Македонска филхармонија и „Тиквеш“: Спој на префинета музичка уметност и врвно вино

Директорот на Македонската филхармонија, Виктор Илиески денеска соопшти дека културната институција и винарската визба „Тиквеш“ ја официјализираат соработката, што е мотивирана и иницирана од континуираниот стремеж да им се овозможи на љубителите на уметноста совршено уживање во префинети нешта.
- Чест ме е да го објавам официјализирањето на новата соработка со реномираната компанија „Тиквеш“, што започна со новата концертна сезона 2017/2018 на Филхармонијата. Особено ми е драго што на еден симболичен начин ја започнуваме соработката со најава за концетот на 14 февруари, кога се одбележува Денот на лозарите и Денот на вљубените, нагласи Илиески.

Тој посочи дека Филхармонијата во изминатиот период остварила големи успеси, што се должат на унапредениот програмски дел, како и на новите простории.

Менаџерот за односи со јавност на „Тиквеш“ Елена Младеновска, наведе дека концертот, што ќе се одржи на 14 февруари, е дел од пошироката платформа насловена „Falling in wine with you“ со која „Тиквеш“ ги обединува прославите на Денот на вљубените и празникот на лозарите и винарите преку нивниот заеднички именител – виното.

- Восокото реноме на Македонската филхармонија, квалитетот и уметничпкиот дострел се од големо значење за публиката и уметноста. Оттаму за нас беше логично да ги поврземе врвните македонски вина и бреднот „Тиквеш“ со една ваква институција, истакна Младеновска. 

Најмногу дожд во Крива Паланка

Во изминатите 24 часа најмногу дожд наврнало во Крива Паланка, покажуваат мерењата на УХМР.

Спорд мерењата во Крива Паланка се наврнати 47 литри на метар квадратен воден талог, следи Струмица со 31, Скопје - Зајчев Рид со 25, Штип со 20, Скопје - Петровец 19, Куманово 18, Демир Капија 17, Ѓуриште 15, Берово девет, Тетово, Виница и Маврово седум, Охрид и Пожаране шест, Крушево, Дојран, Гевгелија и Тополчани пет, Прилеп четири, Битола два и во Претор еден литар.

Минималната температура се движела од седум во Претор, девет во Берово, 10 Маврово и Крушево, 11 Ѓуриште и Крива Паланка, 12 Пожаране и Тополчани, 13 Охрид, 14 Виница, Тетово, Битола, Куманово и Прилеп, 15 Штип, Струмица и Скопје до  16 во Демир Капија, Гевгелија и Дојран.

Времето денеска ќе биде променливо облачно со повремени врнежи од дожд, на места врнежите ќе бидат поројни и проследени со грмежи. Локално се очекуваат пообилни врнежи, особено во источните делови.

Соодветно на оваа најава за денеска, во зависност од остварувањето на прогнозата за врнежите, кај помалите водотеци и суводолици од УХМР очекува брз пораст и затоа доколку се јават поројни води, предупредуваатна внимателно движење покрај водотеците и суводолиците. Максимална температура денеска ќе се движи од 17 до 24 степени.

Од утре ќе биде претежно стабилно и потопло, во попладневните часови со ретка појава на краткотраен дожд и грмежи. 

Честитка од Мицкоски по повод 24 Мај

Ова е ден кога се потсетуваме на големината на Браќата свети Кирил и Методиј.

Ние треба да бидеме среќни и горди како народ, бидејќи Кирил и Методиј со своето делување и работење овозможија поголема рамноправност на народите во своето време.

Во исто време не треба да заборавиме како горди наследници на секој начин да ја продолжиме нивната мисија образованието да ни биде приоритет, а ширењето на писменоста стремеж кон кој мора да целиме.

Како народ треба да се стремиме и создадеме општество кое почива врз вредностите кои ни ги оставија светите Браќа Кирил и Методиј.

Делото на светите браќа Кирил и Методиј е воедно и потврда за македонскиот јазик, за македонската литература и култура, црква и традиција, револуција и историја, за македонското име и идентитет.

Кирил и Методиј, веруваа во правото на секој народ да го користи својот јазик, а врз основа на тоа да го гради својот идентитет, литература и култура.

Нека ни е честит Денот и Големото дело на светите Кирил и Методиј кое нè обврзува да продолжиме да ги промовираме нивната мисија на учење и традицијата која се темели на мирот, духовното богатство на луѓето, меѓусебното почитување, толеранцијата и солидарноста. 

Христијан Мицкоски, претседател на ВМРО-ДПМНЕ

Германската амбасада со грант за неготинското комунално претпријатие

Германската амбасада обезбедува грант за неготинското комунално претпријатие, изјави денеска Методи Митрев, портпарол во општина Неготино.

Тој појасни дека завчера градоначалникот на Неготино, Тони Делков и директорката на Јавното претпријатие „Комуналец" Марина Бојаџиева престојувале во работна посета во Амбасадата на Германија во Република Македонија.

- Целта на работната средба беше потпишување на договор за грант за потребите на локалното комунално претпријатие. Со овој грант „Комуналец” на располагање ќе добие еден агрегат за струја, машина за сечење на асфалт и бетон, како и машина за одзатнување на канализационата мрежа, рече Митрев.

Додаде дека обезбедените машини ќе продонесат за поквалитетно и поефикасно извршување на секојдневните работни обврски на вработените во „Комуналец”. 

притисни ентер