Во грчкото МНР состанок за подготовка на отворање на граничниот премин Преспа

За деталите и неопходните активности што треба да се преземат за отворање на граничниот премин Преспа, во грчкото Министерство за надворешни работи денеска се одржа состанок на надлежните министри од грчката Влада.
Од Министерството за надворешни работи на Грција, јавува дописникот на МИА од Атина, соопштуваат дека сите учесници на состанок ја истакнале важноста на проектот за локалната економија и за зајакнување на односите меѓу Грција, Македонија и Албанија.  Во однос на финансирањето на проектот, намерата е да се искористат средства од прекуграничната програма меѓу Македонија и Грција (interreg).

- Разговорите се фокусираа на неопходната подготовка за да се обезбеди пристап до преминот Преспа преку езеро и копно. Затоа, потребно е да се изгради пат како и објекти во кои ќе биде сместена царинска служба и пасошка контрола, соопштуваат од грчкото МНР, пренесува МИА.

На состанокот, освен шефот на грчката дипломатија, Никос Коѕијас, учествувале и алтернативниот министер за цивилна заштита, Никос Тоскас, заменикот министер за економија, Екатерини Папанациу, префектот на областа Западна Македонија, Теодорос Карипидис, како и претставници на министерствата за одбрана и транспорт и врски.

Интервјуто со Заев урна рекорди!

Синоќешното интервју со премиерот Зоран Заев во „Само Вистина“ на Канал 5 ги урна рекордите на гледаност на емисијата во оваа сезона.

 „Само Вистина“ останува убедливо најгледана политичка емисија во македонскиот етер!

Хоџа: Предложените за претседател и членови на РКЕ се избрани на јавен оглас

Предложените лица од Владата за претседател и членови на Регулаторната комисија за енергетика (РКЕ) се избрани преку јавен оглас, информира денеска владиниот порптпарол Мухамед Хоџа.

- На огласот што траеше од 8 до 14 јуни вкупно аплицираа 13 лица. Изборот, согласно законски утврдените критериуми, го направи Комисијата за именување во рамки на Владата, рече Хоџа во одговор на прашање на прес-конференција во Владата.

Тој посочи дека претседател на Кадровската владина комисија е вицепремиерот и министер за внатрешни работи Оливер Спасовски, а членови се вицепремиерот за економски прашања Кочо Анѓушев, вицеремиерот Хазби Лика, министерот за здравство Венко Филипче, министерот за финансии Драган Тевдовски, министерот за животна средина и просторно планирање Садула Дураки и министерот за земјоделство, шумарство и водостопанство Љупчо Николовски.

Владината комисија ги предложи Марко Бислимовски за претседател, а Наташа Вељановска, Атанаско Тунески и Куштрим Рамадани за членови на Регулаторната комисија за енергетика.

Денеска пратениците ќе гласаат за ратификација на договорот со Грција

За денеска  е закажана собраниска пленарна седница на која ќе се гласа ратификација на договорот со Грција.

Пратениците на ВМРО-ДПМНЕ не присуствуваа на расправата во Собранието и во Комисијата за европски прашања, бидејќи ја бојкотираат расправата за договорот.

Собраниската седница ја следи   Весна Велкова Тодоровска

Договорот за решавање на спорот со името денеска треба да биде ратификуван во рамки на 51. седница на Собранието на Република Македонија. 

Шефот на дипломатијата Ниола Димитров на собраниската седница која започна вчера рече дека Грција согласно договорот, по неговото ратификување во македонскиот Парламент, има обврска да го извести претседателот на Европскиот совет, Доналд Туск дека дава поддршка за почеток на членството на Македонија во ЕУ и да го извести генералниот секретар на НАТО, Јенс Столтенберг дека ја поддржува поканата за НАТО. 

- Јунскиот совет е пред нас, министрите за надворешни работи на земјите-членки ќе заседаваат на 25 и 26 јуни, а Самитот е на 28 јуни. Овие датуми се клучни за европската перспектива на нашата земја и зависат од ратификацијата на спогодбата. За да ги испорачаме овие резултати предлагаме Собранието  да одлучи законот да се донесе по скратена постапка. Со ратификацијата се отвора можноста граѓаните да се изјаснат за својата иднина на есенскиот референдум, рече Димитров.  

По донесувањето од страна на Парламентот договорот треба да биде испратен до претседателот Иванов, кој има рок од седум дена да го потпише.

Во видеото погледнете го целиот извештај.

притисни ентер