И Чешка го призна Ерусалим, гори Западниот брег - Хамас повика на Интифада!

Трамп ја отвори пандорината кутија на Блискиот Исток. Расте гневот во Арапскиот свет. Радикалното движење Хамас повика на мобилизација и покренување нова трета Интифада, света војна против Еврејската држава.
- Одлука на САД го уби мировниот процес и е директна агресија насочена кон нас и кон светите места во Ерусалим. Почнуваме со покренување Интифада кон ционистичкиот непријател, изјави Исмаил Ханија, лидер на движењето Хамас.

Израел трупа војска на западниот брег. Израелците стравуваат од оживување на деценискиот конфликт со Палестинците.
- Знам дека многу луѓе во соседството се гневни. И навистина се плашам од војна. Одлуката на Трамп може да донесе војна, жителка на Тел Авив

- Без разлика дали ќе има насилство, Ерусалим ќе остане главен град на Израел, вели жител на Тел Авив

Вашингтон и денеска смета дека одлуката на Трамп е реална и најави брза дислокација на амбасадата од Тел Авив во Ерусалим. Чешка стана првата земја што им се придружи на САД и го прогласи Светиот град за престолнина на Израел.

- Ги повикувам сите земји да им се придружат на САД во признавањето на Ерусалим како главен град на Израел, изјави Бенјамин Нетанјаху, премиер на Израел
Советот за безбедност за утре најави вонредна седница. Осуди против одлуката на Трамп стигнуваат од сите страни.
- Само со визијата на две држави кои живеат рамо до рамо и со Ерусалим како главен град на Израел и на Палестина ќе се постигне легитимни аспирации меѓу двете нации, вели Антонио Гутереш, генерален секретар на ОН


- Тоа е неприфатлива одлука која ги поткопува мировните напори и ги поништува сите права САД да бидат медијатор во мировните преговори со Израел, вели Махмуд Абас, претседател на Палестина

- Еј, Трамп што сакаш да постигнеш? Па, ти наместо да ги помируваш, ти ги раскаруваш политичарите, а регионот го ставаш во огнен обрач, изјави Реџеп Таип Ердоган, претседател на Турција


- Ова е жална одлука, која Франција не ја признава зашто се коси со меѓународното право и донесените резолуции, изјави Емануел Макрон, претседател на Франција
Израел секогаш го сметал Ерусалим за свој главен град, додека Палестинците  планираа Источниот дел го планираа за престолнина на идната палестинска држава. Сега тој сон практично е прекинат, заради како што вчера појасни Трамп - за доброто на мирот во регионот. 


САД: Се преврти брод, има жртви

Најмалку 11 луѓе денеска го изгубија животот кога брод со 31 лице се преврти и потона во езерото недалеку од градот Бренсон, во американската држава Мисури.

До превртувањето дошло поради силната бура, а на бродот имало и деца, изјавила официјалните лица, а пренела агенцијата „Ројтерс“.

Седум лица се згрижени во болница после несреќата на вештачкото езеро Тејбл рок.

Нуркачите и понатаму трагаат за можни жртви.

Приведени 12 странски државјанки во локал во Желино

При контрола во угостителски објект лоциран на регионалниот пат Тетово - Скопје, во село Желино ноќеска полицијата привела 12 странски државјанки.

Како што е наведено во полицискиот билтен, ноќеска во периодот од 23:00 до 02:30 часот полициски службеници од СВР Тетово извршиле контрола во Угостителски објект лоциран на регионалниот пат Тетово - Скопје, поточно во село Желино, сопственост на З.С. од село Желино.

Во објектот биле затекнати 12 лица-странски државјанки, од кои 11 лица од Албанија и едно од Косово кои биле приведени во Полициска станица Тетово за понатамошна постапка. /МИА

ИК на ВМРО-ДПМНЕ бара техничка влада по пржинскиот модел пред секои избори

Реализирање на веќе договорените концепти за финансирање на партиите и формирање техничка влада по пржинскиот модел пред секои избори се ставовите на кои останува опозициската ВМРО-ДПМНЕ.

Ова беше потврдено на синоќешниот состанок на Извршен комитет на партијата, на кој се анализираше актуелната политичка ситуација и прашањата што се дел од меѓупартиските разговори со власта на претседателско ниво.

„Само на овој начин избирачите ќе имаат гаранција дека власта нема да го злоупотреби нивниот глас, односно дека опозицијата ќе има можност соодветно да дејствува при сите обиди за можен фалсификат и нема да се дозволи повторување на локалните избори. Обидите на Зоран Заев да ја манипулира јавноста со измислени образложенија дека некој бара амнестија за некаков криминал беа оценети како несериозни“, се вели во соопштението на партијата.

Во врска со формулацијата на референдумското прашање ИК на ВМРО-ДПМНЕ смета дека за да се согледа јасно волјата на граѓаните мора да се почитува законот што предвидува недвосмислени прашања.

ИК му даде целосна и недвосмислена поддршка на партискиот лидер Христијан Мицкоски да ги застапува ставовите на партијата во натамошниот тек на лидерската средба.

„Македонските граѓани заслужуваат власт која вистински ќе се води по европските принципи за почитување на Уставот и законите, особено за важни прашања поврзани со носење на одлуки за иднината на државата како што се македонските интеграции во Европската унија и НАТО“, се наведува во соопштението. /МИА

притисни ентер