Култура

„Вера Љубов Надеж“ - премиера на Драмски театар-Скопје

Потребата во нешто да веруваме и надежта дека тоа ќе се случи е во основа на приказната на новата премиера на Драмскиот театар-Скопје: „Вера Љубов Надеж“ во режија на Лука Кортина.

Претставата која премиерно ќе биде изведена утревечер е работена по истоимениот текст на Еден фон Хорват од 1932 година, а токму за оваа праизведба е првпат преведен од германски на македонски јазик од Слободанка Поповска.

Приказната е за Елизабета, девојка која решева да го напушти домот сакајќи да има живот независен од законите што и ги диктира општеството. Режисерот Кортина на прес-конференција денеска рече дека приказната е за секој поединец наспроти системот и дека секој од нас е Елизабета кој самостојно е подготвен да ги задоволува своите потреби и да живее според сопствената етика.

- Верата, љубовта и надежта не се некои одлуки или ставови, туку се карактеристики што човекот го прават тоа што е. Приказната се развива од апсурдната стартна точка - од желбата за продавање на своето тело кога ќе биде мртва за во сегашноста да има пари за живот, рече Кортина за претставата во која играат 16 актери.

Главниот лик (Елизабета) го игра Наталија Теодосиева како гостин во ансамблот на Драмски. За својот лик, Елизабета, рече дека е цврсто уверена во своите принципи и убедувања, доживува подеми и падови за на крајот да плати за тоа што не мисли како другите и што го живее животот на свој начин.
Во младата актерска екипа е и пензионираниот актер на ДТС Благој Чоревски кој рече дека е почестен што е поканет да игра со млада екипа од која учи како што кога бил млад учел од искуството на повозрасните актери. - Иако е од 1930-тите, овој текст многу говори и за сегашната транзициска состојба во која се наоѓаме сите и за борбата на младиот човек кој има елан да направи нешто поинакво, но нема средства да ја надгради својата идеја, рече Чоревски.

Самите актери на сцена свират на различни инструменти, а музиката на Љупчо Константинов е во функција на претставата. Тој рече дека успеале да направат музика што добила форма на драмско лице, а не да биде само параван. Костимографката Марија Пупучевска, пак, истакна дека костимите на ликовите не ги врзала за некоја одредена епоха затоа што, рече, самиот текст е и овде, сега и некогаш. Автор на сценографијата е Мери Батакоја.
В.д. директорот на ДТС Сашо Тасевски на прес-конференцијата рече дека во програмата на Драмски театар за 2018 година ќе бидат претстави кои зборуваат за она што егзистенцијално го допира подинецот и заедницата. - Жестоки, ангажирани, со многу силни заплети, современи. Она што го гарантираме е страшно добар квалитет на драмите што ќе бидат поставени, рече Тасевски.

Свет

Убила 19-годишна трудница и ѝ го украла бебето од матката-осудена е на 50 години затвор (ВИДЕО)

Клариса Фигуероа (51) е осудена на половина век затвор откако убила бремена тинејџерка во Чикаго намамувајќи ја во нејзината куќа за да ѝ го украде бебето од утробата, кое потоа го претставила како свое.

Тоа е, накратко, епилогот од страшното злосторство што го потресе овој дел на САД, а се случи во 2019 година, објави Еј-Би-Си Њуз.

Марлин Очоа-Лопез (19), мајка на двегодишно момче, која била во поодмината бременост, била намамена од Клариса во нејзиниот дом со ветување дека ќе ѝ даде бесплатна облека за бебето. Страшното злосторство го извршила со помош на нејзината ќерка Дезире, која во јануари ја признала вмешаноста во убиството кога била осудена на 30 години затвор. Мајката и ќерката ја задавиле трудница со електричен кабел. Клариса, која е медицински работник, сакала да го претстави бебето како свое, а откако го извлекла од стомакот на мајката повикала брза помош. Поради повредите, бебето два месеци било на интензивна нега во болница, но и покрај сите напори на лекарите, починало.

За време на судењето, се тврдело дека Клариса Фигуероа го изгубила своето бебе пред злосторството, а потоа им кажала на членовите на семејството дека повторно е бремена. Во октомври 2018 година, таа ѝ кажала на својата ќерка дека ѝ треба помош да убие трудница и да го украде бебето од нејзината утроба.

Ракел Уриостеки, мајката на убиената трудница, по изрекувањето на пресудата видно се потресе:

- Губењето на ќерка ми е нешто што никогаш нема да го прежалам.

Откако украденото бебе било сместено во болница, Клариса Фигуероа и нејзиниот партнер Пјотр Бобак тврделе дека бебето е нивно, па дури започнале и хуманитарна кампања за собирање помош за негово лекување. Пјотр подоцна на судењето признал дека помогнал да се отстранат трагите по убиството на бремената тинејџерка.

Страшното злосторство било неоткриено неколку недели, иако Џовани Лопез, сопругот на убиената, уредно ја пријавил за исчезната, но немал помош од надлежните да ја пронајдат. Полицијата реагирала дури по анонимна пријава во која било наведено дека е видена како исчезнатата влегува во куќата на Клариса Фигуероа. На 07.05.2019 година полицијата извршила претрес. Автомобилот на жртвата бил пронајден во близина на куќата на убиецот, а набрзо била наредена и ДНК анализа на бебето. Откако дошле резултатите од ДНК, полицијата ги уапсила мајката убиец, нејзината ќерка и нејзиното момче. Телото на жртвата било пронајдено закопано во дворот.

- Казната што ја доби никогаш нема да биде доволна и мојот син никогаш повеќе нема да ја прегрне мајка си. Изгубив дел од семејството и тоа секогаш ќе ме следи – низ солзи изјавил сопругот Џовани Лопез.

Живот

Нуркачи снимија како изгледа силен земјотрес под вода: Сега имам уште еден страв (ВИДЕО)

Страшно искуство е да се почувствува силен земјотрес, а група нуркачи го доживеале под вода додека јачината била 7,2 степени според Рихтеровата скала.

Видеото се рашири на социјалните мрежи, а корисниците пишуваат дека откако го погледнале, се наежиле и откриле нов страв.

На видеото се гледаат неколку нуркачи како пливаат меѓу коралниот гребен и уживаат во живописната глетка. Но, сè се менува кога ќе започне земјотресот. Прашина и нечистотија од морското дно се креваат и изгледаат како морничава магла.

So this is what an earthquake looks like underwater
byu/Literally_black1984 ininterestingasfuck

Се гледаат и нуркачи како се држат до коралите додека водата се движи побрзо и побрзо. „Да, мора да е кошмар“, „Изгледа страшно“, „Морничаво“, се само дел од коментарите.

Свет

Ужас во Англија: 80- годишен човек е запален во двор, соседите слушнале крици (ВИДЕО)

Две лица се уапсени откако полицијата пронашла изгорено тело на маж во задната градина на домот на едно „многу повлечено“ семејство, како што ги опишале соседите во Бредфорд.

Соседите во тивка уличка во Бредфорд пријавиле дека слушнале врисоци пред да видат како чад се издига зад куќата. Според извештаите, жртвата била 80-годишен маж кој живеел во куќата со помлада жена и нејзиниот син, објави Сан.

Многумина во соседството биле убедени дека човекот починал, затоа што не го виделе од пандемијата на коронавирус.

„Од градината доаѓаше чад, но не можевме да влеземе бидејќи портата беше затворена. Се обидовме насилно да ја отвориме портата и можевме да видиме крв и осакатено тело. Не можев да верувам, беше како нешто од хорор филм“, рекол соседот Мухамед.

„Семејството буквално никогаш не излегуваше надвор, тие се многу повлечени. Ова се случи целосно од ведро небо и сите се многу шокирани од тоа“, рече друг сосед кој сакал да остане анонимен.

Полицијата денеска соопшти дека го идентификувала телото на возрасен маж, но дека се уште се обидуваат официјално да го идентификуваат мажот и да им влезат во трага на неговите најблиски.

„Според информациите достапни во овој момент, ова го третираме како истрага за убиство. Мојот тим работи на утврдување на околностите кои довеле до смртта на човекот. Имаме две лица во притвор и не бараме никој друг во врска со овој инцидент, што се случи во тивка станбена улица, разбирам дека овој инцидент предизвика загриженост во пошироката заедница и има многу шпекулации за тоа што се случило и кој бил инволвиран.“

На местото на настанот се испратени пожарникарски екипи, полиција и брза помош, а соседите велат дека досега не виделе толку големо присуство на итните служби.

Противпожарната и спасувачка служба во Западен Јоркшир соопштија дека екипите го изгаснале пожарот на имотот.