Македонија

НБРМ: Економијата закрепнува, носители индустријата и трговијата

Македонската економија во последниот квартал од минатата година продолжила да закрепнува со нешто подобро темпо споредено со третиот квартал, оценува Народната банка на Република Македонија.

На ваква констатација, како што соопшти НБРМ, посочуваат податоците за најновите остварувања во индустријата и трговијата, додека градежната активност продолжи да се намалува. Анкетните истражувања укажуваат на натамошно задржување на довербата на економските субјекти.
На вчерашната седница на Комитетот за оперативна монетарна политика е оценето дека монетарната поставеност е соодветна и е одлучено аукцијата на благајнички записи да се спроведе под непроменети услови, односно да се понудат благајнички записи во износ од 25.000 милиони денари и каматна стапка од 3,25 проценти.

Разгледувајќи ги најновите остварувања во домашната економија во контекст на макроекономските проекции од октомври минатата година, Комитетот заклучил дека економските основи се здрави, без присуство на нерамнотежи во економијата. Констатирано е и понатамошно стабилизирање на довербата и очекувањата на економските субјекти, видливо преку поволните движења на девизниот пазар и солидната динамика на депозитен раст.
Ризиците во однос на проекцијата на инфлацијата за годинава од два процента се оценети како урамнотежени.

Според НБРМ, податоците за девизните резерви во минатиот месец покажуваат раст, што во најголем дел се должи на трансакциите за сметка на државата како резултат на издавањето на шестата еврообврзница на меѓународните финансиски пазари. Тие движења кај девизните резерви главно се во рамки на очекувањата, така што показателите на адекватноста на девизните резерви и натаму се движат во сигурната зона. Во отсуство на понови податоци за билансот на плаќања за 2017 година, и понатаму останува констатацијата за можност за остварување помал дефицит на тековната сметка и нешто пониски нето-приливи во финансиската сметка од очекуваните, соопштува НБРМ и укажува дека на крајот на минатата година на кредитниот пазар е забележано и одредено забрзување кај кредитирањето на корпоративниот сектор.

На девизниот пазар, поволните движења од крајот на декември минатата година, коишто се карактеризираа со зголемена понуда од менувачниците, продолжиле и на почетокот на јануари годинава, придонесувајќи банките да откупуваат девизи во трансакциите со сите клиенти на нето-основа, поради што дел од вишокот ликвидност го насочиле кон Народната банка, којашто откупила пет милиони евра.

Регион

Дачиќ: Денеска е ден на срамот за парламентарното собрание на Советот на Европа

Првиот вицепремиер и министер за надворешни работи Ивица Дачиќ изјави вечерва, дека денеска е ден на срамот во ПССЕ, бидејќи за прв пат во историјата, како што истакна, членство се дава на нешто што не е држава.

Првиот вицепремиер и министер за надворешни работи Ивица Дачиќ изјави вечерва, откако Парламентарното собрание на Советот на Европа (ПССЕ) ја усвои препораката за Косово да му се одобри да стане членка на Советот на Европа, дека денеска е ден на срамот во ПССЕ, бидејќи за прв пат во историјата, како што истакна, членство се дава на нешто што не е држава, а кое не исполнува се препорачани основните услови во доменот на човековите права и слободи, објави Телеграф.

„Денес е ден на срамот во Парламентарното собрание на Советот на Европа. За прв пат во историјата се препорачува членство на нешто што не е држава, а кое не ги исполнува основните услови во доменот на човековите права и слободи“, рече Дачиќ, соопшти МНР.

Тој посочи дека 11 години Приштина одбива да формира Заедница на српски општини, што е нивна меѓународна обврска, како и да спроведува политика на терор против српскиот народ и етничко чистење.

Со оваа одлука, наметната од силата на меѓународните сили, тие ги поткопаа самите основи на Советот на Европа и меѓународниот правен поредок, нагласи Дачиќ.

„За кој принцип на заштита на територијалниот интегритет ќе продолжат да зборуваат, кога го нарушија територијалниот интегритет на Србија? Ќе ја продолжиме нашата борба со сите сили, ќе се бориме оваа одлука да не биде донесена на Комитетот на министри на 16 мај. И ќе ја видиме вредноста на зборот на меѓународната заедница што му го дадоа на претседателот Александар Вучиќ дека Косово нема да биде примено во Советот на Европа додека не ја формира Заедницата на српските општини. Дали тоа повторно ќе биде лага“, праша шефот на српската дипломатија.

Парламентарното собрание на Советот на Европа (ПССЕ) вечерва го усвои нацрт-извештајот на известувачот за Косово Доре Бакојани, во која се препорачува на Косово да му е одобрено да стане членка на Советот на Европа.

За прием на Косово во Советот на Европа гласаа 131 од 171 присутен член на ПС СЕ, 29 беа против, а 11 беа воздржани.

Автомобилизам

Компанијата „Тесла“ најави откази за 14.000 работници, за да останела „агилна и гладна“

Tesla се соочува со нови предизвици за да ја задржи својата позиција на пазарот.

Компанијата најави отпуштања на над 10% од својата глобална работна сила, што е еднакво на намалување на најмалку 14.000 позиции. Оваа одлука доаѓа во време кога Tesla бележи пад на побарувачката и се соочува со сериозен притисок врз цените на своите производи.

Илон Маск, извршен директор на Tesla, во интерен меморандум кој прв го објави порталот Elektrek, изјави дека компанијата доживеала брз раст во изминатите години, што доведе до дуплирање на улогите и функциите во компанијата. Маск нагласи дека „ова е неговата најмалку омилена одлука, но неопходно е да се преземат чекори за да се одржи компанијата агилна, гладна и иновативна и подготвена за нови фази на раст“.

Првиот квартал од 2024 година ги покажа предизвиците со кои се соочува Тесла, со испораки од 387.000 возила, 13% под очекувањата на пазарот и прв пад на испораките во речиси четири години. Проблемите со производството, вклучително и нападите на транспортните патишта во Црвеното Море и пожарот во фабрика во Берлин, само дополнително ги истакнаа проблемите со кои се соочува компанијата, пишува The Guardian.

Покрај внатрешните предизвици, Tesla се соочува и со се посилна конкуренција, особено на кинескиот пазар, каде локалните производители како BYD и Xiaomi почнаа сериозно да ја загрозуваат нејзината доминација. BYD дури накратко ја презеде титулата најголем производител на електрични возила во светот во последниот квартал од 2023 година.

Маск истакна дека, покрај организациските промени, компанијата е фокусирана и на подобрување на профитните маржи, кои во последниот квартал паднаа на најниско ниво во последните четири години и изнесуваат 17,6%.

Со оглед на тоа што Tesla продолжува да се прилагодува на променливите пазарни услови, акциите на компанијата паднаа за 5,6% на пазарот, отфрлајќи приближно 38 милијарди долари од пазарната капитализација на компанијата.

Илон Маск на платформата X, која исто така ја поседува, изјави: „На секои пет години потребно е да се реорганизира и оптимизира компанијата за следната фаза на раст“.

Веста доаѓа кога другите играчи на пазарот на електрични возила, како што е BP, преземаат слични чекори за оптимизирање на нивните операции за полнење ЕВ, што покажува дека промената во индустријата е неизбежна.

Фудбал

Хаос во Барселона пред натпреварот во ЛШ: Полицијата се судри со навивачите на ПСЖ (ВИДЕО)

Жешка увертира беше видена во Барселона пред натпреварот меѓу Барса и Пари Сен Жермен, каде голем број навивачи од Франција дојдоа да го бодрат својот тим во реваншот од четврт-финалето на Лигата на шампионите.

Ултрашите на Пари Сен Жермен, кои се познати и како сериозни хулигани на европско ниво, влегле во конфликт со полицијата.

На видеата кои се појавија на Инстаграм и другите социјални мрежи, може да се види како полицијата и навивачите на ПСЖ се тепаат во областа во близина на стадионот.

Да потсетиме, на Олимпискиот стадион Монжуик играат Барселона и ПСЖ.

Во првиот меч Барселона победи со 3:2 на гостувањето кај ПСЖ и е сѐ поблиску до полуфиналето.

притисни ентер