ДВ: Нема сомнение дека Скопје се надева на прием во НАТО на Самитот во јули

Следниот самит на НАТО се одржува во јули, но списокот на гости уште сега е предмет на внимание бидејќи на такви настани на највисоко ниво се испраќаат покани за членствово Алијансата. Нема сомнение дека во Скопје се надеваат на покани, објави Дојче веле.
Медиумот наведува дека се уште не е извесно дали Грција ќе прифати влез на северниот сосед во НАТО под името Поранешна Југословенска Република Македонија, но по смената на власта во Скопје, односите се релаксирани.

Даниел Сервер, американски експерт за Балканот од вашингтонскиот Универзитет Џон Хопкинс, изјави за ДВ дека ЕУ и САД треба да направат многу повеќе за да се реши спорот со името врз основа на т.н. Времена спогодба од 1995 година. Според таа спогодба, на Макеоднија треба да и биде дозволено влез во Алијансата под провизорното име ФИРОМ. Тоа подоцна го потврди и МКС.

– Европјаните и Американците би требало на Грција да и кажат тоа да го прифати, вели Сервер за ДВ.

Сепак, Џемс Меки шеф на Канцеларијата за евроатланско и глобално партнерство во НАТО смета дека „тоа би било премногу едноставно да се претстават несогласувањата околу името како единствена пречка за влез во НАТО“.

– Сме виделе и назадување во прашањата на демократијата и владеењето на правото во поглед на дејствување на безбедносните и разузнавачки служби, изјави тој за ДВ.

Тој потсетува дека новиот македонски премиер Зоран Заев се обрзал на реформи во тој поглед.

– Ние тоа внимателно ќе го следиме, изјави Меки. /МИА

САД: Се преврти брод, има жртви

Најмалку 11 луѓе денеска го изгубија животот кога брод со 31 лице се преврти и потона во езерото недалеку од градот Бренсон, во американската држава Мисури.

До превртувањето дошло поради силната бура, а на бродот имало и деца, изјавила официјалните лица, а пренела агенцијата „Ројтерс“.

Седум лица се згрижени во болница после несреќата на вештачкото езеро Тејбл рок.

Нуркачите и понатаму трагаат за можни жртви.

Приведени 12 странски државјанки во локал во Желино

При контрола во угостителски објект лоциран на регионалниот пат Тетово - Скопје, во село Желино ноќеска полицијата привела 12 странски државјанки.

Како што е наведено во полицискиот билтен, ноќеска во периодот од 23:00 до 02:30 часот полициски службеници од СВР Тетово извршиле контрола во Угостителски објект лоциран на регионалниот пат Тетово - Скопје, поточно во село Желино, сопственост на З.С. од село Желино.

Во објектот биле затекнати 12 лица-странски државјанки, од кои 11 лица од Албанија и едно од Косово кои биле приведени во Полициска станица Тетово за понатамошна постапка. /МИА

ИК на ВМРО-ДПМНЕ бара техничка влада по пржинскиот модел пред секои избори

Реализирање на веќе договорените концепти за финансирање на партиите и формирање техничка влада по пржинскиот модел пред секои избори се ставовите на кои останува опозициската ВМРО-ДПМНЕ.

Ова беше потврдено на синоќешниот состанок на Извршен комитет на партијата, на кој се анализираше актуелната политичка ситуација и прашањата што се дел од меѓупартиските разговори со власта на претседателско ниво.

„Само на овој начин избирачите ќе имаат гаранција дека власта нема да го злоупотреби нивниот глас, односно дека опозицијата ќе има можност соодветно да дејствува при сите обиди за можен фалсификат и нема да се дозволи повторување на локалните избори. Обидите на Зоран Заев да ја манипулира јавноста со измислени образложенија дека некој бара амнестија за некаков криминал беа оценети како несериозни“, се вели во соопштението на партијата.

Во врска со формулацијата на референдумското прашање ИК на ВМРО-ДПМНЕ смета дека за да се согледа јасно волјата на граѓаните мора да се почитува законот што предвидува недвосмислени прашања.

ИК му даде целосна и недвосмислена поддршка на партискиот лидер Христијан Мицкоски да ги застапува ставовите на партијата во натамошниот тек на лидерската средба.

„Македонските граѓани заслужуваат власт која вистински ќе се води по европските принципи за почитување на Уставот и законите, особено за важни прашања поврзани со носење на одлуки за иднината на државата како што се македонските интеграции во Европската унија и НАТО“, се наведува во соопштението. /МИА

притисни ентер