Има ли крај – шеста жена јавно проговори дека претседателот Буш ја стискал за задникот

Уште една , шеста жена по ред јавно проговори дека поранешниот Американски претседател Џорџ Буш постариот , ја стискал за задникот .
Рослин Кориган имала само 16 години кога се сликала заедно со своите родители со претседателот Буш . Тоа се случило во 2003 – тата на прослава на вработените во ЦИА во Тексас . 16 – годишната девојка се фотографирала со претседателот Буш заедно со нејзините родители кои работеле како разузнавачи . Таа наеднаш почуствувала како поранешниот претседател , кој тогаш не седел во инвалидска количка , ја стиска одзади .  Ја отворила устата , погледнала кон мајка си , но не можела ништо да каже , свесна дека немало кој да и поверува.

Прес службата на Буш во изминатите денови безброј пати им се извини на жените кои на ист начин биле нападнати од Буш постариот , кој има 93 години .

Објаснија дека тој е последните неколку години прикован за инвалидска количка и оти е пониско поставен од лицата кои стојат додека се фотографираат со него. 

Ноќеска запален автомобилот на синот од пратеникот Локвенец

Според Хари Локвенец инцидентот се случил откако беа објавени фотографиите од Преспа, од потпишувањето на договорот за името со Грција, на кое присуствувал  и тој.

Час пред полноќ запален е автомобилот на синот од  пратеникот на СДСМ од прилеп, Хари Локвенец.

Автомобилот мини купер бил паркиран пред влезот на зградата каде што живее Локвенец.

Екипа на територијалната противпожарна единица прилеп пожарот бил  изгаснат.

Од полицијата информираат дека се преземаат мерки за расчистување на случајот.

Локвенец за Канал 5 потврди дека во континуитет добива закани.

Пред неколку  месеци пред зградата каде што живее Локвенец беа испишани графити со заканувачка содржина.

Кој ги пишувал графитите одговор нема бидејќи се уште полицијата трага.

СДСМ го осудува насилството и говорот на омраза пред Собранието

СДСМ го осудува насилството и говорот на омраза пред Собранието и повикува на смиреност, да не дозволиме некој да ја загрози македонската иднина.

СДСМ ги осудува вчерашните насилства пред Собранието, нападите од насобраната толпа врз новинарите, снимателите и полицајците коишто се обидуваа да спречат насилен упад во Собранието.

Секој има право да протестира и да го искаже својот став и мислење, но на вчерашниот собир беше забележан говор на омраза, повици за насилство, навреди и провокации кон граѓани, кон новинари, кон различни етнички заедници.

Очигледно е дека одредени субјекти кои работат спротивно од интересите на државата и граѓаните сакаат да го повторат насилството од 27 април, на кое му претходеа слични повици и активности.

Апелираме до сите актери да се воздржат од говор на омрза, навреди, повици за насилство и на демократски начин да го изразуваат мислењето.

Граѓаните треба да бидат смирени и да не подлегнуваат на провокациите. Институциите имаат капацитет соодветно, професионално, неселективно и во рамки на законските надлежности да одговорат на сите предизвици.

Да не дозволиме поразените деструктивни сили од минатото, остатоците од срушениот режим да ја загрозат македонската иднина, иднината на граѓаните, на државата.

Нема враќање назад кон мрачното време на страв, омраза, понижени граѓани и изолација.

Македонија тргна напред, живееме слободно, поврзани со светот, градејќи демократско и економски развиено општество за сите.

СДСМ

Гевгелија продава десет парцели за домување и лесна индустрија

Општина Гевгелија продава десет парцели за домување и лесна индустрија.

Четири градежни парцели за индивидуално домување кои се наоѓаат крај Моински пат, исто толку градежни парцели кои се наоѓаат во станбената населба „Караорман“ и две градежни парцели лоцирани во елитната станбена населба „Мрзенски рид“ се понудени на продажба од општина Гевгелија по пат на електронско јавно лицитирање.

Површината на градежните парцели крај Моински пат се движи од 362 до 467 метри квадратни, најмали по површина се парцелите во „Караорман“ од 288 до 354 квадрати, а најголеми, со опфат од 1.480 и 1.517 метри квадратни, се парцелите за резиденцијални станбени објекти во населбата „Мрзенски рид“. За сите нив почетната продажна цена изнесува 61 денар за метар квадратен.

Пријавите за учество на електронското јавно наддавање за парцелите за домување, заинтересираните физички и правни лица треба да ги поднесат најдоцна до 4 јули, а за нив електронски ќе лицитираат на 6 јули во времето од 10 до 12 часот.

За парцелата за градење на објект од лесната индустрија, пријавите се доставуваат најдоцна до 16 јули, а два дена подоцна на 18 јули ќе се одржи електронското јавно наддавање со почеток во 11 часот. 

притисни ентер