Снимен звукот кој ги излудел американските дипломати на Куба

Пред две недели американските медиуми пренесоа вест дека од Куба се повлечени дипломатите од амбасадата на САД во Хавана поради мистериозна болест предизвикана од “пиштење“.
Дури се наведува дека станува збор за “звучен напад“ на американските дипломати кои почнал уште минатата година и поради кои најмалку 21 лице од амбасадата во Хавана се пожалиле на здравствени проблеми.

Синдикатот на вработени во американската дипломатска служба истовремено објави дека некои од жртвите претрпеле полесни повреди на мозокот, како и трајно оштетување на слухот, а страдаат и од губиток на рамнотежа и тешки главоболки.

Но што всушност дипломатите и официјалните претставници на американската амбасада во Хавана слушале со месеци? Одговорот го даде агенцијата „Асошиејтед прес“, која објави кратка снимка од мистериозен звук, една од варијациите на видеозаписот кој го слушале вработените во амбасадата.

Се наведува дека тој запис е дигитално засилен за да биде погласен и за да се намали вревата во позадина, но освен тоа не е менуван, наведува „АП“.

Станува збор за само еден од низата звуци снимени во амбасадата, а кои истражувачите ги навеле да иницијално се посомневаат во некој вид на сонично оружје.

Според авторите на текстот агенцијата „АП“, снимениот звук е сличен на огласувањето на група штурци, во многу висок тоналитет. Некои меѓутоа изјавуваат дека тој звук е сличен на “пиштење“, но такво кое би можело да “излуди“ некого после подолго слушање.

Снимките се испратени од Хавана на аналитичари во американската морнарица, која поседува напредни можности за анализа на акустични сигнали, но и американските разузнавачки служби.

Како ќе се реши проблемот со извозот на земјоделски производи на Косово?

Времената рамка на Косово за повисоки царини од 30% за овошје и зеленчук предизвика хаос во регионот.

Петти ден земјоделците немаат каде да ги извезуваат своите производи. Извозот од ден во ден е се помал. Им се закануваат огромни штети.

В среда во Белград ресорните министри на земјите од регионот на итен состанок ќе бараат лек за проблемот. Најавија и контра-мерки. Македонија веќе испрати и допис до ЦЕФТА  и ЕУ потенцирајќи дека мерката е неаргументирана.

Во меѓувреме српскиот министер за трговија Расим Љајиќ и порача на Приштина да се одлучи дали е или не е ЦЕФТА потписничка.

Косовската времена мерка ќе трае три месеци. Со неа, за 30% се зголемуваат царините за увезеното овошје и зеленчук. Опфаќа 21 сорта од земјоделските производи и важи за сите држави кои увезуваат во Косово.

Најпогодени, според министерството за земјоделство, се доматите, пиперките и сливите.

Иран: Најмалку 25 лица повредени во земјотресот

Најмалку 25 лица се повредени во земјотресот со јачина од 5,9 степени по Рихтер, кој денеска го погоди западен Иран, неколку часа откако два земјотреси ја потресоа јужната провинција Хормозган.

Гувернерот на западната провинција Керманшах, Хусанг Базванд, изјави дека 25 лица се повредени и дека, за среќа, нема информации за мртви.

Претходно денеска, јужниот дел на Иран беше погоден од земјотреси со јачина од 4,7 степени и 5,7 степени според Рихтеровата скала.

Во тие потреси немаше повредени, а предизвикана е помала материјална штета.

притисни ентер