Ѕиамбирис за Канал 5: Поблиску до решение на името од било кога до сега

Македонија и Грција се поблиску до решение од било кога до сега, реално е проблемот да се реши во првата половина на 2018 пред НАТО самитот, договорот би бил пакет - за името и за се што произлегува од името, мерките за градење доверба се еден позитивен билатерален договор – ова се ставовите на Аристотелис Ѕиамбирис професорот по меѓународни односи на универзитетот Пиреа, кој за Канал 5 ги анализира последните случувања меѓу Скопје и Атина.
-Мислам дека развојот на настаните е важен, веројатно случувањата ќе доаѓаат едно по друго и дека се наоѓаме многу поблиску до решавање на прашањето со името  можеби уште од 1991-1992. Отворен е еден прозорец за договор,еден  прозорец за решение и ќе видиме во следните месеци дали ќе се затвори ова прашање. – вели за Канал 5 професорот Ѕиамбирис.

-Министерот за надворешни работи на Грција, Никос Коѕиас, пред 20ина дена на прес конференција,  говореше за решение во првата половина на 2018, колку е веројатно ова сценарио?

-Мислам дека е многу реално, бидејќи по овој временски рок, сигурно по септември 2018 влегуваме полека полека во потенцијален предизборни периоди и во двете земји и според тоа политичката логика нема да дозволи еден таков договор. Дополнително потсетувам дека НАТО ќе има голем самит во јули и сигурно ако има решение пред овој датум, би можело НАТО да има нов член. Според тоа, и од политички и од реални и пошироко меѓународни причини ценам дека доколку има договор, ќе треба навистина да биде во првите 6 месеци од 2018, а сигурно не по септември. – објаснува професорот од атинскиот Универзитет „Пиреа“.

Нимиц е задолжен само за името, но договорот ќе ги вклучува сите останати прашања кои произлегуваат од името, за нив пак, ќе си се договорат државите меѓу себе– објаснува Ѕиамбирис за Канал 5. А како пример дека двете земји можат сами да се договорат ги споменува мерките за градење доверба.

-Целосно е сигурно дека било кој договор нема да биде само за името, туку ќе покрива и другите прашања. Но овде треба да потенцираме дека сите предлози кои биле доставени од 1991 за прашањето за името, покриваа и други прашање, а не само името, На пример, да спомена едно решение кое во Грција се нарекуваше пакет Пинеиро, во 1992, предлогот беше името New Macedonia, но се викаше пакет Пиниеиро, затоа што имаше многу работи, не само името. Сите обиди, сите посредувања на меѓународниот фактор, сите напори за постигнување договр, не го покриваа само името, туку и други прашања. Тоа ќе се случи и сега. Односно, погрешно е да мислиме дека договорот ќе биде еден ред, еден параграф и ќе вели оваа држава ќе се вика така. Тоа ќе биде еден многу поголем текст, многу поширок текст  и неизбежно ќе покрива и други прашања како што се на пример трговски производи. Имиња на трговски производи. Кажувам еден пример за да може секој да разбере. Алва, вино и слично.  – објаснува професорот за Канал 5.

-Но, во чија надлежност ќе бидат останатите прашања? – го прашавме Ѕиамбирис.

-Нимиц има конкретен мандат. Нимиц ќе достави предлог, но тука треба да биде јасно. Дали Нимиц или некој друг ќе достави предлог, договорот ќе биде меѓу двете држави. Државите ќе бидат тие кои ќе одлучат за овие прашања. И имаат право како независни држави да одлучат и за други работи , доколку сакаат, кои не се поврзани со било кој предлог кој  можеби би го доставил Нимиц. Ќе споменам нешто што е карактеристично и позитивно дека веќе постојат 13 мерки за градење доверба кои што се во тек и се работи на нив. Ова не произлезе е од некакво посредување американско, европско или на ОН. Туку е билатерален договор на две држави кои сакаат да ги подобрат нивните односи. – вели професорот.

Во однос на тоа дали општествата и политичарите од двете земји се подготвени за договор, Ѕиамбирис вели дека се ќе зависи од самото решение, кое во Грција треба да помине низ парламенот а кај нас на референдум, но верува дека веќе се созреани околностите за евентуалниот договор да добие зелено светло.


Министерот Спасовски во посета на ГП Јажинце, СВР Тетово и општина Брвеница

Министерот за внатрешни работи Оливер Спасовски денеска ги посети Граничниот премин Јажинце и Секторот за внатрешни работи Тетово, а оствари и работна средба со градоначалникот на општина Брвеница Енвер Пајазити, како и со граѓани од оваа општина.

На средбата со колегите во Полициската станица за гранични работи Јажинце и во СВР Тетово министерот Спасовски се запознал со актуелните состојби од разни области во надлежност на овие организациони единици при МВР, за обемот и квалитетот на работа, но и за постигнувањата и очекуваните резултати.

Спасовски, како што иформираат од МВР, на средбите бил запознаен дека ГП Јажинце месечно го минуваат меѓу 5.000 до 7.000 домашни и странски патници, а годинава таа бројка, заклучно со октомври, изнесува вкупно 577.856 лица кои го минале овој граничен премин, што говори за релативно зголемен проток на луѓе и стоки надвор и во нашата држава.

Во разговор со надлежните во СВР Тетово, на министерот Спасовски му биле презентирани и состојбите во разните области од криминалитет на подрачјето на овој Сектор за внатрешни работи. Притоа, особено било нагласено дека процентот на откривање на кривичните дела изнесува 71 во однос на вкупниот број евидентирани кривични дела, за период од почетокот на оваа година,  заклучно со крајот на месец октомври, што претставува респектабилна бројка, споредбено со истиот период минатата година. Односно, во вкупно евидентираните 1.564 кривични дела, за 1.070 сторители се поднесени соодветни пријави. Покрај ова, особено бил истакнат падот на кривични дела од областа на класичниот криминал, пред сè кај тешките кражби и кражби, потоа падот на кривични дела од областа на недозволена трговија со оружје, како и намалувањето на бројот на сообраќајни несреќи.

Спасовски, информираат од министерството, ги нагласил консинуираните напори што актуелното раководство ги прави, особено во сферата на подобрување на материјално-техничките и социјални услови за работа на полициските службеници, потенцирајќи дека примарно мора да биде професионалното работење согласно законите, што во голема мерка ќе влијае на генералното подигање на стандардите и квалитетот на работата на полицијата.

На средбата, пак, со градоначалникот на општина Брвеница, министерот Спасовски разговарал околу интензивирањето на соработката меѓу локалната власт и полицијата, односно за досегашниот квалитет на таа соработка и мерките што треба да се превземат за нејзино унапредување, со една цел – поголема сигурност и безбедност на сите жители на општината. Во тој контекст, министерот Спасовски и пред претставниците на локалната самоуправа и пред жителите на Брвеница го нагласи значењето на концептот за полицијата како сервис на граѓаните, неговото натамошно развивање, особено во делот на меѓусебна комуникација и заедничка превенција од сите предизвици што се важни за жителите на општина Брвеница./МИА

Боливијците бараат привремен претседател по заминувањето на Моралес

Боливиските пратеници ќе се соберат за и формално да ја прифатат оставката на претседателот Ево Моралес , кој пребега во Мексико , со цел да се распишат нови избори.  

Моралес денеска замина во Мексико со владин авион , каде доби азил од „хуманитарни причини“ и затоа што „му се заканувале по живот и интегритет“, се вели во соопштението на мексиканскиот министер за надворешни работи Марсел Ебрардо.

Поранешниот лидер вчера на својот профил на Твитер објави дека ја напушта земјата, велејќи дека тоа е „од политички причини“, но дека „секогаш ќе ја следи ситуацијата“ и дека „наскоро ќе се врати со поголема моќ и сила“.

Моралес ја објави својата оставка по 13 години владеење за да стави крај на насилните протести што избувнаа откако резултатите од изборите беа оспорени поради наводните бројни нерегуларности. Тој се смета себеси за жртва на државен удар.

Пратениците ќе се состанат за официјално да ја прифатат неговата оставка. Владата на Моралес падна откако Организацијата на американски држави (ОАС) објави извештај за изборните нерегуларности.

Голем дел од неговите заменици и претседателот на парламентот поднесоа оставки , а се очекува привремениот лидер да стане опозицискиот политичар и втор потпретседател на Сенатот, Џeанин Анез. Таа најави дека ќе ја прифати функцијата.

Моралес, 60-годишниот поранешен одгледувач на кока дојде на власт во 2006 година како прв домороден претседател на Боливија. Откако стана претседател, боливиската економија порасна за 4,6 проценти на годишно ниво, двојно поголема од остатокот на Јужна Америка.

Тој ги национализира резервите на природен гас во земјата и вложи пари во социјалните програми што од сиромаштија извлекоа скоро два милиони луѓе, скоро една петтина од вкупното население на Боливија.

Со измени на Уставот во 2009 година го смени името на државата во Мултинационална држава Боливија за да ја одрази различноста на нејзините етнички групи кои со години биле граѓани од втора класа.

Неговиот пад беше на извесен анчин најавен на референдумот во 2016 година, кога  тој побара измени на Уставот за да му се овозможи повторно да се кандидира за претседател оваа година. Боливијците го отфрлија со 51 процент од гласовите референдумот за промена на сутавот , но тој потоа правно го поништи решението.

Царовска: Голем број фирми отворени со грант во 2018 опстојуваат и покажуваат одржливост на пазарот

Министерката за труд и социјална политика Мила Царовска во Тетово посети три бизниси кои од 2018 година користат мерки од Оперативниот план за зголемување на вработеноста.

– Финансиска поддршка при вработување на мали компании е основа за развој и затоа преку оперативните мерки државата инвестира во поттикнување на мали бизниси. Само во оваа година 330 лица во Полошко основаа бизниси, а само во Тетово 221. Овој бизнис, пекарата како и другите два, графички дизајнер и фризер се корисници на грант од 2018 и со тоа се покажува дека се одржливи и даваат резултати, рече Царовска.

– Користам грант од 5.000 евра, се вработивме јас и сопругата. Со парите набавивме опрема за работа, кафемат, столици и друг инвентар. На пролет се надевам на уште едно вработување, изјави Нухиу.

Годината што изминува бележи рекордни бројки на искористеност на мерките, велат од Агенцијата за вработување.

– Агенцијата за вработување и оваа 2019 година успешно реализира мерки и политики за вработување, со партнерите од невладиниот сектори и УНДП. Во дел самовработување во 2019 бележиме најголем број апликации и најголем број потпишани договори, а кон граѓаните со тоа се пласирани осум милиони евра за отворање семејни и мали бизниси, изјави директорката на Агенцијата, Билјана Јовановска.

Претставничката на Организацијата на Обединетите Нации за меѓународен развој (УНДП), Сања Бојанчич посочи дека веќе 12 години оваа агенција на светската организација им помага на претприемачите во државата.

– Во нашата работа е убаво кога ќе видите резултати и задоволни лица и реализирање на бизнис во услови кои не се лесни да се работи. Ние даваме поддршка, но нивниот труд  и самодоверба се клучни за успешноста, рече Бојанчич. /MИА

притисни ентер