Чичаковски 260 000 денари за надоместоци им ги дал на „Полио плус“

На сметката на Полио Плус легнаа бонусите донирани од претседателот на Државната изборна комисија Александар Чичаковски. Вкупно 260.000 денари.


Урумов од ДИК за Канал 5 рече дека  деновиве во договор со колегите парите ќе ги донираат на Детската или на Клиниката за гинекологија. Прекупуца, пак, ни изјави  дека се уште не одлучил, но доколку ги донира тоа ќе биде според традицијата и законите на исламската вера – тајно. Дума, Срцев, Бонева не беа достапни. Дали има корупција во бонусите на ДИК. Според претседателот на Антикорупциската комисија Тантуровски, Изборниот законик овозможува, ДИК со сопствен акт да ги одредува надоместоците за  изборните активности. Во меѓувреме јавноста бара оставки.

Во делот на она што се повикува на морал јас лично не навлегувам бидејќи моралниот аспект го носи секој од нас во себе и нивната одлука да ја преиспитаат одлуката доаѓа во делот на моралниот аспект како што еве и одговараат на прозивките во јавноста, рече Тантуровски.

Во Антикорупциската формирана е дополнителна работна група  која ќе ги  проверува дискреционите овластувања на сите нивоа на власта. Ќе се проверуваат етапно. Во некои од нив според Тантуровски биле констатирани такви ризици.



Приведени 12 странски државјанки во локал во Желино

При контрола во угостителски објект лоциран на регионалниот пат Тетово - Скопје, во село Желино ноќеска полицијата привела 12 странски државјанки.

Како што е наведено во полицискиот билтен, ноќеска во периодот од 23:00 до 02:30 часот полициски службеници од СВР Тетово извршиле контрола во Угостителски објект лоциран на регионалниот пат Тетово - Скопје, поточно во село Желино, сопственост на З.С. од село Желино.

Во објектот биле затекнати 12 лица-странски државјанки, од кои 11 лица од Албанија и едно од Косово кои биле приведени во Полициска станица Тетово за понатамошна постапка. /МИА

ИК на ВМРО-ДПМНЕ бара техничка влада по пржинскиот модел пред секои избори

Реализирање на веќе договорените концепти за финансирање на партиите и формирање техничка влада по пржинскиот модел пред секои избори се ставовите на кои останува опозициската ВМРО-ДПМНЕ.

Ова беше потврдено на синоќешниот состанок на Извршен комитет на партијата, на кој се анализираше актуелната политичка ситуација и прашањата што се дел од меѓупартиските разговори со власта на претседателско ниво.

„Само на овој начин избирачите ќе имаат гаранција дека власта нема да го злоупотреби нивниот глас, односно дека опозицијата ќе има можност соодветно да дејствува при сите обиди за можен фалсификат и нема да се дозволи повторување на локалните избори. Обидите на Зоран Заев да ја манипулира јавноста со измислени образложенија дека некој бара амнестија за некаков криминал беа оценети како несериозни“, се вели во соопштението на партијата.

Во врска со формулацијата на референдумското прашање ИК на ВМРО-ДПМНЕ смета дека за да се согледа јасно волјата на граѓаните мора да се почитува законот што предвидува недвосмислени прашања.

ИК му даде целосна и недвосмислена поддршка на партискиот лидер Христијан Мицкоски да ги застапува ставовите на партијата во натамошниот тек на лидерската средба.

„Македонските граѓани заслужуваат власт која вистински ќе се води по европските принципи за почитување на Уставот и законите, особено за важни прашања поврзани со носење на одлуки за иднината на државата како што се македонските интеграции во Европската унија и НАТО“, се наведува во соопштението. /МИА

Потешко повредено шестгодишно дете по удар од автомобил

Шестгодишно дете е потешко повредено на регионалниот пат Хиподром-Јурумлери откако автомобил удрил во него.

Во незгодата детето се здобило со тешки телесни повреди и било пренесено и задржано во комплекс клиники „Мајка Тереза“.

Извршен бил увид на местото на настанот и се работи на целосно расчистување на случајот.

Како што информира МВР, вчера околу 15:30 часот во СВР Скопје било пријавено дека патничко моторно возило „Сеат“ со скопски регистерски таблици управувано од Ј.И. (58) од Скопје удрило во дете на возраст од шест години на регионалниот пат Хиподром - Јурумлери, кај место викано „Дунек“. /МИА

притисни ентер