Премиерот Заев во посета на Тиквешијата: Остануваме партнер на лозарите и за поголема откупна цена

Претседателот на Владата на Република Македонија, Зоран Заев, придружуван од министерот за земјоделие, Љупчо Николовски и советничката за земјоделие, Ленче Николовска и други, денеска во Кавадарци присуствуваше на одбележувањето на празникот на лозарите и винарите, Св. Трифун.
Според соопштението од Владата , премиерот Заев во Кавадарци, заедно со Претседателот на Република Македонија Ѓорге Иванов, со градоначалникот на Кавадарци, Митко Јанчев, и со претставници на дипломатскиот кор, им го честитаа празникот на граѓаните од Кавадарци.
При посетата на Кавадарци, премиерот Заев оствари средба со присутните граѓани на централниот плоштад во Кавадарци.

По повод денешниот празник Претседателот на Владата на РМ го посети и Неготино, каде што беше пречекан од градоначалникот Тони Делков.

За време на посетата на Неготино, премиерот Заев, министерот Николовски и градоначалникот Делков, остварија средба со присутните граѓани на градскиот плоштад, и во изјавата за медиумите порача дека со посебно внимание се решаваат проблемите на лозарите, дека се води грижа за навремено исплаќање на субвенциите и тоа дека во тек се и разговори со винариите и откупувачите за откупот на годинешната реколта.

- Среќен сум што можам да објавам, на стартот на сезоната, дека субвенциите се исплатени. Веќе почнавме разговори со винарниците и откупувачите за да може да обезбедиме колку може поповолна цена за производителите. Убеден сум дека со новите мерки што ги прави Владата, посебно за стимулирање на нови насади, отварањето на нови пласмани и со освојувањето нови пазари, цените на грозјето ќе растат. Сакам граѓаните да знаат дека Владата осветено работи во обезбедувањето на сигурниот пласман, но секако ќе бидеме и нивен партнер во преговорите за откупните цени – изјави Претседателот на Владата на Република Македонија Заев.

Министерот за земјоделие, шумарство и водостопанство, Љупчо Николоски, во изјава дадена за медиумите ги информираше лозарите за новите мерки во програмата за поддршка на  земјоделството и руралниот развој.

- Оваа година со програмата предвидуваме зголемување на субвенциите за сите лозари кои имаат помеѓу 1 и 10 хектари под лозови насади. Нашата интенција како политика ќе биде да ги стимулираме  да го модернизираат производството, и да даваме уште поголема поддршка на категоријата на земјоделци кои што навистина може да го донесат развојот – рече министерот Николовски во изјава за медиумите.
Во текот на денот Премиерот Заев ќе ги посети и винариите Лепово, на локалитетот Црвени Брегови, винарницата Попова Кула и винарницата Кралица Марија во Демир Капија, каде ќе учествува на хуманитарна акција, и на традиционалното закројување на лозјето.

Нимиц: Се уште нема конечно решение, двете страни се одлучни да го најдат

Се уште нема конечно решение за спорот за името меѓу Македонија и Грција, но двете страни се одлучни да продолжат да работат се додека не се пронајде, изјави кусо денеска во Њујорк медијаторот Метју Нимиц.

Ниту двата часа денеска, ниту вчерашните шест не донесоа суштински напредок во преговорите за спорот за името. Немаме финален договор, двајцата министри си ги бранат нациоанлните интереси, но одлучни се да дојдат до компромис. Преговорите продолжуваат во Брисел, ова беше пораката на Медијаторот Метју Нимиц, повторно срочена во 40-ина секунди и без можност да се постават прашања. 

Очекувано не е познато што било ставено на маса, но судејќи според најавите, македоската страна веројатно настојувала на Република Илинденка Македонија, а грчката на еден од четирите предлози од стариот пакет на Нимиц, со тѕежиште на Горна и Вардарска Македонија. Во таа насока, неколку часа пред завршувањето на средбата во Њујорк, зборуваше и грчкиот премиер Ципрас, по средбата со градоначалникот Бутарис, оцени дека најголема победа за Грција би било име со одредница пред името Македонија.

-Се наоѓаме во преговори кои што се чувствителни, критични, направени се чекори напред. Ние одиме напред бранејќи една национална позиција и кога веќе се наоѓам во Солун, во Македонија, сакам да кажам, затоа што слушам некои што велат не го давајте името. Ние тука се стремиме да добиеме нешто назад, а не да дадеме нешто. Да земеме нешто што веќе 70 години е дадено, од други, не од нас, изјави Ципрас.

По првата во Њујорк, трите средби во Виена и една во Атина, преговорите вчера и денеска повторно се вратија на Ист ривер.   На првата средба, во јануари со која и формално беше возобновен процесот, тогаш со преговарачите Наумовски и Василакис, Нимиц оптимистички соопшти дека на повидок е решение на спорот. Од тогаш поминаа четири месеци, а епилогот е се уште неизвесен.

Најмалку двајца ученици поврдени во пукотници во училиште во САД

Уште еден напад во средно училиште во САД , во кој има најмалку две повредени лица.

Полицијата од Индијанаполис соопшти дека напаѓачот е приведен. Повредените се пренесени во болница , а семејствата на учениците се известени. Според писмената изјава на портпаролот на полицијата за округот Хамилтон , напаѓачот делувал сам , а за мотивите нема информации.

Снимките од хеликоптерот покажуваат како учениците се евакуираат надвор од училиштето , кон спортската сала , од каде ги земаат нивните родители.

Нападот доаѓа точно на една недела по пукањето во училиште во Тексас , каде беа убиени 8 мина ученици.

Трамп ја поправа историската неправда

Претседателот на САД постхумно го помилува боксерот Џек Џонсон , кој завршил во 1912 во затвор по однос со бела жена.

Џек Џонсон е првиот афроамерикански првак на САД во тешка категорија . ,, Верувам дека Џек Џонсон заслужува да биде помилуван за да се исправи грешката во нашата историја .” , рече Трамп.

Во случајот , кој стана симбол за расна нетрпеливост , Џонсон во 1912 година беше затворен , откако бил фатен со Лусил Камерон , која подоцна му станала сопруга.

Џонсон починал во 1946 година. Заедно со Трамп во Белата Куќа при објавувањето ан помилувањето беа и Силвестер Сталоне , познат по улогата на боксерот Роки , како и боксерот Ленокс Луис.

притисни ентер