Зошто Ерусалим е толку важен?

BBC објави кусо видео под наслов „Зошто Ерусалим е толку важен?“ во кое зборува дека тој свет град од дамнина се наоѓа во срцето на израелско-палестинскиот спор.
Британскиот јавен сервис наведува дека толку пати сме виделе како и најмала промена врзана за овој град доведува до судири. Затоа, што се случува овде, е многу важно, наведува новинарката на BBC.

Ерусалим пред сѐ, има огромно религиско значење. Во него се најстарите светилишта и на евреите и на муслиманите и на христијаните. Но, тоа значи и дека има политичко значење.

Ерусалим Израелците го сметаат за своја најстара неподелена престолнина. Кога во 1948 година е формирана државата Израел, главните функционери на власта биле сместени токму во Ерусалим. Но, дури во војната со арапските земји во 1968 година израелските власти успеале под своја контрола да го стават и источниот дел на Стариот град, кој подоцна беше и анексиран.

Таквиот потег на Израел не доби меѓународно признание, што посебно ги фрустрираше израелските власти.

А што велат Палестинците? Секако, тие имаат друго мислење. Сакаат источен Ерусалим да биде нивна престолнина и тоа е точка на спорење на повеќедецениските мировни преговори меѓу Израел и Палестина, во кои главен збор до сега имаше САД.

Сега, кога американскиот претседател Доналд Трамп одлучи да го признае Ерусалим за престолнина на Израел се ќе биде поинаку.

Смислата на досегашните напори да се реши вековниот спор така што ќе се оформи палестинска граница и држава на границите на Израел според распределбата на територии од 1967 година, сега стануваат бесмислени, сметаат историчарите.

BBC потсетува дека третина од жителите на Ерусалим се од муслиманска вероисповест, а многумина потекнуваат од со векови стари фамилии кои таму живееле.

Најголемиот судир доаѓа околу изградбата на еврејски куќи во источен Ерусалим, што Палестина го смета за нелегално и спротивно на меѓународното право, а Израел не се сложува.

Меѓународни функционери со години го застапуваат ставот дека кој и да е промена околу Ерусалим мора да се донесе со преговори меѓу двете страни и мора обострано да се прифати. Затоа многу земји своите амбасади ги сместија во Тел Авив, а во Ерусалим имаат конзули.

Еден претседател сега ќе го смени тоа. Имено, Трамп е упорен амбасадата на САД да ја смести токму во Ерусалим, а таа одлука треба да ја донесе денеска. И најавата за такво нешто предизвика бурни реакции меѓу светските лидери. Најостар беше турскиот претседател Реџеп Таип Ердоган кој рече дека ако тоа се случи, тогаш Трамп ќе ја пречекори турската црвена линија.

Од Белата куќа најавено е дека Трамп денеска ќе ја соопшти одлуката, а како што стојат работите со преселувањето на амбасадата од Тел Авив во Ерусалим, Трамп ќе го признае Ерусалим за главен град на Израел. Што ќе биде потоа, којзнае. Трамп не го интересира. Ни тоа дека Палестинците веќе ги палат неговите фотографии.

Фирма чии ко-сопственик е Анѓушев добила 160.000 евра од Фондот за иновации

Фондот за иновации додели 160.000 евра на сметката на Каст Инвест, компанија чиј косопственик е вицепремиерот Кочо Анѓушев. 

Сопственици на Каст инвест се компанијата Брако, на Анѓушев, Митко Кржовски и Владо Атансовски.  Од кабинет велат дека нема ништо спорно во ова, затоа што Анѓушев со стапувањето на функцијата вицепремиер за економски прашања се повлече од управувачките функции во сите компании каде што има сопственички капитал.

Вицепремиерот Анѓушев  на јавноста и го презентираше анкетниот лист и се што поседува – со што покажа транспарентност и отвореност дека нема што да крие. Во врска со целиот процес што го води Фондот за иновации и технолошки развој Ве информираме дека е воспоставен двостепен систем за евалуација и селекција на доставените проекти од страна на стручни и независни комисии по јасни критериуми кои се еднакви за сите компании што учествуваат на повикот и не фаворизираат ниту еден правен субјект, соопшти кабинетот  на Кочо Анѓушев.

Директорот на Фондот за иновации вели дека процесот бил транспарентен и сите потенцијални апликанти биле информирани преку јавен повик кој траел 45 дена. Вели дека системот на оценување е поставен да оневозможи влијание на било кое лице, вклучително и функционер.

Во самата фаза има  два дела, првиот е предселекција каде што апликацииите се разгледуваат од надворешни лица кои се бираат на јавен повик, каде се одлучува дали апликацијата ќе помине во следната фаза во која одлучува комитет за одобрување на инвестиции , кој е составен од 5 странски експерти, чија што одлука е финална.

-Целиот процес го вршат лица кои немаат врска со политиката, сопственичката структура не е важна во критериумите..

Останува прашањето дали позицијата сопственик на компанијата “Брако” не го става  вицепремиерот во класична позиција на судир на интереси, нешто слично на конкурирањето на тендерот со “ЕЛЕМ” пред повеќе од една година, кога по притисокот од јавноста тој се повлече.

Директорот на фондот  вели дека на првиот јавен повик за финансирање на микро, мали и средни претпријатија од планот за економски раст грантови добиле 80 фирми, во вкупна сум а од 10 ипол милиони евра.

Данев: Повторно се злоупотребува европското знаменце и Комисијата за европски прашња

Повторно, како и со Законот за јазици, така и со Изборниот законик мнозинството грубо го злоупотребува европското знаменце и Комисијата за европски прашња, обвини денеска Драган Данев. 

Координаторот на пратеничката група на ВМРО-ДПМНЕ во Собранието на Република Македонија. 

- Изборниот законик во Република Македонија никогаш не се носел без консултации со опозицијата и никогаш не се разгледувал на Комисијата за европски прашања. Овој закон нема никаква допирна точка со Комисијата за европски прашања и со усогласување на нашето законодавство со законодавствто на ЕУ. Токму затоа и на овој закон никаде нема наведено изворен акт со што се усогласува, изјави Данев.

Нагласи дека секогаш кога парламентарното мнозинство сака нешто да протурка набрзина и на мала врата го користи европското знаменце и Комисијата за европски прашања.

- Според логиката на Владата и парламентарното мнозинство сите држави во Европската унија имаат исти изборен систем, иста изборна комисија и ист изборен законик, а ние како држава само треба да го усогласиме со нивниот, што е апсурдно и смешно. Предупредуваме дека ваквото своеволно и неделовничко однесување, однесувајќи се како Собранието на Република Македонија да е приватна институци ќе има понатамошни последици за демократијата во земјава, посочи Данев.

Тој рече дека парламентарното мнозинство го приватизира Собранието и оти на СДСМ и ДУИ веќе им премина во навика да го кршат Уставот на Република Македонија, законите и Деловникот за работа на Собранието.

- Скандалозно, неделовнички и со двојни аршини е однесувањето на претседателот на Комисијата за европски прашања. Во Собранието на Република Македонија не важи ниту едно правило, ниту една процедура, важи само волјата и желбите на СДСМ и ДУИ, рече Данев. 

Конечно отворен малиот групен дом во Тимјаник

Во Тимјаник по сите непотребни скандали конечно се отвори малиот групен дом за дечиња.

Мартина, Аделина, Никола и Антонио, четири деца со попреченост добија нов живот, откако денеска беше отворен малиот групен дом во неготинското село Тимјаник.

Тие овде се како едно мало семејство, откако го напуштија специјалниот завод демир капија, во рамките на процесот за деинституционализација.

Како што рече министерката за труд и социјална политика Мила Царовска, тие сега добија подостоинствен живот.

притисни ентер