„Фолтин“, „Pluto's Doubts“ и Кирил Џајковски вечер во Вевчани

З Во Вевчани почнува празнувањето на Василица и традиционалниот карневал. Во пресрет на централниот настан викендов, вечер ќе настапат „Pluto's Doubts“, „Фолтин“ и Кирил Џајковски.

Дефилето на маски ќе почне утре во 13 часот, а утревечер, на  пречекот на православната Нова година, василичарите и гостите на Вевчани ќе ги забавуваат Чалгија саунд систем, Џамбо Агушев оркестар и Блага Петреска.

Кулминацијата на настанот е на 14 јануари кога сретсело ќе има василичарско оро на околу илјада маски. Карневалот ќе заврши в недела попладне со традиционалното палење на маските.

- Карневалот годинава е во викенд и очекуваме многу посетители од земјава и од странство. Вевчанскиот е најстар карневал, со најдолга традиција во Македонија и пошироко. Уникатен е и единствен, а учесниците ја имаат сета слобода да критикуваат и иронизираат, рече вевчанскиот градоначалник Сашо Јанкоски на прес-конференција пред една недела.

Тој ги покани сите што имаат желба да дојдат во Вевчани за, како што рече, заедно со нив да му се радуваат на животот и да ја пречекаат старата нова година. 

Фото: Во осмата деценија од животот „таа е богиња на плажата“

Актерката Кејт Хадсон на Инстаграм објави фотографии од својата 72- годишна мајка славната Голди Хоун во костим за капење.

Под фотографиите  таа напиша дека нејзината мајка е богиња бо што се сложија многу нејзини фанови.

Легендарната холивудска актерка навистина изгледа одлично и во осмата деценија од животот, а коментарите напишани под фотографиите направени на одморот во Грција се полни со убави зборови и воодушевување.

„Те обожувам“, „Неверојатна“, Таа е жена кралица“, „Голди изгледаш совршено“, се само некој од коментарите, напишани од фановите.

Утре почнува летото

Од утре во Македонија и на северната хемисфера почнува летото. Истовремено на јужната полутопка настапува зимата.

Во Македонија летото почнува во 12 часот и 7 минути. Овој 172 ден во годината е најдолг и ќе трае 15 часа и 14 минути. Сонцето ќе изгрее во 4 часот и 58 минути, а ќе зајде во 20 часот и 12 минути. 

На првиот ден од летото, според најавите од синоптичарите, времето ќе биде сончево со мала до умерена облачност, а попладне ќе има локална појава на пороен дожд и грмежи. Веќе од петок се очекува поизразена нестабилност со поројни дождови и посвежо време. 

Летото ќе заврши на 22 септември кога ќе почне есента. 

Почнува летната серија трки на плажа

 Со трка во Скопје започнува серијата трки покрај вода Beach Run што ги организира здружението за спорт и рекреација „Прв до врв“.

Планирано е да се одржат вкупно пет трки на туристички дестинации покрај вода. Покрај онаа во Скопје, во сабота ќе се одржи трка во Претор, на 7 јули во Дојран, на 22 јули во Маврово и завршната трка ќе биде на 29 јули во Охрид. 

Првите три трки се на пет километри, а во Маврово ќе се трча полумаратон. Трката во Охрид ќе биде на 10 километри. 

Организаторот информира дека може да учествуваат сите оние кои го сакаат трчањето. Остварениот резултат на секоја од трките носи соодветен број бодови според кои се формира табела со резултати, чиј финален исход ќе ги даде победниците на летната лига во трчање.

За победниците на секоја од трките и на целата лига е обезбеден награден фонд од 164 илјади денари. Првите три места во машка и во женска конкуренција ќе добијат 3.000, 2.000 и 1.000 денари, а за првите три места во вкупниот пласман се обезбедени ваучери и тоа за трето место ваучер за спортска опрема од 6.000 денари, за второ ваучер за спортска опрема од 12.000 денари и за прво место спортски часовник Garmin Forerunner 935 во вредност од 34 илјади денари.

Пријавувањето за учество се врши преку веб страната www. prvdovrv.mk.

На минатогодишното издание на серијата трки учествуваа 500 учесници. 

притисни ентер