„Европа е 100 отсто виновна за креирањето на лажна надеж кај мигрантите“

Еден од начините за спречување на нови мигрантски бранови кон Европа од Африка би можело да биде прекинувањето исраќање помош и воведување санкции.
Тоа го изјави Ања Рингрен Ловен, државјанка на Данска, која својот пат го нашла во Африка, каде им помага на децата кои гладуваат.

Ања неодамна на својот профил на Фејсбук сподели вознемирувачки фотографии од насилствата над мигрантите кои преку северот на Африка, најчесто Либија, се обидуваат да дојдат до Европа.

„Кога нешто ќе се случи во Париз, цел свет се моли. Каде е светот кога вакво нешто се случува во Либија“ – напиша таа под фотографиите.

Ја повика Европа да реагира со тоа што ќе ги притисне африканските влади, но ги повика и медиумите да се позанимаваат со овој проблем.

Едно од решенијата според неа би било Европа да прекине со испраќањето помош и да воведе санкции.

„Европа мора да ги зацврсти надворешните граници и да воведе систем доволно јак за веднаш да ги испрати назад сите оние кои смета дека не се бегалци назад во безбеден камп кој би го финансирала и управувала Европа, каде ќе се чека евентуалната процедура за издавање на виза, а кој би се наоѓал во близина на земјите од кои доаѓаат, на пример Нигерија, Гана, Кенија, Пакистам...Мора да се даде јасен сигнал дека никој не може да помине само затоа што се појавил на границата. Ако таа порука е јасна, границите доволно силни и враќањето назад доволно брзо – токот на мигрантите во Северна Африка брзо ќе се исуши. Никој не може да ги обвинува сиротите мигранти што сакале да пробаат да ја најдат среќата, но Европа дефинитивно може да биде обвинета за немарност при граничните контроли, и тоа со факт дека моментално пропушта голем број на Африканци да влезат. Европа е 100 отсто виновна за креирањето на лажна надеж кај мигрантите и за поттикнување на опасното патување, кое доведува до насилства и смрт“ – нагласува таа.

Седуммина полицајци повредени во насилните протести пред Собранието

Седуммина полицајци се повредени и тројца цивили се приведени во насилните протести пред Собранието на Македонија, јави МИА повикувајќи се на полициски и болнички извори.  

Екипа на Итната медицинска помош интервенираше вечерва поради повредени лица во насилните протести што се одржаа пред Собранието. Возилото е се уште на местото на протестите, но засега нема информации за број на повредени граѓани.

Медицинскиот тим интервенирал по барање на полицијата.

Македонската полиција со солзавец растера насилни демонстранти пред Собранието кои протестираа незадоволни од Договорот за решавање на македонско-грчкиот спор за името и стратегиско партнерство потпишан денеска во Псарадес.

Демонстрантите фрлаа кон полицијата шок-бомби, пиротехнички средства и камења. Полицијата возврати откако дел од нив ја турнаа заштитната ограда и се обидоа да влезат во Парламентот.

Протестот беше организиран преку социјални мрежи. /МИА

Утре променливо облачно со локален пороен дожд и грмежи

Времето утре променливо облачно на повеќе места ќе дува засилен северен ветер. Попладне ќе има нестабилност со локален пороен дожд и грмежи. УВ индексот ќе изнесува 7. Минималната температура од 11 до 18 а дневната највисока температура на воздухот

Во Скопје променливо облачно со сончеви периоди и со повремено засилен северен ветер. Температурата од 16 до 31 степен.

Во вторник се очекуваат повремени врнежи од дожд кои локално ќе бидат поројни со грмежи, особено попладнето. Во среда како и во следните два дена ќе биде  сончево со мала до умерена облачност, попладне со услови за појава на краткотраен дожд. Дневните температури ќе бидат во пораст, освен во вторник кога  ќе опаднат за неколку степени. /УХМР

Протест пред Собранието против Договорот со Грција

Пред Собранието на Македонија се одржува протест против Договорот за решавање на македонско-грчкиот спор за името и стратегиско партнерство. Протестот е организиран преку социјални мрежи.

Насобраните граѓани го блокираа булеварот „11 Октомври“ пред собраниската зграда, пред која е поставен полициски кордон.

Дел од учесниците во протестите фрлаат камења и факли кон полицискиот кордон. 

Тие укажуваат дека граѓаните се тие кои одлучуваат за својата и иднинатата на државата. 

Учесниците во протестот извикуваат пароли „Македонија, не го даваме името“ и пејат патриотски песни.

Шефовите на дипломатиите на Македонија и Грција, Никола Димитров и Никос Коѕијас денеска во Псарадес ги ставија своите потписи на договорот за решавање на македонско-грчкиот спор за името и стратегиско партнерство, во присуство на премиерите Зоран Заев и Алексис Ципрас.

На церемонијата присуствуваа високи претставници на ЕУ, на ОН и бројни новинари. Двајцата премиери меѓусебно се нарекоа пријатели, оценувајќи го потпишувањето на договорот како историски ден. /МИА

притисни ентер