Прилеп се подготвува за „Прочка 2018“

Прилеп ги прави последните подготовки за 17-от по ред меѓународен карневал „Прочка 2018“, што ќе се одржи од 16 до 18 февруари.
Карневалските свеченост почнуваат на 16 февруари со отворање на традиционалната изложба на детски маски во Центарот за култура „Марко Цепенков“. Изложбата на која ќе бидат претставени оригиналните идеи - маски на учениците од прилепските основни и средни училишта ќе ја отвори градоначалникот Илија Јованоски.

Детскиот карневал за учесници до 14 години ќе се одржи на 17 февруари, на кој со своите креации, поединечни и групни маски во центарот на граод ќе дефилираат учениците.

Главната манифестација ќе се одржи на Прочка, на 18 февруари, кога ќе дефилираат маските од земјава и странство.

Според Ванчо Георгиев, претседател на здружението „Прилепски мечкари“, кој со локалната самоуправа е соорганизатор на карневалот, на настанот ќе продефилираат над 1000 учесници и гости од земјава и од странство.

Досега се пријавени групи од Македонија и од соседните држави: од Будва во Црна Гора, Бања Ковиљача, Врњачка Бања, Лесковац, Белград, Бол, Шабац, Бела Црква во Србија, од Корча во Албанија, од Перник во Бугарија, а се очекуваат учесници и од Италија, Словенија, Украина. Од Македонија се најавени гости од Мокриево, Куратица, Бегниште, Кавадарци, Ратево, Струмица, Радовиш. /МИА

Деветмина штитеници загинаа во пожар во поправен дом (ВИДЕО)

Најмалку девет лица , меѓу кои и деца загинаа во пожар во привремениот поправен дом за малолетници во бразилскиот град Џојана.

Во пожарот има и десетина повредени . Пожарникарите ги поребаруваат просториите во потрага по повредени или загинати . Од центарот за малолетници нема потврда дали е тоа конечниот број и која е причината за избувнувањето на пожарот утрово околу 9 часот по локално време.

Не е познато ниту колку штитеници имало во центарот , кој се користи за времено сместување на малолетници додека е во тек судската постапка за нив или нивните блиски.

Словенија се врти кон десно – Јанша фаворит на изборите

Поранешниот премиер на Словенија е најголем фаворит на изборите што ќе се одржат на 3 јуни.

Според последните три анкети на десетина дена пред изборите , Словенската демократска партија е фаворит , а според некои дури и убедливо. Јанша за директен противник го има Лука Месец , роден 1987 година , кој е лидер на Левицата. Јанез Јанша , кој во времето кога Месец се родил , бил војник во ЈНА со него се пресметува на твитер. Тој го исмеа доаѓањето на ТВ дуел на Месец со Мерцедес споредувајќи го со ,,неговиот идол Тито , кој имаше 72 Мерцедеси”. Ваквата директна реторика очигледно е добро примена кај Словенците , кои не му замеруваат на Јанша ниту вртењето кон Унгарскиот модел на Виктор Орбан, пишуваат словенечките медиуми.

Тој деновиве му беше гостин на два предизборни митинзи. Второ и трето место на анкетата ги заземаат Социјалдемократите на Дејан Жидан , како и Листа на Марјан Шарц, новооснована партија , која што кон крајот на минатата година дури водеше на анкетите.

Позитивна Словенија на Зоран Јанковиќ потпиша договор за заеднички настап на изборите со Партијата на пензионерите, Десус на Карл Ерјавец , со кого ќе треба да го спречат повторното доаѓање на Јанша на власт.

Експлодираше камион полн со парфеми на автопатот Загреб- Белград (ВИДЕО)

Силна експлозија одекна на автопатот Загреб- Белград во близина на Пеќинци.

Камион со приколка полн со парфеми целосно изгоре во експлозијата на автопатот во правец кон Белград. За среќа возачот на време избегал и е неповрерден. Сообраќајот неколку часа беше во прекин и се формираа километарки колони возила.

Според очевидците , по првата силна експлозија имало и неколку послаби. Не е позната причината за запалувањето на камионот , кој целосно изгоре.

притисни ентер