Живот

Како “тенисерот“ Дарко Грнчаров успеа да ги измами Серена Вилијамс, Навратилова и „Би-Би-Си“

Како 20 годишно момче од земјата на лажните вести успеа да ги прелаже Мартина Навратилова, Серена Вилијамс и „Би-Би-Си“.

Со овие зборови Бен Ротенберг, американски новинар кој пишува и за „Њујорк тајмс“, ја започнува својата колумна, во која ја открива приказната за лажниот тенисер од Македонија.

Тој неодамна почнал да истражува кој е навистина тенисерот што со своите ставови и коментари ги воодушеви Серена Вилијамс, Мартина Навратилова, Виктор Троицки.

“Тенисерот“ Дарко Грнчаров, кој минатата година беше во кома шест месеци и кој со својата тажна животна приказна ја воодушеви дури и Серена Вилијамс – не постои.

Од вчера се изгасени неговите профили на социјалните мрежи, а до неодамна речиси сите светски медиуми пишуваа за неговиот живот.

Откако се расчу за неговата животна приказна, се јави и светската тенисерка Серена Вилијамс, која му испрати и приватна порака во знак на поддршка велејќи му дека одвај чека да го запознае.

Со Грнчаров интервју направи дури и Би-би-Си. Тие пишуваа за неверојатниот живот на момчето што се разбуди од кома и му се врати на тенисот, но никој веројатно не обрна внимание дека „тенисерот“ никогаш не објавува фотографии на кои му се гледа ликот.

Дури и видеата од неговите тренинзи никогаш не го прикажуваа неговото лице.



Единствениот натпревар некаде заведен е на јуниорски турнир во Подгорица, каде што загубил без добиен сет од Никола Вукотиќ, тенисер кој има само една победа во седум години јуниорски тенис.

Screenshot: a screenshot from the verified Twitter account reportedly belonging to Darko Grncarov dated July 19, 2017, details his alleged story about a stroke and recovery. Screenshot from Twitter.

Откако Грнчаров изјавил дека добил понуда за рекламирање на „Адидас“, компанијата преку „Твитер“ му порачала „Добредојде во семејството Дарко“. Според него, негов спонзор е и компанијата за тениски рекети „Вилсон“.

Но, откако дел од светските медиуми сфатиле дека приказната за Дарко е предобра за да биде вистинита, а тој доаѓа од земја во која се измислени лажните вести, започнува да се открива вистината за него.

Пред таа целосно да се открие, Грнчаров веќе дава интервјуа за десетици светски медиуми, во кои зборува за неговата кариера како тенисер и за неговото неверојатно враќање од кома до тениските терени.

Во јули Грнчаров објавил дека по една година во кома му се вратила свеста и сега е посилен од пред ударот. Лагите поврзани со него вклучуваат и тоа дека неговиот сервис патува со брзина од 183 км на час, што е меѓу побрзите во светот, и дека соработува со српскиот тенисер Виктор Троицки, кој изјавил дека воопшто не знае кој е Дарко.



Свет

Украина тврди дека соборила руски бомбардер Ту-22М3

Командата на украинските воздухопловни сили соопшти дека собориле руски бомбардер Ту-22М3.

Во соопштението се наведува дека руската армија во текот на ноќта ја нападнала територијата на Украина со 22 типа проектили и 14 беспилотни летала од типот „Шахед“.

Наведено е дека украинските сили уништиле две крстосувачки ракети Х-101/Х-555, 14 беспилотни летала, 11 наведувани ракети Х-59/Х-69 и две крстосувачки ракети Х-22.

„Ракетните единици за противвоздушна одбрана на Военото воздухопловство, во соработка со Главната управа за разузнавачки работи на Министерството за одбрана на Украина, по првпат соборија стратешки бомбардер со долг дострел од типот Ту-22М3, носач на крстосувачки ракети Kh-22, кои руските терористи ги користеа за да ги нападнат мирните украински градови“, пишува во соопштението.

Руското Министерство за одбрана соопшти дека воениот бомбардер од типот „Ту-22М3“ се урнал во Ставрополската област поради техничка неисправност, а пилотите се катапултирале. Тројца од четворицата пилоти се пронајдени, додека по четвртиот се трага, наведува руското Министерство. /МИА

Формула

Строл над сите во единствениот тренинг во Кина

Ленс Строл се најде на врвот на табелата на крајот на единствениот слободен тренинг пред Големата награда на Кина, која се враќа во календарот на Формула 1 по петгодишно отсуство.

Канадскиот возач на Астон Мартин извозе 1:36.302 во својот последен летечки круг за време на единствениот тренинг час во Шангај. Така тој го победи Оскар Пјастри од Мекларен за 0,327 секунди, а првата тројка ја заокружи светскиот шампион Макс Верстапен, кој заостануваше 0,358 зад Строл. Сите тројца ги постигнаа своите најдобри кругови во нивните квалификациски симулации со меките гуми.

Серхио Перез остана четврти, само 0,030 зад својот тимски колега од Ред Бул. Мексиканецот го постигна својот најдобар резултат во вториот брз круг на меките пневматици, откако направи грешка при застанувањето за свиокот 6 во неговиот прв.

Возачите на Хаас, Нико Хулкенберг и Кевин Магнусен ја завршија сесијата на петтото и шестото место, а Естебан Окон, Алекс Албон, Даниел Рикиардо и Валтери Ботас ги заокружуваат првите 10.

Локалниот миленик Гуанју Џоу, кој се натпреваруваше пред својата публика за прв пат овој викенд, заврши на 11-тото место на единствениот тренинг. /МИА

Фудбал

Алонсо со критики кон тимот и покрај крајниот успех против Вест Хем

Тренерот на Баер Леверкузен, Чаби Алонсо, изрази незадоволство по реваншот од четвртфиналето на Лигата на Европа помеѓу Германците и екипата на Вест Хем.

Натпреварот заврши нерешено 1:1, што значи дека „аспирините“ одат напред кон фајналфор.

-Се подготвувавме за опција во која Вест Хем ќе не притисне многу силно. Не ни беше многу удобно да играме во нашата формација. Да бидам искрен, во првото полувреме противниците беа подобри и се чувствувавме надвор од место. Многу е важно што не примивме втор гол бидејќи тие дефинитивно одиграа подобро од нас. За среќа, по паузата ги свртевме работите. И мило ми е што продолживме понатаму. Секогаш има тешки моменти во Лига Европа, изјави Алонсо.

Во полуфиналето, фудбалерите на Баер ќе се соочат со Рома во повторување на минатогодишната битка во оваа фаза од турнирот. Тогаш „Римјаните“ излегоа како победници. Натпреварите сега се на 2 и 9 мај - првиот се игра во Рим, а реваншот во Леверкузен. /МИА

притисни ентер