„Made in Macedonia“ - концерт на Филхармонијата со кларинетистот Здравко Ангелов

„Made in Macedonia“ е насловот на претстојниот концерт на Македонската филхармонија в четврток, на кој солист ќе биде Здравко Ангелов, прв кларинетист во Филхармонијата. Тој ќе го изведе Концертот за кларинет и оркестар бр. 1 од Лудвиг Шпор.

Диригент ќе биде Борјан Цанев, а на програмата се и „Лет“ од австралискиот композитор со македонско потекло Мајкл Бакрнчев, како и познатата Симфонија бр. 41 „Јупитер“ од Моцарт.

Здравко Ангелов (1978) е 11 години вработен како прв кларинетист во оркестарот на Филхармонија. Дипломирал и магистрирал на Факултетот за музичка уметност. Во неговото работно искуство се вбројува и педагошката работа во ДМБУЦ „Илија Николовски-Луј’ и двегодишното искуство како надворешен соработник во Македонската опера и балет.

Настапувал како солист со симфониски оркестри во Македонија и надвор од земјата, но и како камерен музичар, а воедно е постојан член и на Камерниот ансамбл „Консонанс“. 

Дескоска во правда, Арбр Адеми во образование, Алаѓозоски заминува од култура

Премиерот Зоран Заев утрово до собранието треба да го испрати предлогот за реконструкција на владата.

Според најавите, Рената Тренеска Дескоска од министер за образование од СДСМ оди во министерството за правда, а во образование Арбр Адеми, сегашен заменик министер за образование од ДУИ.

Роберт Алаѓозовски, заминува од министер за култура. На негово место треба да седне Асаф Адеми, кадар на движењето БЕСА од крилото на Африм Гаши, кој беше кандидат за градоначалник на БЕСА за Гостивар.

Руската војска собори дрон во близина на својата база во Сирија (видео)

Руската војска соопшти дека соборила неидентификуван дрон кој дошол во близина на нивната сириска воздушна база во Хмеим, извести агенцијата РИА.

„На 21 мај во доцните вечерни часови радарите на воздушната ваза Хмеим открија како на аеродромот му се приближува мала воздушна мета (дрон), од непознато потекло“ – се наведува во соопштението.

„Нема жртви, ниту физичка штета. Руската воздушна база во Хмеим работи нормално“ – се истакнува во соопштението.

Според извештаите на светските медиуми, се слушнале неколку експлозии и изгледало како руската база да е под напад.

Хмеим е една од двете руски воени бази во Сирија. Втората се наоѓа во Тартус.

 

Возач и сопатник загинале во сообраќајка во Скопје

 Возач на патничко моторно возило и сопатник загинале во една од вкупно 10 сообраќајки случени во текот на вчерашниот ден на подрачјето на СВР Скопје. 

Во една сообраќајка потешко било повредено едно лице, пет лица се здобиле со полесни повреди во три сообраќајки, а во пет била причинета материјална штета.

Од МВР информираат дека вчера сообраќајната полиција открила и санкционирала поголем број прекршоци. Осумдесет и девет возачи се движеле со брзина поголема од дозволената, тројца возачи поминале коловоз вон пешачки премин, пет возачи поминале  крстосница на црвено светло, тројца возачи за неправилно престројување, еден возач за неправилно престигнување и 16 возачи за не користење на заштитен шлем. Санкционирани биле и тројца пешаци кои поминале коловоз во пешачки премин. Затекнати биле 120 непрописно паркирани возили.

Од сообраќај биле исклучени пет возачи кои го управувале возилото под дејство на алкохол, 18 возачи пред да се стекнат со право на управување на моторно возило, двајца возачи почетници, како и две технички неисправни возила.

Со помош на  специјалното возило пајак, отстранети биле 68 возила.

Одделението за превенција при СВР Скопје денеска во рамките на сообраќајно воспитниот проект „Сообраќајна култура на децата во предучилишните установи“ ќе реализира едукативна работилница со децата од средна и голема група во детската градинка „25 Мај“’, објект „Искра“, која се наоѓа на подрачјето на општина Гази Баба. 

притисни ентер