СЈО го бара „Монструм“, судењето одложено за 17 април

Второто по ред одложување на „Монструм“ предизвика жестока расправа, полна со емоции од родителите на убиените момчиња кај Смилковското езоро. „монструм“ откако се врати одново, никако да стартува. Врховниот суд со одлуката ги ослободи од притвор обвинетите.
„До кога ќе се купува време, ова е политички пазар судија. Нашите деца шест години скапуваат во гроб, имате ли диша судија, имате ли деца?“, ова беа само дел од пораките и прашањата на родителите на петтемина загинати млади момчиња кај Смилковското езеро до судијата Огнен Ставрев. Родителите не им веруваат на властите, случајот го оценуваат пазарање на политичките партии.

„Судот мајтап си игра со случајот „Монструм“ шест години веќе, политичките партии се пазарат со нашиот случај, со крв на деца се пазарат. Претходната велеше едно, сегашната власт тврди дека Опелот „Омега“ е на МВР и дека и има паднат телефон на висок функционер на разузнавање. На Смилковско езеро“, изјави Горан Наќевски, татко на починатиот Александар Наќевски.

Рочиштето е одложено, зашто судијата утрово добил известување, во кое Катица Јанева вели дека предметот „Монструм“ го побарала од Обвинителството за организиран криминал. Од СЈО велат дека уште од понеделник предметот е кај нив и за осум дена ќе одлучат дали да го преземат. Неофицијално, „Монструм“ ќе го води Специјалното Обвинителство.

„Вроди со плод, според мене, напорот на одбаната. Да СЈО го преземе овој навистина сензитивен случај. Мислам дека надлежноста е дефинитивно на Специјалното јавно обвинителство, бидејќи има во посет преслушувани разговори“, изјави адвокатот Насер Рауфи.
„Двете страни овдека се повредени и страната на обвинетите коешто е неосновано, по наше видување скоро шест години во притвор и страната на оштетените коишто сакаат да ја знаат вистината кој е виновен за смртта на нивните деца. Со учеството на СЈО сигурен сум дека тоа ќе се расчисти“, изјави адвокатот Сашко Дукоски.

Судскиот процес продолжува на 17 април.

Масакрот кај Смилковското езеро се случи на Велики Четврток во 2012 година. Беа убиени пет млади момчиња и еден рибар. Шестмина беа шест години во притвор, сега се со мерки на претпазливост, откако Врхвен ги ослободи. Алил Демири и Африм Исмаиловиќ се во бегство.


Чижов: Русија не е против ширењето на ЕУ, но натамошното ширење на НАТО е „нешто друго“

Српски Спутник денеска го објави коментарот на постојаниот претставник на Русија во ЕУ, Владимир Чижов во кој тој ги објаснува негативните последици од можното зачленување на Македонија во НАТО.

Според Чижов, Русија не е против ширењето на ЕУ, бидејќи секоја држава има право самостојно да носи одлуки, но понатамошното ширење на НАТО е „нешто друго“.

- Ширењето на НАТО е нешто друго. Тоа во суштина е обид со закани и со предизвиците на 21-от век да се даде отпор со средства од 20-от век. Секако, ние нема да фрламе атомски бомби....како што кажав, секоја држава има право до носи одлуки и да прави свои грешки. Но, постојат грешки кои имаат последици, констатираше рускиот дипломатски преставник во ЕУ.

Најмалку 25 повредени во експлозија во Германија

Најмалку 25 лица се повредени , од кои четворица потешко во експлозија во германскиот град Вупертал.

Експлозијата се случила нешто пред полноќ во станбена зграда  , што предизвикало паника кај граѓаните.

Пожарникарите неколку часа го гаснеле пожарот , а истрагата за причините е во тек.

Манчевски и Царовска: Обезбедување квалитетни јавни услуги достапни до сите граѓани е приоритет во нашата работа

Министерот за информатичко општество и администрација Дамјан Манчевски и министерката за труд и социјална политика Мила Царовска, се обратија на министерската конференција што се одржува во Маракеш, Мароко.

Конференцијата се одржува во рамки на меѓународниот форум за јавна администрација на тема: "Трансформирање на власта за остварување на целите за одржлив развој", во организација на Обединетите Нации, се наведува во соопштението на Владата.

Министерот Манчевски и министерката Царовска, зборуваа за обезбедувањето на јавни услуги достапни за сите граѓани. На овој начин, потсетувајќи на заложбите за доближување на услугите што јавната администрација ги нуди, до граѓаните, го одбележаа и Меѓународниот ден на јавните услуги.

Министерот Манчевски се осврна на клучните принципи по кои се води Владата во своето работење, а тие се транспарентност и инклузивност во креирањето на политики и дигитализација на администрацијата.

„Во изминатата година превзедовме голем број на мерки и активности, во правец на вклучување на сите засегнати страни во започнатите процеси како и целосно информирање на јавноста за превземените активности. Во тој правец, беше одлуката за се зголеми бројот на денови за коменитрање на ЕНЕР, од 10 на 20 дена, со цел оставање на поголем простор за вклучување на граѓанските организации, академијата, бизнис заедницата и граѓаните при донесувањето на нови закони, измени на закони...Пример за вклучувањето на сите засегнати страни во креирањето на политики е изработката на сите стратегии на кои работеше и работи МИОА во моментов. Тоа се Стратегијата за реформа во јавната администрација, стратегијата за широкопојасен интернет, за отворени податоци и за сајбер безбедност“, истакна министерот Манчевски.

Што се однесува на зголемување на квалитетот и достапноста на јавните услуги, министерот Манчевски информираше за националниот портал за е-услуги, проектот „“Една точка за услуги“ и проектот за креирање на електронски идентитет на граѓаните.

„Сите овие проекти имаат една цел, а тоа е преку можностите што ги нуди дигитализацијата да ги донесеме услугите до граѓаните. Да го подобриме квалитетот и сликата за јавната администрација, како сервис во служба на граѓаните. Само кога граѓаните ќе ги имаат сите информации за работењето на институциите и ќе бидат вклучени во сите процеси, саом тогаш ќе имаме политики и мерки кои одговараат на потребите на сите граѓани“, заклучи министерот Манчевски.

Министерката Царовска зборуваше за заложбите и активностите на министерството за труд и социјална политика во однос на пристапноста до јавните услуги за сите категории на граѓани.

“Оваа Влада е целосно посветена на остварување на Целите за оддржлив развој. Наша крајна цел е да изградиме хумано општество на просперитет и благостојба за сите граѓани и никој да не биде изоставен. Само со обезбедување на добри услови за живот, достоинствен приход и квалитетни услуги, може да се надеваме на одржлив развој. Работиме интензивно на проширување ма мрежата на градинки, особено во руралните средини, воведување нови услуги на локално ниво како персонална асистенција, пилотирање на младинската гаранција и целосно реформирање на системот за социјална заштита”.

Министерката Царовска се осврна и на родовата еднаквост како клучен предуслов за равој на еднакво и демократко општество.

“Родовата еднаквост е моја лична заложба и програмска цел на Владата на Република Македонија. Преземавме значајни чекори во насока на искоренување на сиромаштијата кај жените. Со промена на законот за минимална плата се намалува разликата во платите меѓу мажите и жените. Ја ратификуваме Истанбулската конвенција за борба и заштита од сите видови на насилство врз жените и семејното насилство”

притисни ентер