Нимиц ќе се сретне со преговарачите за името на 21 ноември

Медијатото Метју Нимиц на 21 ноември ќе се сретне со преговарачите Наумовски и Василакис.Средбата најверојатно ќе се одржи во Брисел но не се исклучува можноста новата рунда разговор да се одржи и во Женева во седиштетот на Обединетите нации.
Во атмосфера на подигнати очекувања,в  понеделник или вторник продолжуваат разговорите околу разликите со Грција за уставното име, што се водат под покровителство на Обединетите нации.. Датумот го соопшти премиерот Заев од Словенија по средбата со неговиот колега Церар.
Заев вели дека ова ќе биде само прва од низата контакти во следниот период, кои како што рече, искрено верува дека ќе го доведат процесот до финално решение.
Средбата, според извори на Канал 5, најверојатно ќе се одржи во Брисел, иако се уште како опција не се исклучува и Женева, седиштето на ОН во Европа. Каде и да биде, потврдено е дека ќе биде во стандардниот формат – медијаторот плус преговарачите Наумоски од македонска и Василакис од грчка страна.. Повеќе детали Нимиц не соопштува.

За очекување е на оваа средба Нимиц да предложи нов сет идеи за решение, особено што таа доаѓа по неговата посета на регионов на почетокот на јули, кога од прва рака можеше да ги слушне позициите на новата влада во Скопје, како и позициите на владата во Атина. Според најавите од двете влади, по презентирањето на предлогот од Нимиц, би се отвориле сериозни преговори за сите аспекти на прашањето, а решението би нашло во првите 6 месеци од идната година, до Самитот на НАТО.

Она што е извесно е дека компромисот ќе се бара во сложено име со географска одредница. Разликите се каде да биде поставена одредницата и колкав да биде опсегот на употреба на името. Останатите прашања што произлегуваат од името се очекува да бидат договорени со меѓудржевн договор, по примерот со Бугарија.



Меѓународна летна школа за управување во услови на мигрантски кризи

На Воената академија во касарната „Гоце Делчев“ во Скопје денеска ќе биде отворена Меѓународна летна школа  „Управување во услови на мигрантски кризи" која ќе трае до 24 јуни. 

Во шесте дена на Летната школа ќе има околу сто учесници од регионот. Организатор е Филозофскиот факултет од Скопје, заедно со Факултетот за криминалистика, криминологија и безбедносни студии од Сараево и Велеучилиште од Велика Горица. 

- Летната школа ќе биде можност студентите и практичарите преку програмата за доживотно учење да се стекнат со потребните знаења и вештини за справување со безбедносните предизвици предизвикани од мигрантските кризи, соопштија организаторите. 

Покрај деканите на факултетите кои го организираат настанот, најавени се и обраќања на вицепремиерката и министер за одбрана Радмила   Шекеринска, ректорот на УКИМ Никола Јанкуловски и директорите на Центарот за управување со кризи и Агенцијата за заштита и спасување,  Агрон Буџаку и Аднан Џафероски. /МИА

Седници на две собраниски комисии

Во Собранието на Република Македонија денеска седници треба да одржат комисиите за образование, наука и спорт и за финансирање и буџет. 

На дневен ред на Комисијата за образование, наука и спорт се измените на Законот за обука и испит за директор на основно училиште, средно училиште, ученички дом и отворен граѓански универзитет за доживотно учење и на Законот за основање на Технолошко – технички факултет, Ветеринарен факултет и Правен факултет во состав на Универзитетот „Св. Климент Охридски“ во Битола, двата во прво читање поднесени од пратеници од владејачкото мнозинство. 

На Комисијата за финансирање и буџет на дневен ред се измени и дополнувања на Законот за акцизите, измени на Законот за приватизација и закуп на градежното земјиште во државна сопственост, измени и дополнувања на Законот за царинска управа, сите во второ читање и Предлог на закон за отпишување на камати за наплата на долгови кои произлегуваат од услуги од вршители на комунални дејности, телефонија, мобилни и кабловски оператори, одржување на заеднички простории, наводнување и одводнување на земјоделско земјиште, во прво читање поднесен од пратениците од владејачкото мнозинство и опозицијата. /МИА

ФАО работилница за пристапот при консолидација на земјиштето

Во Скопје денеска почнува тридневната Меѓународна работилница ЛЕНДНЕТ што ја организира ФАО со поддршка на Министерството за земјоделство, шумарство и водостопанство.

Целта на работилницата е идентификување на најдобрите регионални практики и развивање заеднички пристап кон легислативата за консолидација на земјиштето во земјите од Западен Балкан.

Пред присутните ќе се обратат министерот за земјоделство, шумарство и водостопанство Љупчо Николовски, експертот од ФАО за управување со земјиште Мортен Хартвигсен, како и Рик Ваутерс од Економската комисија на ОН за Европа (УНЕЦЕ), Работна група за земјишна администрација. /МИА

притисни ентер