Прилепските млади поети меѓу најдобрите на Балканот

Прилепските основци Ерика Јованоска и Борис Ночески со своите лични творби се пласираа меѓу најдобрите 22 учесници на меѓународниот фестивал „Деца поети“ што на почетокот од овој месец се одржа во Мостар.
Ночески освои трета награда, а Јованоска ја освои наградата „најелегична песна“ во конкуренција од 1.470 песни од речиси исто толку млади поети од Босна и Херцеговина, Македонија, Србија, Хрватска, Словенија, Црна Гора и Грција.

Јованоска и Ночески, кои учат во основното училиште „Кире Гаврилоски-Јане“, истакнаа дека на фестивалот имало многу дружење и активности.

- На почетокот бев скептик дека ќе влезам во финалето, но бев пресреќен кога сфатив дека сум и награден, изјави Ночески.

Ерика информира дека учествувала со нејзината елегична песна „Тага“ и изрази благодарност до нивното училиште и спонзорите кои го поддржале овој натпревар.

Според професорката по македонски јазик и ментор на учениците, Сузана Николоска фестивалот бил збогатен со многу едукативни содржини.

- Фестивалот почна со едукативен час за Алекса Шантиќ. Учениците се запознаа со оваа маркантна личност. Потоа продолжи дебата на жири- комисијата со учесниците. Имаше многу содржини со рекреативен карактер, богата програма и беа организирани посети на многу значајни споменици, рече Николоска. /МИА

Деветмина штитеници загинаа во пожар во поправен дом (ВИДЕО)

Најмалку девет лица , меѓу кои и деца загинаа во пожар во привремениот поправен дом за малолетници во бразилскиот град Џојана.

Во пожарот има и десетина повредени . Пожарникарите ги поребаруваат просториите во потрага по повредени или загинати . Од центарот за малолетници нема потврда дали е тоа конечниот број и која е причината за избувнувањето на пожарот утрово околу 9 часот по локално време.

Не е познато ниту колку штитеници имало во центарот , кој се користи за времено сместување на малолетници додека е во тек судската постапка за нив или нивните блиски.

Словенија се врти кон десно – Јанша фаворит на изборите

Поранешниот премиер на Словенија е најголем фаворит на изборите што ќе се одржат на 3 јуни.

Според последните три анкети на десетина дена пред изборите , Словенската демократска партија е фаворит , а според некои дури и убедливо. Јанша за директен противник го има Лука Месец , роден 1987 година , кој е лидер на Левицата. Јанез Јанша , кој во времето кога Месец се родил , бил војник во ЈНА со него се пресметува на твитер. Тој го исмеа доаѓањето на ТВ дуел на Месец со Мерцедес споредувајќи го со ,,неговиот идол Тито , кој имаше 72 Мерцедеси”. Ваквата директна реторика очигледно е добро примена кај Словенците , кои не му замеруваат на Јанша ниту вртењето кон Унгарскиот модел на Виктор Орбан, пишуваат словенечките медиуми.

Тој деновиве му беше гостин на два предизборни митинзи. Второ и трето место на анкетата ги заземаат Социјалдемократите на Дејан Жидан , како и Листа на Марјан Шарц, новооснована партија , која што кон крајот на минатата година дури водеше на анкетите.

Позитивна Словенија на Зоран Јанковиќ потпиша договор за заеднички настап на изборите со Партијата на пензионерите, Десус на Карл Ерјавец , со кого ќе треба да го спречат повторното доаѓање на Јанша на власт.

Експлодираше камион полн со парфеми на автопатот Загреб- Белград (ВИДЕО)

Силна експлозија одекна на автопатот Загреб- Белград во близина на Пеќинци.

Камион со приколка полн со парфеми целосно изгоре во експлозијата на автопатот во правец кон Белград. За среќа возачот на време избегал и е неповрерден. Сообраќајот неколку часа беше во прекин и се формираа километарки колони возила.

Според очевидците , по првата силна експлозија имало и неколку послаби. Не е позната причината за запалувањето на камионот , кој целосно изгоре.

притисни ентер