Анѓушев: Инвеститорите однапред ќе знаат каква поддршка може да очекуваат од Владата

Владата е отворена и транспарентна, а со Планот за економски раст се обезбедува одржливост на економијата и секој инвеститор однапред ќе знае каква поддршка може да очекува од Владата, без да мора да се спогодува со претставници на власта, истакна вицепремиерот Кочо Анѓушев кој денеска беше главен говорник на панелот „Македонија – вртење на нова страница“, во Вашингтон, во рамките на „Трансатлантскиот економски форум - Градење мостови на Медитеранот“.
- Целта е создавање стабилно бизнис опкружување за инвеститорите, како и правна рамка со која секој инвеститор ќе може да биде сигурен дека неговата инвестиција е заштитена и дека законите важат за сите подеднакво, рече Анѓушев.

Вицепремиерот, како што информираат од неговиот Кабинет, истакнал дека довербата од граѓаните на политиките и визиите на Владата се потврдија и на локалните избори во Македонија, на кои од 81 општина, владејачката коалиција освои дури 70 градоначалнички места.

Тој посочил дека главни стратешки приоритети на Владата се членството во НАТО и ЕУ, бидејќи членството во овие организации, навел, е привилегија со која се добиваат нови вредности, сигурност, безбедност, можност за економски раст и развој.

Анѓушев укажал и на причините поради кои Владата добива голема поддршка од граѓаните и меѓународната заедница.

- Прво, оваа Влада цврсто одлучи своите одлуки да ги носи на најтранспарентен и најдемократски начин. За сите прашања, особено за оние најсуштинските, се консултираме со експертите, науката, меѓународната заедница и со пошироката јавност. Второ, цврсто решивме Македонија да биде алка на соединување на земјите на Западен Балкан, а не камен на спрепнување. И трето, доста трошевме пари за споменици. Нам ни требаат инвестиции во инфраструктура: во патишта, железница, гасификација. Спомениците не носат напредок, без инфраструктура нема просперитет, рекол Анѓушев.

Вицепремиерот зборувал и за трите главни столба за економски просперитет: поддршката на стопанството, инвестиции во инфраструктурата и енергетската стабилност на Република Македонија.

- Потребите на граѓаните и на македонското стопанство се приоритет на Владата и токму по тие потреби ги креираме економските политики, кои се главен фокус во работата на Владата, потенцирал Анѓушев.

Тој истакнал дека главна цел на Владата е да создаде стабилно бизнис опкружување за инвеститорите, како и правна рамка со која секој инвеститор ќе може да биде сигурен дека неговата инвестиција е заштитена и дека законите важат за сите подеднакво. Владата е отворена и транспарентна, а со Планот за економски раст, нагласил, се обезбедува одржливост на економијата и секој инвеститор однапред ќе знае каква поддршка може да очекува од Владата, без да мора да се спогодува со претставници на власта.

- Владата преку програмата за економски раст ќе работи на поддршка на унапредување на технолошките и производствените процеси на компаниите, со цел да станат поконкурентни, пред се, на меѓународните пазари. Основната цел е да се подигне стандардот на нивното работење и да им се овозможи осовременување и модернизирање на постоечките капацитети и истите да може своите производи да ги пласираат на меѓународни пазари или да станат доверливи и сигурни добавувачи на светски познати компании. Ќе работиме на поддршка на домашните и странските компании, малите, средни и големи компании, резултатите од таа поддршка ќе се рефлектираат преку нови работни места, повисоки плати и зголемен извоз, нагласил вицепремиерот.

Вицепремиерот Анѓушев ги реафирмирал ставовите на Владата дека странските компании се добредојдени во Република Македонија и упатил повик до компаниите од САД и од земјите од Медитеранот да се запознаат со Планот за економски раст и да размислат своите идни инвестиции да ги остварат токму во Република Македонија, стои во соопштението. 

Заврши трилатералната средба на Могерини со Тачи и Вучиќ

Во Брисел заврши средбата на шефицата на Европската дипломатија Федерика Могерини со претседателите на Србија и на Косово.

Пред заедничката средба , Могерини одвоено се сретна и разговараше со Александар Вучиќ и Хашим Тачи за надминување на проблемите меѓу Приштина и Косово. Во тек е повторно средба на Могерини со Вучиќ , а можно е во текот на вечерта да се одржи и состанок меѓу двајцата претседатели , за потоа сите тројца да имаат уште една рунда преговори. Како што јавуваат српските медиуми , по завршувањето на преговорите е најавена писмена изјава од Европската Комисија .

,, Договорено е сите проблеми да се решаваат на мирен начин , со взаемна почит. Тоа е многу важно за Србите на Косово , за сите граѓани на Србија . разговаравме за тоа да се фокусираме на дијалог , да покажеме дека можеме да разговараме и да поченме да ги решаваме отворените проблеми . Не сум преголем оптимист , но отворивме многу прашања ,”, изјави Вучиќ по средбата во Брисел.

Претседателот на Косово Хашим Тачи изјави дека состанокот бил тежок , но станува збор за решавање на стогодишен проблем. ,, Не сум наивен па да мислам дека веднаш ќе пронајдеме итно и магично решение за иднината . Не можеме да останеме жртви на горчливото минато , туку да гледаме кон иднината и придобивките за нашите земји и граѓани “ , рече Тачи кој очекува големи придобивки од ЕУ по нормализацијатан на односите со Србија.

Макрон на удар на јавноста поради фотографија со ЛГБТ група

Францускиот претседател Емануел Макрон е на удар на јавноста , откако денеска на социјалните мрежи беа објавени фотографиите со ЛГБТ музичка група во Елисејската палата.

Претседателот Макрон и неговата сопруга Брижит се фотографирале во Елисејската палата со дел од учениците на отворениот музички ден . На една од фотографиите претседателската двојка е во друштво со ЛГБТ музичка група . јавноста го обвинува за понижување на претседателската функција.

Меѓу најгласните критичари беа политичарите од десницата , како Мари ле Пен која го критикуваше Макрон з аначинот на кој се потсмева со местото каде вообичаено со високи почести се примаат странски државници.

Фотографијата била направена од шефот на протоколот на Брижит Макрон , а потоа објавена на социјалните мрежи . ,, Викајте ме господин претседател “ , напишаа иронично дел од пратениците , алудирајќи на пораката што Макрон им ја упати на младите да се однесуваат кон него со почит.

Најмногу коментари предизвика маицата на еден од музичарите , Киди Смајл на која пишуваше :,, Јас сум син на мигрант , црн сум и геј”.

Над 500 деца мигранти вратени на семејствата

Американското министерство за здравство соопшти дека 522 деца им се вратени на семејствата.

Сепак , над 2 000 деца без документи и натаму се одвоени од родителите во рамките на политикатаз а ригорозни мерки против илегалните мигранти . Претседателот Трамп одненадеж во средата го потпиша указот со кој се прекинува ваквата практика.

Систематското разделување на децата од родителите кои илегално ја минале границата меѓу Мексико и САД предизвика негодување не само во Америка , туку и во светот.

притисни ентер