Апелација решава за притворите на Дамовски и Јовановски

Апелација попладнево ќе одлучи дали режисерот Борис Дамовски и актерот Владо Јовановски ќе се вратат во домашен притвор.
 Тие веќе неколку дена се во Шутка откако Кривичниот совет на скопска единица ја преиначи првичната одлука на судијата на претходна постапка.
На денешната јавна седница на која беа разгледувани нивните жалби, обвинителството остана на барањето и двајцата да бидат во притвор.
Обвинителот Момир Маричиќ од Вишо јавно обвинителството рече дека само на тој начин ќе се осигура нивното присуство во постапката.
„Сега сите се болни, на лекување, во депресија, на бањи…“, рече обвинителот, посочувајќи дека Дамовски, кој беше водач на граѓанската иницијатива За заедничка Македонија, е еден од главните обвинети во предметот.

Адвокатите на осомничените пак, сметаат дека и со поблага мерка може да се обезбеди непречена истрага за настаните од 27 април.
Адвокатот на Дамовски, Миле Петровски, аргуменитираше дека неговиот клиент уредно се јавил во полициската станица и бил дома кога бил направен претресот.
Адвокатот на актерот Јовановски, Ставре Џиков рече дека нема потреба од притвор, бидејќи осомничениот е  јавна личност која не била претходно осудувана и која нема лош углед. Џиков утрово бил во посета на Јовановски во истражниот затвор.

„Притворот е казна“, рече тој и побара поблага мерка за обезебдување.

Освен Апелација, и Кривичниот совет на скопска единица најдоцна до утре треба да постапува по жалбите на шестемина пратеници. И тие што се во притво и тие што се во куќен притвор, бараат да се бранат од слобода. Додека ја чека одлуката, пратеникот Крсто Мукоски, од вчера почнал да ја одбива затворската храна. Претходно, штрајк со глад почна и поранешниот министер Чавков, но за кратко го прекина. 


Фирма чии ко-сопственик е Анѓушев добила 160.000 евра од Фондот за иновации

Фондот за иновации додели 160.000 евра на сметката на Каст Инвест, компанија чиј косопственик е вицепремиерот Кочо Анѓушев. 

Сопственици на Каст инвест се компанијата Брако, на Анѓушев, Митко Кржовски и Владо Атансовски.  Од кабинет велат дека нема ништо спорно во ова, затоа што Анѓушев со стапувањето на функцијата вицепремиер за економски прашања се повлече од управувачките функции во сите компании каде што има сопственички капитал.

Вицепремиерот Анѓушев  на јавноста и го презентираше анкетниот лист и се што поседува – со што покажа транспарентност и отвореност дека нема што да крие. Во врска со целиот процес што го води Фондот за иновации и технолошки развој Ве информираме дека е воспоставен двостепен систем за евалуација и селекција на доставените проекти од страна на стручни и независни комисии по јасни критериуми кои се еднакви за сите компании што учествуваат на повикот и не фаворизираат ниту еден правен субјект, соопшти кабинетот  на Кочо Анѓушев.

Директорот на Фондот за иновации вели дека процесот бил транспарентен и сите потенцијални апликанти биле информирани преку јавен повик кој траел 45 дена. Вели дека системот на оценување е поставен да оневозможи влијание на било кое лице, вклучително и функционер.

Во самата фаза има  два дела, првиот е предселекција каде што апликацииите се разгледуваат од надворешни лица кои се бираат на јавен повик, каде се одлучува дали апликацијата ќе помине во следната фаза во која одлучува комитет за одобрување на инвестиции , кој е составен од 5 странски експерти, чија што одлука е финална.

-Целиот процес го вршат лица кои немаат врска со политиката, сопственичката структура не е важна во критериумите..

Останува прашањето дали позицијата сопственик на компанијата “Брако” не го става  вицепремиерот во класична позиција на судир на интереси, нешто слично на конкурирањето на тендерот со “ЕЛЕМ” пред повеќе од една година, кога по притисокот од јавноста тој се повлече.

Директорот на фондот  вели дека на првиот јавен повик за финансирање на микро, мали и средни претпријатија од планот за економски раст грантови добиле 80 фирми, во вкупна сум а од 10 ипол милиони евра.

Продолжи комисиската расправа за Изборниот законик

Тензично во Собранието.

Пратениците на висок тон дебатираа на  Комисијата за европски прашања,  а тема се предложените измени на Изборниот законик со кој владата бара  членовите на ДИК да се избираат со 61 глас.

 Седницата ја следи Јован Ѓоргевски.

 Пред околу еден час имаше пауза. Дали пратениците продолжија со работа?

Во видеото погледнете го целиот извештај.

Данев: Повторно се злоупотребува европското знаменце и Комисијата за европски прашња

Повторно, како и со Законот за јазици, така и со Изборниот законик мнозинството грубо го злоупотребува европското знаменце и Комисијата за европски прашња, обвини денеска Драган Данев. 

Координаторот на пратеничката група на ВМРО-ДПМНЕ во Собранието на Република Македонија. 

- Изборниот законик во Република Македонија никогаш не се носел без консултации со опозицијата и никогаш не се разгледувал на Комисијата за европски прашања. Овој закон нема никаква допирна точка со Комисијата за европски прашања и со усогласување на нашето законодавство со законодавствто на ЕУ. Токму затоа и на овој закон никаде нема наведено изворен акт со што се усогласува, изјави Данев.

Нагласи дека секогаш кога парламентарното мнозинство сака нешто да протурка набрзина и на мала врата го користи европското знаменце и Комисијата за европски прашања.

- Според логиката на Владата и парламентарното мнозинство сите држави во Европската унија имаат исти изборен систем, иста изборна комисија и ист изборен законик, а ние како држава само треба да го усогласиме со нивниот, што е апсурдно и смешно. Предупредуваме дека ваквото своеволно и неделовничко однесување, однесувајќи се како Собранието на Република Македонија да е приватна институци ќе има понатамошни последици за демократијата во земјава, посочи Данев.

Тој рече дека парламентарното мнозинство го приватизира Собранието и оти на СДСМ и ДУИ веќе им премина во навика да го кршат Уставот на Република Македонија, законите и Деловникот за работа на Собранието.

- Скандалозно, неделовнички и со двојни аршини е однесувањето на претседателот на Комисијата за европски прашања. Во Собранието на Република Македонија не важи ниту едно правило, ниту една процедура, важи само волјата и желбите на СДСМ и ДУИ, рече Данев. 

притисни ентер