Компаниите заинтересирани за мерките од Планот за економски раст

Компаниите генерално немаат забелешки за мерките од третиот столб на владиниот План за економски раст, но имаат нејаснотии во однос на условите и критериумите што се различни од мерките во првиот и вториот столб.

За деталите околу можностите и критериумите за користење на мерките денеска дебатираа бизнисмени од Стопанската комора на Македонија со Јован Деспотовски, директор на Фондот за иновации и технолошки развој, институција преку ќе се реализираат активностите.
Според Деспотовски, размената на информации со бизнисот и разјаснувањето на мерките се важни со оглед дека е во тек изработката на правилниците со кои ќе се применуваат мерките.

Според Деспотовски, од средбите со бизнисмените во изминатите недели може да се види дека кај нив има голем интерес за мерките. На крајот на месецов, како што најави, ќе биде објавен првиот повик за користење на мерките од третиот столб.

- Забелешки нема, има повеќе прашања и коментари од аспект на појаснување, како на пример со колку проекти можат компаниите да аплицираат, дали може да се аплицира за повеќе мерки одеднаш, како и прашања што претставува иновација, изјави Деспотовски.

На компаниите, како што рече, им појаснуваат дека првпат се воведува можност за финансирање технолошки развој што подразбира набавка и примена на нова технологија, што ќе ја поттикне конкурентноста на компаниите.
За подготовка на проектите со кои компаниите ќе можат да аплицираат за користење на мерките ќе имаат помош од Фондот за иновации каде им се на располагање стручни лица и со кои ќе можат да работат по претходно закажан термин.

Билјана Пеева Ѓуриќ, извршен директор во Стопанската комора на Македонија, очекува да бидат разјаснети сите дилеми кои ги имаат компаниите.
- Тука има сериозни мерки коишто може да бидат од корист на бизнис заедницата, како што е мерката за стручно усовршување и пракса на млади кадри кои треба да се вработат во компаниите. Таквата финансиска поддршка секако е добредојдена, бидејќи со стекнувањето дополнителни знаења, вештини и обуки компаниите ќе може да генерираат кадар којшто му е потребен на пазарот на труд, изјави Пеева Ѓуриќ.

За спроведување на третиот столб од владиниот План за економски раст Фондот за иновации и технолошки развој располага со 10,5 милиони евра. Најавени се вкупно три повици за мерките. По првиот што треба да биде објавен до крајот на месецов, повици за користење на мерките ќе бидат објавени и во јуни и во септември. На располагање на Фондот за иновации и технолошки развој се и 7,5 милиони евра, средства од Светска банка, а кои не беа искористени од претходното раководство.

Фифти Сент ќе бара самостојно старателство над синот

Американскиот рапер Фифти Сент ќе побара самостојно старателство над синот што го има со Дафне Џој, откако таа е посочна како наводна сексуална работничка во тужбата против музичарот Шон Комбс - „Диди“.

„Со оглед на најновите случувања и вести за вмешаноста на Дафне Џој во тужбата на Диди, Фифти Сент ќе бара самостојно старателство над неговиот син“, изјави извор близок до двојката за „Ју-ес викли“ (Us Weekly).

Портпаролот на Фифти рече дека нема коментар за овие наводи.

Раперот и Дафне беа во врска во 2011. и 2012 година. Тие се разделија набргу по раѓањето на нивниот син Сајр. По последните наводи, Фифти на својот интернет-простор објави фотографија од себе со пура и не многу пријателски коментар за поранешната девојка.

„Не знаев дека си сексуална работничка. Мала сексуална работничка. 'ЛОЛ'. Овие г**нарии се претворија во филм", напиша музичарот.

Според западните медиуми, во судските документи Дафне Џој е обвинета дека била вмешана како сексуална работничка, заедно со Јанг Мајами и Џејд Рејми, во наводниот синџир за секс-трговија на Диди. За нив, наводно, раперот „се фалел“ дека им плаќал „месечна стипендија“ за нивната сексуална работа./МИА

Индустриското производство во февруари зголемено за 0,3 отсто

Индустриското производство во февруари годинава во однос на истиот месец лани е поголемо за 0,3 отсто. 

Во периодот јануари – февруари 2024 година, пак, споредено со првите два месеца од 2023, растот изнесува 1,5 проценти, соопшти Државниот завод за статистика.

Гледано по сектори, индустриското производство во секторот Рударство и вадење на камен во февруари 2024 година, во однос на февруари 2023 година, бележи пораст од 5.6 %, во секторот Преработувачка индустрија бележи пораст од 0.8 %, а во секторот Снабдување со електрична енергија, гас, пареа и климатизација опаѓање од 14.5 %. Зголемувањето во секторот Преработувачка индустрија е резултат, пред сѐ, на зголеменото производство во следните оддели: Производство на прехранбени производи, Производство на текстил, Производство на хартија и производи од хартија, Производство на хемикалии и хемиски производи, Производство на основни фармацевтски производи и фармацевтски препарати, Производство на производи од гума и производи од пластични маси, Производство на електрична опрема, Производство на машини и уреди, неспоменати на друго место, Производство на моторни возила, приколки и полуприколки, Производство на останата опрема за транспорт, Производство на мебел, Останата производствена индустрија и Поправка и инсталирање на машини и опрема.

Според главните индустриски групи, производството во февруари 2024 година, во однос на февруари 2023 година, бележи пораст кај Интермедијарни производи, освен енергија за 5.9 %, Капитални производи за 4.8 % и Трајни производи за широка потрошувачка за 3.4 %, додека опаѓање бележи кај Енергија за 15.4 % и Нетрајни производи за широка потрошувачка за 5.9 %

Фетел одговори на прашањето дали се враќа во Формула 1

Себастијан Фетел го прекина молкот за гласините за неговото враќање од пензија за да го замени Луис Хамилтон во Мерцедес.

Четирикратниот светски шампион се прости од трките на крајот на 2022 година во автомобил на Астон Мартин за да помине повеќе време со семејството, но германскиот возач тогаш за можното враќање рече: „никогаш не треба да се каже никогаш“.

Откако Хамилтон во февруари објави дека ќе го напушти Мерцедес и ќе се пресели во Ферари од 2022 година, се шпекулираше дека Фетел ќе го замени, но…

-Сè уште сум заинтересиран и ги следам трките. Во моментов се случува многу - на и надвор од патеката. Но, за мене Формула 1 не е во фокусот во моментов. Кога заминував, реков дека никогаш не вели никогаш за враќањето, но намерата не ми беше да застанам и потоа да почнам повторно, изјави Фетел и со тоа ги демантираше гласините дека се враќа. /МИА

притисни ентер