Премиерот Заев ќе учествува на „Самит 100 – Бизнис лидерите на ЈИЕ“

Претседателот на Владата на Република Македонија, Зоран Заев, ќе учествува на регионалниот настан „Самит 100 – Бизнис лидерите на Југоисточна Европа“, што од 16 до 17 октомври, ќе се одржи во Скопје.
Како што соопшти владината прес-служба, Заев е поканет да учествува со свое излагање на премиерската пленарна панел дебата под наслов „Нов договор за новото време, или, дали регионот е подготвен за натпревар на глобалната сцена“, на која ќе се дебатираат и темите за енергијата, за економиите засновани на знаење, за брендирањето, за дигиталната економија и за стратегиите за поврзување на регионот и за заеднички иницијативи во областа на туризмот.

Учество на оваа пленарна дебата, која ќе се одржи на 17 октомври, потврдија и премиерите на Албанија, Еди Рама, на Црна Гора, Душко Марковиќ и претседавачот со Советот на министри на Босна и Херцеговина, Денис Звиздиќ.

Посебно обраќање на овој значаен регионален настан ќе има и еврокомесарката за транспорт, Виолета Булц.

Свое учество на овогодишниот „Самит 100 на бизнис лидерите на Југоисточна Европа“, ќе има и заменик-претседателот на Владата на Република Македонија, Кочо Анѓушев, кој ќе се обрати на панелот „Е-Концепт за забрзување на порастот на растот со поврзување“.

На отворањето на Самитот 100 во Скопје, на гостите од регионот и од Европа, ќе им се обрати Живко Мукаетов, директор на „Алкалоид“, и претседател на Бордот на Самит 100 - Бизнис лидерите на Југоисточна Европа, заедно со претседателот на Република Македонија, Ѓорге Иванов, како специјален гостин на настанот.

„Самит 100 - Бизнис лидерите на Југоисточна Европа“ се одржува по шести пат, и е единствен настан од ваков формат во регионот. Низ годините овој настан стана познат бренд и собир за регионална бизнис соработка, како и исклучително продуктивна платформа за идеи и проекти што доаѓаат од земјите во регионот и што ги прават Албанија, Босна и Херцеговина, Косово, Македонија, Црна Гора, Хрватска, Словенија и Србија, чекор поблиску до регион со конкурентски капацитети, со забрзан економски развој и со подобар животен стандард за сите народи во регионот.

Централната тема оваа година е „Поврзаност“ која ќе се разгледува низ настапи, презентации, работилници и панел дебати во сферите како што се транспортот и слободната трговија, зелен Балкан, инфраструктура, брендирање и промоција на регионот, мобилноста на луѓе и идеи, енергија и дигитализација. /МИА

Ердоган со двојна победа на изборите

Турскиот претседател Реџеп Таип Ердоган победи на предвремените претседателски избори во Турција, а неговата партија на парламентарните избори.

Според резултатите од над 91 процент од гласовите , Ердоган освоил 53,16 проценти , со што го обезбеди новиот петгодишен мандат .

Неговиот најсериозен противкандидат Мухарем Инче освои 30 , 54 проценти , а останатите четворица кандидсати помалку од десет проценти од гласовите.

И владејачката партија АКП на Ердоган победи на парламентарните избори со 54 ,14 проценти од гласовите . Одѕивот на 56 милионското гласачко тело бил 87 проценти .

Опозицијата имаше голем број забелешки за изборни нерегуларности , особено на југоистокот на земјата .

Заврши трилатералната средба на Могерини со Тачи и Вучиќ

Во Брисел заврши средбата на шефицата на Европската дипломатија Федерика Могерини со претседателите на Србија и на Косово.

Пред заедничката средба , Могерини одвоено се сретна и разговараше со Александар Вучиќ и Хашим Тачи за надминување на проблемите меѓу Приштина и Косово. Во тек е повторно средба на Могерини со Вучиќ , а можно е во текот на вечерта да се одржи и состанок меѓу двајцата претседатели , за потоа сите тројца да имаат уште една рунда преговори. Како што јавуваат српските медиуми , по завршувањето на преговорите е најавена писмена изјава од Европската Комисија .

,, Договорено е сите проблеми да се решаваат на мирен начин , со взаемна почит. Тоа е многу важно за Србите на Косово , за сите граѓани на Србија . разговаравме за тоа да се фокусираме на дијалог , да покажеме дека можеме да разговараме и да поченме да ги решаваме отворените проблеми . Не сум преголем оптимист , но отворивме многу прашања ,”, изјави Вучиќ по средбата во Брисел.

Претседателот на Косово Хашим Тачи изјави дека состанокот бил тежок , но станува збор за решавање на стогодишен проблем. ,, Не сум наивен па да мислам дека веднаш ќе пронајдеме итно и магично решение за иднината . Не можеме да останеме жртви на горчливото минато , туку да гледаме кон иднината и придобивките за нашите земји и граѓани “ , рече Тачи кој очекува големи придобивки од ЕУ по нормализацијатан на односите со Србија.

Макрон на удар на јавноста поради фотографија со ЛГБТ група

Францускиот претседател Емануел Макрон е на удар на јавноста , откако денеска на социјалните мрежи беа објавени фотографиите со ЛГБТ музичка група во Елисејската палата.

Претседателот Макрон и неговата сопруга Брижит се фотографирале во Елисејската палата со дел од учениците на отворениот музички ден . На една од фотографиите претседателската двојка е во друштво со ЛГБТ музичка група . јавноста го обвинува за понижување на претседателската функција.

Меѓу најгласните критичари беа политичарите од десницата , како Мари ле Пен која го критикуваше Макрон з аначинот на кој се потсмева со местото каде вообичаено со високи почести се примаат странски државници.

Фотографијата била направена од шефот на протоколот на Брижит Макрон , а потоа објавена на социјалните мрежи . ,, Викајте ме господин претседател “ , напишаа иронично дел од пратениците , алудирајќи на пораката што Макрон им ја упати на младите да се однесуваат кон него со почит.

Најмногу коментари предизвика маицата на еден од музичарите , Киди Смајл на која пишуваше :,, Јас сум син на мигрант , црн сум и геј”.

притисни ентер