Богојески: По изборите на Груевски му беше даден рок од 30 дена за оставка

Молк во ВМРО-ДПМНЕ по вчерашната најава на лидерот Никола Груевски дека до партиските органи ќе си поднесе оставка.
Само кусо велат дека не знаат кога ќе биде вонредниот конгрес на кој ќе се избере новиот лидер.

Груевски веднаш по објавувањето на резултатите од првиот круг на локалните избори изјави дека најголема одговорност за нив тој како лидер. Во Само вистина, Петар Богојевски од Реформаторите посочи дека процесот на поднесување на оставката го забрзал и слабиот одѕив на членството на протестите организирани за апсењата и приведувањата на инволвираните во настаните од 27 април. 

И Пандов и Богоевски прогнозираат дека ќе бидат организирани два конгреси. Според Пандов многу брзо ќе има  конгрес  организиран според партискиот статут кој нема да биде прифатлив за дел од членството. Според  Богојевски,  Груевски повторно ќе игра игра, за да може и  понатаму да управува со партијата, преку поставување на кукла претседател. Во тој случај вели тој ќе мора да се одржат два конгреса, бидејќи првиот на Груевски ќе биде приватен, а вториот кој ќе го организираат тие ќе биде обединувачки.

Во јавноста веќе се шпекулираат имињата на можните наследници на Груевски, во игра се поранешниот министер за надворешни Никола Поповски, и генералниот партиски секретар Христијан Мицковски...

Соговорниците на Канал 5 единствени дека на  македонската политичка сцена и треба ВМРО-ДПМНЕ но како кредибилен партнер и на домашната политичка сцена и на меѓународната, за да спроведува нови политики за да стане повторно управувачка партија.

Во меѓувреме членовите на општинската организација на ВМРО-ДПМНЕ во Битола побараа оставка од локалното раководство на партијата, Извршниот Комитет и лидерот Никола Груевски. Како причина за тоа ги наведоа изборите резултати и погрешните политики кои како што рекоа ја доведоа партијата до целосна изолација.



Меј за референдумот: Импресивна демонстрација на демократија

Британската премиерка Тереза Меј го поздрави резултатот од референдумот во Ирска.

Британската премиерка Тереза Меј го поздрави резултатот од референдумот во Ирска со кој се отвора патот за легализирање на абортусот, нарекувајќи го “импресивна демонстрација на демократија која покажала јасен и недвосмислен резултат“.

Меј им ја честита на граѓаните на Ирска успешната кампања “да“, пренесе „АП“.

Откако референдумот во Ирска изгласа за правото на абортус, целото внимание е насочено кон парламентот на таа земја, кој би требало сега да ги донесе новите закони за абортус.

Официјалните резултати од регерендумот кој е одржан во петокот покажаа дека 66 отсто од граѓаните на Ирска гласале за укинување на осмиот амандман на уставот на Ирска, која забранува абортус, наспрема 34 отсто од оние кои гласаа за зачувување на тој амандман.

Ирскиот премиер Лео Варадкар, после објавување на официјалните резултати порача дека денот кога референдумот се одржал претставува историски ден за неговата земја и голем чин на демократија и истакна дека неговата влада забрзано ќе работи на донесувањето на новите закони со кои абортус ќе биде легализиран во првите 12 недели од бременоста.

Повеќе од 64 отсто од граѓаните со право на глас излегле на овој референдум, што е еден од рекордите во таа земја.

Протести во Берлин: „Без ислам во Германија“, „Меркел мора да си оди“ (фото)

Неколку илјади приврзаници на германската партија Алтернатива за Германија (AfD) прошетаа низ центарот на Берлин протестирајќи против канцеларката Ангела Меркел.

Демонстрантите носеа германски знамиња, транспаренти со натписот „Без ислам во Германија“ и извикуваа „Меркел мора да си оди“, пренесува „АП“.
 

Foto: Tanjug/AP/Markus Screiber

На улиците има околу 2000 полицајци, кои се распоредени за да спречат можни инциденти, бидејќи во Берлин се организираат и контрамитинзи.

Во групите кои планираат контрамитинзи се наоѓаат и уметници и здружението на музички клубови во Берлин кои се надеваат дека ќе го “одвеат“ собирот на AfD со гласните звуци на техно музиката.

Foto: Tanjug/Markus Screiber



 

Агенцијата пренела дека на денешниот собир на AfD се очекува присуство на околу 10.000 луѓе на кои ќе им се обратат лидерите на партијата.

Алтернатива за Германија стана најголемата опозициска партија во таа земја откако минатата година на парламентарните избори освои 12.6 отсто од гласовите, под влијание на се поголемото расположение на граѓаните против мигрантите и против естаблишментот, наведува „АП“.

Димитров попладнево ќе се сретне со Могерини

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини.

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини, дознава МИА од извори во ЕУ. Засега не се открива точното време на средбата, ниту содржината на разговорите.

Утре наутро, Могерини најверојатно треба да ги брифира министрите на ЕУ за текот на преговорите за спорот со името, велат извори во ЕУ за МИА.

Министрите за надворешни работи на Грција и Македонија од Њујорк допатуваа во Брисел, но не се откриваат детали за нивна можна средба.

Димитров пред утрешниот Совет на министрите за надворешни работи на ЕУ ќе учествува на неформален појадок организиран од сегашното бугарско претседателство и идното, австриско. Како што информираат од Советот, тоа ќе биде прилика за министрите да го испрашуваат шефот на македонската дипломатија за текот на преговорите за името. /МИА

притисни ентер