Алаѓозовски: Пределот претставува ресурс кој го поттикнува економскиот развој

Пределот претставува ресурс кој го поттикнува економскиот развој и чија заштита, управување и планирање може да придонесе за креирање нови работни места, истакна министерот за култура Роберт Алаѓозовски на отворањето на форумот на тема „Предизвици во имплементацијата на Европската конвенција за предел - Културното наследство пределот“.
Форумот на оваа тема, посочи, се организира првпат во нашата земја со цел да ги поттикне активностие на надлежбите за спроведување и унапредување на примената на оваа конвенција ратификувана од Република Македонија во 2004 година. Според Алаѓозовски, станува збор за важен документ, една од четирите европски конвенции кои го адресираат третманот на културното наследство, кои се ратификувани од нашата земја и чии одредби во голем дел се инкорпорирани во домашната легислатива.

- Комплексноста на ова прашање претпоставува интердисциплинарен приод, механизми за интегративен пристап и меѓусекторска соработка, со цел да добиеме стратешки патокази за процесите на идентификација на предели кои имаат значајна улога во заштитата на животната средина и планирањето на просторот, додаде Алаѓозовски.

Заменик-министерот за животна средина и просторно планирање Јани Макрадули рече дека на културната карта на Република Македонија, која е разновидна, регистрирани се недвижни споменици на културата со извонредни културно-историски вредности. Посочи дека најголемиот дел од руралните објекти и објектите од недвижното културно наследство, се градени во предели со посебни природни вредности што ја потврдува нераскинливата врска меѓу природното и културното наследство.

- Донесен е Законот за заштита на природата во кој е утврден и третиран поимот „заштитен предел“, изготвена е Национална стратегија за заштита на природата во која се идентификувани предели и пределски типови на територијата на Република Македонија, Студија за валоризација и управување со пределите во Националниот парк Маврово, а во постапка е валоризација на природните вредности на Шар Планина, Осоговските планини и Јабланица..., рече Макрадули.

Очекува Република Македонија полека, но сигурно да почне да чекори во насока на остварување на целите на Европската конвенција за пределот.
Форумот го организира Националниот комитет на Меѓународниот совет за споменици и локалитети Икомос Македонија со поддршка на Министерството за култура и Делегацијата на ЕУ. Претседателот на Икомос, Лазар Шуманов рече дека предлагаат зголемена меѓусекторска односно меѓуминистерска соработка на ниво на држава, да се формира постојано координативно тело на министерствата за култура, животна средина и просторно панирање и транспорт и врски и да се организира регионален форум на оваа тема. 

Фирма чии ко-сопственик е Анѓушев добила 160.000 евра од Фондот за иновации

Фондот за иновации додели 160.000 евра на сметката на Каст Инвест, компанија чиј косопственик е вицепремиерот Кочо Анѓушев. 

Сопственици на Каст инвест се компанијата Брако, на Анѓушев, Митко Кржовски и Владо Атансовски.  Од кабинет велат дека нема ништо спорно во ова, затоа што Анѓушев со стапувањето на функцијата вицепремиер за економски прашања се повлече од управувачките функции во сите компании каде што има сопственички капитал.

Вицепремиерот Анѓушев  на јавноста и го презентираше анкетниот лист и се што поседува – со што покажа транспарентност и отвореност дека нема што да крие. Во врска со целиот процес што го води Фондот за иновации и технолошки развој Ве информираме дека е воспоставен двостепен систем за евалуација и селекција на доставените проекти од страна на стручни и независни комисии по јасни критериуми кои се еднакви за сите компании што учествуваат на повикот и не фаворизираат ниту еден правен субјект, соопшти кабинетот  на Кочо Анѓушев.

Директорот на Фондот за иновации вели дека процесот бил транспарентен и сите потенцијални апликанти биле информирани преку јавен повик кој траел 45 дена. Вели дека системот на оценување е поставен да оневозможи влијание на било кое лице, вклучително и функционер.

Во самата фаза има  два дела, првиот е предселекција каде што апликацииите се разгледуваат од надворешни лица кои се бираат на јавен повик, каде се одлучува дали апликацијата ќе помине во следната фаза во која одлучува комитет за одобрување на инвестиции , кој е составен од 5 странски експерти, чија што одлука е финална.

-Целиот процес го вршат лица кои немаат врска со политиката, сопственичката структура не е важна во критериумите..

Останува прашањето дали позицијата сопственик на компанијата “Брако” не го става  вицепремиерот во класична позиција на судир на интереси, нешто слично на конкурирањето на тендерот со “ЕЛЕМ” пред повеќе од една година, кога по притисокот од јавноста тој се повлече.

Директорот на фондот  вели дека на првиот јавен повик за финансирање на микро, мали и средни претпријатија од планот за економски раст грантови добиле 80 фирми, во вкупна сум а од 10 ипол милиони евра.

Данев: Повторно се злоупотребува европското знаменце и Комисијата за европски прашња

Повторно, како и со Законот за јазици, така и со Изборниот законик мнозинството грубо го злоупотребува европското знаменце и Комисијата за европски прашња, обвини денеска Драган Данев. 

Координаторот на пратеничката група на ВМРО-ДПМНЕ во Собранието на Република Македонија. 

- Изборниот законик во Република Македонија никогаш не се носел без консултации со опозицијата и никогаш не се разгледувал на Комисијата за европски прашања. Овој закон нема никаква допирна точка со Комисијата за европски прашања и со усогласување на нашето законодавство со законодавствто на ЕУ. Токму затоа и на овој закон никаде нема наведено изворен акт со што се усогласува, изјави Данев.

Нагласи дека секогаш кога парламентарното мнозинство сака нешто да протурка набрзина и на мала врата го користи европското знаменце и Комисијата за европски прашања.

- Според логиката на Владата и парламентарното мнозинство сите држави во Европската унија имаат исти изборен систем, иста изборна комисија и ист изборен законик, а ние како држава само треба да го усогласиме со нивниот, што е апсурдно и смешно. Предупредуваме дека ваквото своеволно и неделовничко однесување, однесувајќи се како Собранието на Република Македонија да е приватна институци ќе има понатамошни последици за демократијата во земјава, посочи Данев.

Тој рече дека парламентарното мнозинство го приватизира Собранието и оти на СДСМ и ДУИ веќе им премина во навика да го кршат Уставот на Република Македонија, законите и Деловникот за работа на Собранието.

- Скандалозно, неделовнички и со двојни аршини е однесувањето на претседателот на Комисијата за европски прашања. Во Собранието на Република Македонија не важи ниту едно правило, ниту една процедура, важи само волјата и желбите на СДСМ и ДУИ, рече Данев. 

Конечно отворен малиот групен дом во Тимјаник

Во Тимјаник по сите непотребни скандали конечно се отвори малиот групен дом за дечиња.

Мартина, Аделина, Никола и Антонио, четири деца со попреченост добија нов живот, откако денеска беше отворен малиот групен дом во неготинското село Тимјаник.

Тие овде се како едно мало семејство, откако го напуштија специјалниот завод демир капија, во рамките на процесот за деинституционализација.

Како што рече министерката за труд и социјална политика Мила Царовска, тие сега добија подостоинствен живот.

притисни ентер