Македонија

Во црквата „Св.Димитрија“ откриен е живописот на „Страшниот суд“ од Библијата (фото)

Во манастирската црква „Св. Димитрија“ во близина на Велес, екипа на Националниот конзерваторски центар, која неделава интензивно работи на конзервација во внатрешноста во нартексот на црквата на живописот од крајот на 13 и почетокот на 14 век, неделава разоткри значајно откритие дека на него е претставен „Страшниот суд“ од Библијата, единствен со вакво претставување не само во црквите во Македонија туку и во поширокиот регион.

Како што изјави Владо Муковски, конзерватор од Конзерваторскиот центар значајно е што на живописот е откриена претстава на „Страшниот суд“ од Библијата.

- Ова е големо откритие, зошто ваков стар живопис од пред седум столетија со прекрасни совршени цртежи на морскиот свет -риби, октопод, ракчиња и змија досега не е откриен во црквите во Македонија и поширокиот регион. Исто така при истражувањето од пред две и пол години во овој дел од црквата откривме и фреска на „Св Димитрија“ што потврдува дека и првично манастирот бил посветен на „Св Димитрија“,а не на Пресвета Богородица како што тврдеа некои историчари. Да потсетам тогаш првично откривме дел од фреската со ктиторот на манастирот насликан во прекрасна најубава одежда, а кој во рацете држи минијатура на манастирската црква, рече Мукоски.

Image result for Во црквата „Св.Димитрија“ Велес живописот

Според него, значајно е што тука е насликана и камбанаријата на црквата што потврдува дека таа била изградена на почетокот кога била градена црквата, а не била доградувана потоа како што тврдеа некои истражувачи.

- Новина од овие истражувања сега е што ние ги откривме и буквите на Ктиторскиот натпис кои се напишани во пет шест реда, но има две - три букви па нема три - четири. За жал натписот е многу оштетен и затоа засега не успеавме да го откриеме името на ктиторот на манастирот, но се надевам дека наскоро со понатамошните истражувања и тоа ќе го разоткриеме, најави Мукоски.

Истражувањата се финансиски поддржани од Министерството за култура, а во соработка со Народниот музеј од Велес.

- Но добро би било кога оваа финансиска подршка би била поголема, а за да можеме целосно да го разотриеме живописот и натписот, а не работите да го одолговлекуваме во етапи и по неколку години,затоа шро станува збор за значајни откритија, потенцира Мукоски.

Тој појаснува дека станува збор за Византиски симбол - двоглав орел, а кој потоа го преземале останатите народи и само го претставиле на различна позадина, некои на црвена, некои на сина, а некои на бела позадина.

Интересно е што Манастирот „Св Димитрија“ кој е оддалечен на само два километри од Велес, за време на владеењето на Османлиското царство, бил затрупан со земја цели пет века, за да повторно биде откопан во 1855 година.

Манастирот „Св.Димитрија“ е масовно посетен од велешани секој прв петок по Велигден на празникот Источен петок - Балаклија посветен на Пресвета Богородица. /МИА

Свет

Воз во Јапонија тргнал со доцнење од неверојатни 17 минути, патниците сепак не се налутиле

Не попусто велат „точен како јапонски воз“.

Во оваа земја времето се почитува до тој степен што ако (по некое чудо) воз доцни неколку минути, патниците добиваат формално извинување.

Следната приказна раскажува за возот Шинкансен (булет воз), чие поаѓање доцнело 17 минути!

Од Централната железничка компанија соопштуваат дека возот пристигнал во Токио од Нагоја, а тргнувањето за Осака било привремено прекинато. Причината е повеќе од бизарна.

Имено, персоналот забележал змија од 40 сантиметри како „се лизга“ на подот во еден од вагоните, пренесува UPI.com.

Повеќе од 600 патници морале да се префрлат во друг воз бидејќи Шинкансен бил исклучен од мрежата, а змијата подоцна била фатена.

Властите истражуваат како таа завршила во возот.

„Тешко е да се замисли дека змија сама ќе влезе во воз на една од станиците. Имаме правила кои забрануваат внесување на диви животни. И покрај ова, ние не го проверуваме багажот на патниците“, било соопштено.

Македонија

Мицкоски:Сакаат да заборавиме каков криминален Артаноиден режим станаа,што добро памтите од нив

Цел прв круг на претседателски избори слушаме се и сешто, повторно зборуваат за режим, сакаат да заборавиме дека се 6 и половина години на власт и видовме што направија.

Цел прв круг на претседателски избори слушаме се и сешто, повторно зборуваат за режим, сакаат да заборавиме дека се 6 и половина години на власт и видовме што направија, и каков криминален артаноиден режим тие станаа, изјави претседателот на ВМРО-ДПМНЕ, Христијан Мицкоски во неговиот говор на митингот во Охрид.

Мицкоски истакна дека ги гледаме како зборуваат за измислени теми на кои сами си поставуваат прашања и си одговараат, си креираат самите теми, затворени во меурот на сопствениот ментален склоп, отуѓени од народот мислат дека со истите трикови повторно народот ќе се излаже и ќе им поверува.

Шест и половина години се на власт, што добро паметите од нив, освен гафови, предавства и криминални афери? – прашува Мицкоски.

Мицкоски додаде дека ни кажуваа дека Македонија била на маса со најсилните и тие ќе не бранат, заборавајќи да споменат дека по стандардот и живот не донесоа меѓу најсиромашните и најкорумпираните земји во светот, и дека сме рекордери по иселени лица во последниве 6 и половина години, како никогаш во историјата.

Ако од некој треба да не бранат најсилните, тоа е од корумпирани политичари како нив, а во тоа и тие веќе се уверени, нагласи Мицкоски.

Мицкоски посочи дека Ковачевски не кажува ниту еден збор за тоа што направиле како влада, не кажува ниту еден проект, мерка, реформа не кажува за инвестиции кои ги донеле, дека нема отчет.

Ништо не направија затоа што се заглавени со други приоритети, со крадење и местење тендери, еве да ви кажам јавна тајна е дека од тендерите во РЕК ДУИ и СДСМ делат 20 проценти од тие што го добиваат тендерот. Затоа нема отчет, затоа што единствениот отчет што може да го кажат е колку украле. Но доаѓа крајот на тоа. И ако мислат ќе им се прогледа низ прсти се лажат. А, во тоа ќе се уверат набргу, изјави Мицкоски.

Претседателот на ВМРО-ДПМНЕ, Христијан Мицкоски од митингот во Охрид порача дека следува жесток одговор од народот на овие избори кон Артановци и Зечевиќи, им се ближи крајот.

„Ни говори Ковачевски дека имал успеси и дека се било добро и дека седеле една тивка ноќ со Стево сами и се договарале, па дури и Заев го видовме им дојде на помош со спотови. Но добро е што се заедно затоа што така со овие избори завршува една политичка етапа на корумпирани политичари кои ја злоупотребија довербата на граѓаните и дозволија ДУИ да ја киднапира и украде Македонија од рацете на народот. Ветуваа живот за сите, но за жал во Македонија паметите, добивме уживање за Артановци и Зечевиќи во Македонија, а живот за сите други на раб на егзистенција тука или надвор од земјава“, порача Мицкоски.

Мицкоски рече дека со овие избори завршува една политичка етапа на корумпирани политичари кои ја злоупотребија довербата на граѓаните и дозволија ДУИ да ја киднапира и украде Македонија од рацете на народот, се наведува во партиското соопштение.

Македонија

Ковачевски:Со Мицкоски и ДПМНЕ е можно само враќање назад во изолација и режим,далеку од Европа

Со Мицкоски и ДПМНЕ е можно само враќање назад во изолација и режим, далеку од Европа, рече претседателот на СДСМ, Димитар Ковачевски во обраќањето на вечерашниот митинг на СДСМ и Коалицијата за европска иднина во Гевгелија.

Ништо не е променето во ДПМНЕ, тоа е истата режимска партија, која сее раздор, навреди, омаловажувања и закани, која на граѓаните може да им понуди враќање во минатото и изолација, додаде тој.

ВМРО ДПМНЕ ќе го одолговлекуваат европскиот пат и за тоа ќе го обвинат Брисел, потенцирапе Ковачевски.

-ВМРО-ДПМНЕ не нуди никаков план за јасен напредок во евроинтеграциите. Напротив, се слушаат нивни изјави каде велат дека не треба да станеме членка сто години, а можеби и никогаш. Тоа е доказ дека ја продолжуваат политиката на Никола Груевски. Со нив, Македонија ќе се врати во чекалниците на ЕУ и во темното минато на недемократските процеси, рече претседателот на СДСМ, Димитар Ковачевски, се наведува во партиското соопштение.

притисни ентер