер успешно се рехабилитира  по операцијата на повреденото  колено.

Најтрофејниот светски тенисер и покрај операцијата и фактот што за еден месец ќе наполни 39 години се уште не размислува за тениска пензија.

-Се чувствувам се подобро, иако се уште не можам да играм тенис. Знам дека е потребно трпение и време за рехабилитација и дека ме чека долг пат. Целта ми е да бидам вистински подготвен за следната сезона, навел Федерер.

Швајцарскиот тениски велемајстор покрај Вимблдон и уште неколку големи турнири, сака да настапи и на Олимписките игри во Токио, кој поради епидемијата од корона по прв пат се одложени за една година, и би требало да се одржат во 2021 година.

Федерер сака да направи уште еден голем резултат на залезот на кариерата, откако во 2008 година со сонародникот Стен Вавринка го освои златото на Игрите во Пекинг.

„Навистина е извонредно кога се чувствувате на теренот како да работите со јуниор која сака да напредува, а не со искусен професионалец на залез на кариерата. Сега е најзначајно Роџер целосно да се рехабилитира и во топ форма да ја дочека новата сезона, изјавил тренерот на Федерер, Северин Лути.

„Навистина е извонредно што чувствувате на терен

Филипче: На денот на изборите ќе биде сосема безбедно да се гласа - строгиот протокол за изборите и негова целосна имплементација се наша должност и одговорност

Министерот за здравство доц. д-р Венко Филипче истакна дека во изминатите четири месеци тој и колегите во Комисијата за заразни болести се целосно посветени да обезбедат препораки, закони и протоколи со кои ќе се спречи ширењето на коронавирусот.

„Протоколите кои досега ги подготвивме за повторно отворање на бизнисите и нормализирање на животот по нови правила, се покажаа многу ефикасни. Се докажа дека со почитување на овие протоколи за лична заштита од коронавирусот, целосно е безбедно да се пазари во маркет, да се оди на работа или да се користи јавниот превоз. Тоа е едноставно нашата нова реалност и нов начин на живот“, рече министерот Филипче.

Идната седмица се одржуваат предвремените парламентарни избори. Министерството за здравство, во соработка со другите институции, изготви сигурен и ефикасен пртокол за заштита на здравјето на граѓаните при гласање.

„Сакам од мое лично име и од името на комисијата, да ве уверам дека на денот на изборите ќе биде сосема безбедно да се гласа и со тоа да го остварите вашето граѓанско право. Гласањето нема да биде помалку безбедно од било која друга нормална активност која ја вршиме секојдневно, како одењето во маркет. Строгиот протокол и негова целосна имплементација се наша должност и одговорност, и се обврзуваме на граѓаните да им обезбедиме сигурна средина во која ќе може да гласаат“, потенцираше министерот Филипче.

Со почит,

Одделение за односи со јавноста

Министерство за здравство

Зголемено нивото на Вардар кај Демир Капија и на Дојранскот Езеро

Зголемено ниво во однос на јулскиот просек има реката Вардар кај Демир Капија, покажуваат денешните хидролошки мерења.

Кај останатите реки во државава се бележи ниво под просекот. Зголемено ниво е регистрирано и на Дојранското Езеро./МИА

притисни ентер