Нови откритија за црквата Свети Ѓорѓи во Битола

Нови откритија за црквата Свети Ѓорги која се крие во темелите на Јени џамија во Битола .Истражувањата покажаа дека Јени џамија крие темели на три цркви, од кои едната е некогаш најголемата црква во центарот на Битола, „Св. Ѓорѓи“, која што е ранохристијанска црква од 7 век.
Истражувањата во комлексот на Јени џамија, во центарот на Битола, покажаа дека по темелите на ова врвно архитектонско дело се крие уште поголемо црковно богаство отколку што претходно се претпоставуваше. Истражувањата покажаа дека Јени џамија крие темели на три цркви, од кои едната е некогаш најголемата црква во центарот на Битола, „Св. Ѓорѓи“, која што е ранохристијанска црква од 7 век.

,,Пронајдена е проскумидијата на црквата на црквата ``Свети Ѓорги`` која се наоѓа под Јени џамија. Таа проскумидија ни потврдува дека објектот се шири и дека е од многу поголемо значење отколку претходно претпоставеното.,, -вели Слободан Стојковски, стручен работник за средновековна археологија во Завод и музеј Битола.

Конзерваторско- реставраторските зафати се одвиваат во повеќе фази. По три години реставрација вратен е стариот лик на Јени џамијата како пред пет века. При зафатот бил користен оловен лим за куполите од Турција и варов малтер од Италија.

,,За раставрацијаа беше користен оловен лим од Турција и варов малтер од Италија.Ова е петта фаза на конзервација и реставрација на фасади на објектот на Јени џамија и уметничка галерија, и покривање на надворешниот и отворениот дел на археолошкото наоѓалиште на џамијата, кое се наоѓа надвор.Тоа е заштитено со челишна конструкција заради заштита од временските непогоди, плус населението од Битола да се запознае со овој значаен локалитет – вели Зоран Алтипармаков, советник конзерватор во Завод и музеј од Битола.

Посебен галериски простор е наменет за посетителите.

Во иднина целта е објектот да биде на лик на Света Софија од Истанбул, односно да ги обединува христијанското и исламското културно наследство на овие простори.

Зголемени водостоите на реките Вардар, Пчиња и Брегалница

Најголемо зголемување на водостоите имаат реките Вардар кај Јегуновце, Зајчев рид и Демир Капија, Пчиња кај Катлановска Бања.

Повисоки нивоа споредено со вчерашните се регистрирани на реките Вардар кај Јегуновце, Зајчев Рид, Велес и Демир Капија, Пчиња кај Катлановска Бања, Брегалница кај Берово и Штип, Сушево кај Струмица, Црна река кај Новаци, Сатеска кај Ботун и Радика кај Бошков Мост покажуваат хидролошки мерења направени од Управата за хидрометеоролошки работи.

Најголемо зголемување на водостоите имаат реките Вардар кај Јегуновце, Зајчев рид и Демир Капија, Пчиња кај Катлановска Бања.

Од УХМР информираат дека минимално зголемување на нивоата е регистрирано на Охридското, Преспанското и Дојранското Езеро. 

Над 8.000 македонски граѓани преку ГП Богородица заминале кон Грција за продолжениот викенд

 На граничниот премин „Богородица“ утрово од околу три часот е зголемена сообраќајната фреквенција.

Oсобено на туристи и патнички возила кои се упатуваат кон Грција за продолжениот викенд, информира за МИА командирот на граничниот премин Миле Тошев напоменувајќи дека за изминативе седум часа,  на излез се регистрирани околу 4.500 патници.

- Работиме со полн човечки и инфраструктурен капацитет за да ги задоволиме потребите на сите што одлучиле да патуваат преку овој граничен премин. Ангажирани се сите шест сообраќајни ленти од кои пет за патничките и една за транспортните возила. Задржувањето на патниците изнесува од 20 до 30 минути поради обавување на царинските формалности. Толкаво е задржувањето на патниците и на грчката страна од границата. На влез во земјава состојбата е многу порелаксирана, поточно секојдневна, рече Тошев.

Според податоциете од пограничната полиција, од вчера од 12 часот низ граничниот премин Богородица кон Грција се упатиле вкупно 12.200 патници од кои само на излез се регистрирани 10.394 патници.Од нив 8.500 се македонски граѓани, а останатите претежно туристи од Србија.

Тевдовски и Ангеловска-Бежоска во работна посета на Брисел

 Министерот за финансии Драган Тевдовски и гувернерот на Народната банка на Република Македонија, Анита Ангеловска - Бежоска се во работна посета на Брисел.

Како што соопштија од Министерството за финансии, посетата на Тевдовски и Ангеловска-Бежоска е во рамки на Економско-финансискиот дијалог меѓу ЕУ и Западен Балкан и Турција.

На настанот ќе бидат презентирани оценките на земјите во исполнувањето на насоките на ЕУ во Програмата за економски реформи. 

Во рамки на посетата министерот за финансии ќе се сретне со еврокомесарот за економски и финансиски прашања, даноци и царина, Пјер Московичи. Целта на средбата со еврокомесарот е да се унапреди соработката со ЕУ на сите полиња.

Во соопштението се додава дека Министерството за финансии првпат има стратегија за создавање европски систем за управување со јавните финансии. 

притисни ентер