Фестивал „Златна лира“ по 11-ти пат од 16 до 26 октомври во Скопје

Со концерт на камерниот хор „Света Злата Мегленска“ на 16 октомври во Музејот на Град Скопје ќе биде отворено 11-то издани на фестивалот „Златна лира“, во организација на Сојузот на музички уметници на Македонија.
Претседателот на СМУМ Љубиша Кировски, на денешната прес-конференција рече дека „Златна лира“ е единствен фестивал што приоритет и печат се става на македонските репродуктивни музички уметници, а годинава приоритет имаат нашите млади уметници.

- Другите фестивали од областа на класичната музика што се одржуваат во Македонија и не ставаат толкав приоритет на македонските уметници, така што ние сме единствени од овој вид во земјата. Мислиме дека заслужуваме поголема поддршка од државата, бидејќи има неверојатно добри кадри што постојано растат и творат во Македонија и треба да имаат простор каде што ќе се претстават, изјави Кировски.

На програмата на 18 октомври се македонските млади уметници Анастасија Грговска-виолина и Бојан Илковски-пијано, на 21 концерт ќе одржи интернационалниот состав Линда Хедлунд-виолина и Доменико Дел Гуидиче-гитара, на 24 концерт на Скопскиот дувачки квинтет, на 25 рецитал на младата пијанистка Мимоза Кеќа, а на затворањето на фестивалот на 26 октомври ќе настапат Момчило Куфојанакис-виолина и Весна Ангелова-пијано.

На фестивалот ќе бидат врачени и наградите на „Златна лира“ на Страшо Темков за едногодишни успешни настапи и на сопранката Марија Наумовска Муратовска за животно дело.

Прашани каква е поддршката и соработката со државата, од СМУМ посочија дека очекуваат нешто да се смени и досегашнниот начин на финансирање на фестивали на поп и народна музика со енормни суми да престане и вистинската уметност да излезе на површина.

- Сакаме и отворени сме за дијалог, а досега не сме повикани од министерот. Имаме многу идеи, сугестии и работи да му кажеме и објасниме, зошто ние сме тие компетентните да кажеме што се случува, на кое место се музичарите и што треба да се направи. Се надеваме дека по 73 години постоење во Македонија ќе добиеме една канцеларија во новата Филхармонија, изјави Кировски. /МИА

Мирен протест пред Собранието

Мирно и без инциденти мина вечерашниот протест пред Собранието на Република Македонија.

Околу стотина граѓани се собраа прад законодавниот дом за да го искажат незавоволството поради постигнатиот Договор со Грција.. Тие пееја патриотски песни, извикуваа слогани за Македонија и бараа оставка од Владата..

Претседателот Иванов им го додели признанието „Инженерски прстен 2018“ на најдобрите студенти од техничките факултети

Претседателот на Република Македонија, Ѓорге Иванов, на свеченост одржана во Вилата Билјана во Охрид, го додели признанието „Инженерски прстен 2018" на најуспешните дипломирани студенти од техничките факултети.

По повод 15 годишниот јубилеј, Инженерска институција на Македонија и Комората на овластени архитекти и овластени инженери, на претседателот Иванов, му додели признание за континуирана поддршка на манифестацијата „Инженерски прстен", како значаен сегмент во промовирање на инженерството и инженерските струки во Република Македонија.

Во своето обраќање пред присутните македонскиот претседател истакна дека овие млади научници и инженери се идните градители на напредокот и на благосостојбата на Република Македонија.

- Мора да направиме се, младите научници и инженери да ги заземат своите места во образованието, институциите, компаниите. Тие се столбот на развојот на секое стопанството, бидејќи економскиот раст на државите се темели токму на развојот на високите технологии. И многу повеќе од тоа, бидејќи инженерите од техничките факултети се тие што ја имаат моќта да го менуваат светот и реалноста, рече претседателот Иванов.

Тој нагласи дека му претставува чест што како Претседател на Република Македонија, на јубилејната десетта генерација и оддава признание доделувајќи ги овие инженерски прстени.

- Инженерскиот прстен не е само признаниe, туку е и обврска за вас да му останете верни на вашиот професионален повик. Тоа е повик да нудите решенија, да проектирате, да градите и создавате, да бидете креативни и иновативни, рече претседателот Иванов, охрабрувајќи ги младите да продолжат да ги усовршуваат своите вештини и да ги надградуваат своите знаења.

Според македонскиот претседател, најуспешни држави се оние кои продуцираат вакви високовалитетни кадри и затоа треба да продолжиме да инвестираме во образованието, но и да работиме на подготвеноста на институциите и бизнис секторот да ги препознаат и прифатат младите теленти и да им овозможат натамошен напредок и развој, во Република Македонија.

Проф. д-р Христина Спасевска, претседател на Асоцијацијата на здруженија на инженери – Инженерска институција на Македонија, зборувајќи за значењето и за историјата на манифестацијата, рече дека покровителството од страна на претседателот на државата уште од самиот почеток, го потврдува значењето на оваа иницијатива.

-Сѐ започна пред 15 години, кога група универзитетски професори и професионалци, ентузијасти и членови на Инженерската институција на Македонија си поставија за цел промовирање на инжерските дисциплини кај младите, истакнување на најдобрите и укажување дека само со квалитетни инженери, може да се следат трендовите во науката и новите технологии, што единствено ќе овозможи развој на сопствената земја, рече г-а Спасевска.

Претседателот на Комората на овластени архитекти и овластени инженери, проф. д-р Миле Димитровски, изјави дека добитниците на инжинерскиот прстен доаѓаат од првите пет најдобро рангирани универзитети и од факултети со високи оценки за акредидатцијата и дека истите се пример дека треба да се вложува во себе за што е важно и знаењето и оценките и навременото завршување на започнатото.

Во име на наградените дипломци благодарност упати Александар Ѓерасимовски, потенцирајќи дека Инженерскиот прстен е најпрестижната награда за еден млад и квалитетен инженер, кој е движечката сила во технолошкиот развој во нашето општество.

- Привилегија за нас е членството во Клубот на носители на инженерскиот прстен кој ги обединува добитниците на ова престижно признание и ни овозможува остварување контакти со најдобрите од секоја сфера на инженерството, рече Ѓерасимовски.

Тој додаде дека масивниот развој во сите сфери од техниката бара квалитетен кадар и упати апел до соодветните институции во државата, да создадат услови младите луѓе да останат и да го дадат својот придонес во развојот на нашата татковина.

Традиционалната манифестација „Инженерски прстен" која е во организација на Инженерската институција на Македонија и Комората на овластени архитекти и овластени инженери, а под покровителство на претседателот на Република Македонија, претставува поттик за изучување на инженерството и придонес за формирање на квалитетен инженерски подмладок, компатибилен со развиените земји.

Во изминативе петнаесет години ова признание го добиле најдобрите 150 дипломирани студенти кои што ги негуваат инжeнерските дисциплини.

Ферид Мухиќ во „Само вистина“

Мухиќ: Договорот со Грција без преседан е најбесмисленииот и најпарадоксалниот договор, камен од камен не остана од нас

Гостин во ,,Само вистина“ вечерва беше независниот пратеник Ферид Мухиќ, дел од парламентарното мнозинство, кој потврди дека на денот на гласањето за Договорот не бил ниту во Скопје а камо ли во парламентот и воопшто не гласал, независно што некои електронски медиуми јавија дека гласал ,, За,,.

Мухиќ смета дека договорот е најирационалниот и најбесмислениот договор и договор кој можеби ќе беше подобро да претпоставува да им дадевме територија или пари на Грција или да го сменевме само името на државата и по цена да немало Македонија во него, но никако ваков договор со кој, според него, се брише историјата на еден народ , се бришат сите етникуми во Македонија не само Македонците туку и Албанци, Турци, Власи, Турци, Роми  итн и дека целта била менување на границите и јасно разграничување на Муслиманите и Христијаните.. Сепак Мухиќ смета дека премиерот Заев бил храбар што конечно ги дотуркал работите до овде и штом прифатил ваков договор, бил приморан на тоа , смета независниот пратеник Мухиќ. Мухиќ смета дека за промена на име не треба ни граѓаните да излегуваат на референдум, бидејќи ниту тие можат да менуваат нешто што да менуваат не можат да арчат нешто што не го спечалиле. Со овој договор се порекнува Македонскиот национален идентитет, смета Мухиќ.

Повеќе погледајте во видеото во вечерашната „Само Вистина“.

притисни ентер