Над 80 дела од жени-уметници на изложба во Чифте амам

Повеќе од 80 дела од 60-ина авторки од Македонија и од поранешна Југославија од различни генерации ќе бидат претставени на изложба „Чудесните жени од колекцијата на Националната галерија на Македонија“ која вечер во 19 часот ќе биде отворена во Чифте амам.
Изложбата ги прикажува жените уметници во колекцијата на НГМ  чии дела, главно, се чуваат во депоата на Галеријата. Во постојаната поставка на НГМ има дела од седум авторки. Најстаро дело што ќе биде претставено е од југословенската колекција, на уметницата Надежда Петровиќ од 1905-1910. Се работи за масло на платно, а насловот е „Друштво“ (Карташи).

- Нема специфики во техниките со кои авторките ги изработувале своите дела. Станува збор за сите стандардни мултимедијални техники кои се користеле низ децениите, велат од НГМ.

Според кураторката Маја Чанкуловска-Михајловска, изложбата е пресек на македонската ликовна уметност претставен низ постојаната поставка во Даут-пашин амам.

- Дури и еден бегол поглед врз оваа поставка не соочува со фактот дека во 21 век процентот на застапени жени уметници во една репрезентативна поставка на македонска уметност е неверојатно мал. Се надеваме дека изложувањето на овие дела ќе понуди поинаков поглед не само за постоењето на индивидуалните напори и остварувања, туку и за флуидната категорија „женско писмо“, вели  Чанкуловска-Михајловска.


Изложбата која се отвора по повод Меѓународниот ден на жената ќе може да се посети до крајот на месецов. /МИА

Сијарто: Комесарот на ОН и објави војна на унгарската влада

Високиот комесар на ОН за човекови права, Зеид Раад ал-Хусеин и објави војна на унгарската влада затоа што сака да ги заштити граѓаните на Унгарија од илегалната миграција.

Тоа го изјави унгарскиот министер за надворешни работи, Петер Сијарто.

Ал-Хусеин денеска на отворањето на 38. Седница на Светскиот совет за човекови права ја критикуваше имиграционата политика на Америка, Кина, Мјанмар и Унгарија.

Комесарот на ОН ја критикуваше Унгарија поради законот против активностите на милијардерот Џорџ Сорос со кои се наметнуваат рестрикции на организациите кои им помагаат на бегалците и ги казнуваат групите за заштита на човековите права на границите.

Шефот на унгарската дипломатија изјавил дека илегалната миграција е прашање на национална безбедност и навел дека во последните три години загинале повеќе од 330 луѓе, а повеќе од 1.300 се повредени во Европа “во нападите на терористите со мигрантско потекло“.

Фотографијата со која “Русите“ го шокираа светот не е од Русија (фото)

Фотографијата која го обиколи светот, а на која се наоѓаат десетици мртви кучиња, била направена во Пакистан, а не во Русија, како што тврделе многумина.

Шокантната фотографија направена е во Карачи во 2016 година, а кучињата биле убиени за да се намали бројот на животните на улиците, пишува „Раша тудеј“.

Сепак, пред почетокот на Светското првенство во фудбал многумина беа загрижени за кучињата скитници во Русија, тврдејќи дека Русите ги убиваат.

 

Корисниците на социјалните мрежи ја споделувале фотографијата мислејќи дека е направена во Русија.

Меѓутоа, фотографијата на која има повеќе од 50 мртви кучиња е направена пред две години во Пакистан.

Заменик премиер Витали Мутко навел дека животните биле уловени и сместени во прифатилиште, а некои од корисниците на твитер го споделиле го споделиле текстот на Ројтерс во кој се наведува дека во Карачи во 2016 година се убиени повеќе од 700 кучиња. Фотографијата со кучињата исто така се наоѓа во овој текст.

„Фотографијата која сте ја искористиле според моето мислење е злочин, но не од Русија“ – напишал еден корисник на оваа социјална мрежа.

 

Украина: Време е за “деокупација“ на Крим

Киев, после продолжувањето на санкциите на ЕУ спрема Русија, треба да премине на “деокупација“ на Крим, изјави министерот за внатрешни работи на Украина, Павел Климкин.

„Им благодарам на нашите пријатели во ЕУ за продолжувањето на “кримските“ санкции на уште една година. Важно е во списокот да се внесат и одговорните за масовните кршења на човековите права на окупираниот полуостров и за изградбата на мостот преку Керчкиот проток. Треба да се премине од политика на “непризнавање“ на “деокупација“.

Претходно е соопштено дека рестриктивните мерки на Европската унија за Крим се продолжени на уште една година.

 

притисни ентер