Култура

Во Велес отворена патувачката изложба за Методија Андонов Ченто

Во организација на Народниот музеј од Велес и Заводот и музеј од Прилеп во Ликовниот салон во Велес беше отворена патувачката изложба посветена на Методија Андонов Ченто насловена „Биографија низ фотографија“, а која лани во јули беше отворена во Прилеп по повод 60 годишнината од неговата смрт.

Авторот на изложбата историчарот кустос Рубин Белчески неколку години го истражувал животот и делото на првиот претседател на Президиумот на АСНОМ Методија Андонов Ченто.
Изложбата која е претставена на 20 големи паноа содржи над 257 елементи: од кои 224 фотографии,15 документи,15 различни делови од говори на Ченто, мисли, четири текстови и 30 фотографии од споменици и спомен бисти, монети, уметнички дела, поштенски марки и восочната фигура со ликот на Методија Андонов Ченто.
Белчески вели дека тој истражувал и собирал архивски материјали низ повеќе институции, а фотографии и документи добил од семејството на Ченто, на кои им е посебно благодарен.
Воедно најави дека собраниот материјал наскоро ќе излезе и во печатено издание.
- Фотографијата е вистински времеплов која на истражувачот му овозможува контакт со едно минато време. Доколку, пак, се однесува на личност, без разлика кога фотографијата е создадена и дали сме ја познавале личноста или не, таа ни станува препознатлива и драга, а со тоа и емотивно поблиска, воедно буди уште поголем интерес за „запознавање со личноста и нејзинте карактерни особини“.
- Така е и случајот со Ченто, појаснува Белчески.
Воедно потенцира дека читајќи ја литературата за Ченто, не можел да се изначуди за неговата храброст и пожртвуваност, на преголемата желба за слобода и самостојност на Македонија.
- Едноставно, никакви затвори, логори и интернации не можеле да го поколебаат или одвратат во неговата борба за слобода на Македонија. Според тоа што го прочитав, барем десетина пати бил затворан или интерниран. Се разбира, никој не можел да го „превоспита“ воедно ништо не можело да го спречи во истрајноста да се дојде до успех и слобода на Македонија и македонскиот народ, потенцира Белчески за Ченто.
Анита Василкова Мидоска в.д. директор на велешкиот Народен музеј и промотор на изложбата истакна дека во идејната креација на оваа изложба, авторот преку фотографии ги рефлектира животните патеки, судири внатрешни и надворешни борби кои во себе со себе и околу себе ги видел великанот на современата македонска историја Методија Андонов Ченто, нашиот борец, деец и прв претседател на Президиумот на АСНОМ.
- Човекот кој македонската кауза ја одбра за своја животна патека и кој во име на таа кауза не потклекнувајќи и борејќи се за своите идеи го вткаи духот на вечната борба на македонскиот народ и го коваше својот живот низ една „калдрместа патека“ со подеми и падови, потенцира Василкова Мидоска.
Во Велес изложбата ќе биде претставена во наредните две недели.
По Прилеп, Кавадарци, Неготино и Велес, авторот најави дека изложбата ќе ја претстави и во други градови во земјава

Живот

Жена дошла во банка со мртов човек за да подигне кредит: Тој е молчелив (Вознемирувачко видео)

Неверојатна приказна доаѓа од Рио де Жанеиро, каде жена била уапсена откако наводно се обидела да добие кредит од банка, во друштво на мртов човек?!

Приказната за прв пат ја објави ТВ Глобо од Бразил, а видеото се појави на социјалните мрежи.

На видеото гледаме жена која стои покрај блед постар маж во инвалидска количка. Се гледа како го држи за врат и го нарекува „чичко“.

Таа наводно се претставила како внука на мажот и побарала кредит од 3.400 долари.

„Вујко, слушаш ли? Треба да го потпишете договорот за заем. Ако не потпишеш, нема шанси, бидејќи не можам да го сторам тоа за тебе“, вели таа.

Вработената во банката, која ја снимила снимката, одговара: „Изгледа не му е добро, неговата боја“.

Жената возврати: „Таков е тој. Тој не зборува ништо“.

Вработените во банката набрзо повикале полиција.

„Тој веќе беше мртов во банката. Главната работа е да се продолжи со истрагата за да се пронајдат членовите на семејството и да се дознае повеќе за случајот“, изјавил началникот на полицијата Фабио Луиз за ТВ Глобо.

Ако се покаже дека жената е виновна, таа може да биде одговорна за обид за измама.

Надлежните ги истражуваат околностите под кои мажот починал, а неговото тело е пренесено во Институтот за судска медицина.

Македонија

Јонуз: Полека но сигурни влегуваме во „бугарско“ сценарио

„За година и пол до две сум сигурен дека ќе имаме предвремени избори“

Тоа што некој е помудар од тебе и тоа што подобро игра од шах од тебе, не значи дека ги надминал границите. Легитимно право, законско право е да се поставува услов. Алал да им е на Албанците 100:0 тепаат наспроти Македонците. Полека но сигурни влегуваме во „бугарско“ сценарио. За година и пол до две сум сигурен дека ќе имаме предвремени избори. На овие избори тврдам дека ВМРО-ДПМНЕ ќе „растури“ на овие избори затоа што имаат доследност, кичмата крива ли е, ја држат, другите се камелеон. Во Македонија овде кога би не оставиле сами да го делиме парчето торта, очите ќе си ги извадиме. Албанците тоа што го имаат, Македонците го немаат, а тоа е едиство, рече Агим Јонуз во Само Вистина.

Свет

Нарко босот „Ел Чапо“ се жали дека во затворот не му дозволувале никаков контакт со семејството

Мексиканскиот нарко бос Хоакин „Ел Чапо“ Гузман, поранешен водач на картелот Синалоа, тврди дека не смее да прима телефонски повици или посети во максимално безбедниот американски затвор во Колорадо, каде што издржува доживотна затворска казна.

Гузман, кој неколкупати бегаше од затворите во Мексико, на крајот на март му напиша писмо на судијата на Окружниот суд на САД, Брајан М.

Тој е осуден за водење на операција за шверц на дрога од индустриски размери и отслужува казна во затвор со максимална безбедност во Флоренс, Колорадо, според АП.

„Во мај 2023 година, објектот престана да ми ги пренесува повиците на моите ќерки, а јас седум месеци немав повици од нив. Прашав кога ќе ми дозволат да разговарам со моите ќерки и вработените ми кажаа дека агентот на ФБИ кој ги надгледуваше повиците не одговара“, напиша Гузман.

Ел Чапо смета дека е изложен на „дискриминација без преседан“ и дека официјалните лица го казнуваат со тоа што не му дозволуваат контакт со семејството.

Гузман, исто така, побарал од судијата да ја посети неговата сопруга Ема Коронел, но не кажа кога последен пат му било дозволено да ја види.

Коронел, исто така, се изјаснила за виновна за обвиненијата за трговија со дрога во 2021 година, но подоцна беше ослободена.

„Ве молам на Коронел да ѝ дозволите да ме посети и да ги донесете моите ќерки да ме посетат, бидејќи тие можат да ме посетат само кога се на одмор, бидејќи студираат во Мексико“, додаде Гузман во писмото до судијата. .

Судијата Коган одговори минатата недела, велејќи дека по изрекувањето на пресудата на Гузман, сè е на американското биро за затвори и дека нема моќ да интервенира.

Во декември, 95-годишната мајка на Гузман почина во северната мексиканска држава Синалоа, а таа наводно не го видела својот син откако беше испратен во затвор во Колорадо во 2019 година.

Гузман го предводеше картелот Синалоа во борбата против нарко бандите, во кои загинаа илјадници Мексиканци.

Тој двапати избегал од мексиканските затвори, еднаш преку тунел долг километар ископан низ ќелијата во која престојувал.

Откако беше екстрадиран во Њујорк, неговото тримесечно судење вклучуваше приказни за убиства, политички исплати, кокаин скриен во лименки халапења и пиштоли со скапоцени камења.

Во 2023 година, Мексико екстрадираше еден од синовите на Ел Чапо, Овидио Гузман Лопез, во САД за да се соочи со обвиненија за трговија со дрога и перење пари.

Се вели дека Гузман Лопез го водел картелот Синалоа за време на операциите за производство и извоз на фентанил во САД, за кој се верува дека предизвикува 70.000 смртни случаи годишно.