Вечерва новогодишен концерт на Камерниот оркестар од Битола

Камерниот оркестар на Битола вечер, со новогодишен концерт, ќе ја заокружи успешната година во која настапуваше дома и во странство.
На програмата се хитови од светски познатите имиња како Ријана, Ејми Вајнхаус, Алиша Кис и Емили Санде. Традиционално ваквите концерти привлекуваат многубројна публика така што и овој пат се бараше влезница повеќе.

„За овој концерт сме посебно мотивирани. Како солисти ќе настапат Наде Талевска, Ирина Димовска, Елена Затковска, Марија Груевска и младата Ана Гаштарова, кои ќе изведат дела од познати автори“, вели Владимир Димовски, диригент на Камерениот оркестар на Битола.
Камерниот оркестар стана препознатлив бренд во земјата и странство со годинашните концерти како плод на соработката со познатиот изведувач Роби Лакатош и македонскиот гитарист со светско реноме Влатко Стефановски.

„На концертот во Ниш на сцената заедно настапивме со светски познатиот гитарист Мајк Стерн, а на следниот концерт публиката три пати не враќаше на бис.“, вели Владимир Цветковски, од Камерениот оркестар на Битола.

И следната 2018 година ќе биде плодна за Камерниот орекестар. Покрај концерти во земјата, се планира настап во Португалија и мини турнеја низ Хрватска.

Седуммина полицајци повредени во насилните протести пред Собранието

Седуммина полицајци се повредени и тројца цивили се приведени во насилните протести пред Собранието на Македонија, јави МИА повикувајќи се на полициски и болнички извори.  

Екипа на Итната медицинска помош интервенираше вечерва поради повредени лица во насилните протести што се одржаа пред Собранието. Возилото е се уште на местото на протестите, но засега нема информации за број на повредени граѓани.

Медицинскиот тим интервенирал по барање на полицијата.

Македонската полиција со солзавец растера насилни демонстранти пред Собранието кои протестираа незадоволни од Договорот за решавање на македонско-грчкиот спор за името и стратегиско партнерство потпишан денеска во Псарадес.

Демонстрантите фрлаа кон полицијата шок-бомби, пиротехнички средства и камења. Полицијата возврати откако дел од нив ја турнаа заштитната ограда и се обидоа да влезат во Парламентот.

Протестот беше организиран преку социјални мрежи. /МИА

Утре променливо облачно со локален пороен дожд и грмежи

Времето утре променливо облачно на повеќе места ќе дува засилен северен ветер. Попладне ќе има нестабилност со локален пороен дожд и грмежи. УВ индексот ќе изнесува 7. Минималната температура од 11 до 18 а дневната највисока температура на воздухот

Во Скопје променливо облачно со сончеви периоди и со повремено засилен северен ветер. Температурата од 16 до 31 степен.

Во вторник се очекуваат повремени врнежи од дожд кои локално ќе бидат поројни со грмежи, особено попладнето. Во среда како и во следните два дена ќе биде  сончево со мала до умерена облачност, попладне со услови за појава на краткотраен дожд. Дневните температури ќе бидат во пораст, освен во вторник кога  ќе опаднат за неколку степени. /УХМР

Протест пред Собранието против Договорот со Грција

Пред Собранието на Македонија се одржува протест против Договорот за решавање на македонско-грчкиот спор за името и стратегиско партнерство. Протестот е организиран преку социјални мрежи.

Насобраните граѓани го блокираа булеварот „11 Октомври“ пред собраниската зграда, пред која е поставен полициски кордон.

Дел од учесниците во протестите фрлаат камења и факли кон полицискиот кордон. 

Тие укажуваат дека граѓаните се тие кои одлучуваат за својата и иднинатата на државата. 

Учесниците во протестот извикуваат пароли „Македонија, не го даваме името“ и пејат патриотски песни.

Шефовите на дипломатиите на Македонија и Грција, Никола Димитров и Никос Коѕијас денеска во Псарадес ги ставија своите потписи на договорот за решавање на македонско-грчкиот спор за името и стратегиско партнерство, во присуство на премиерите Зоран Заев и Алексис Ципрас.

На церемонијата присуствуваа високи претставници на ЕУ, на ОН и бројни новинари. Двајцата премиери меѓусебно се нарекоа пријатели, оценувајќи го потпишувањето на договорот како историски ден. /МИА

притисни ентер