Ладнокрвно убиен познат грчки адвокат во неговата канцеларија/ОБНОВЕН

Дошле како клиенти со закажа средба, влегле во неговата адвокатска канцеларија, поразговарале со неговиот соработник, влегле во салата за состаноци, побарале од соработникот да излезе, останале сами со адвокатот и ладнокрвно го убиле - грчката полиција трага по две лица кои синоќа во 19.10 со неколку куршуми го застрелаа познатиот грчки адвокат Михалис Зафиропулос.
 Убиството на 52 годишниот ја шокираше грчката јавност и поради тоа што се случи во центарот на Атина, во една од пофреквентните населби и поради начинот на кој беше извршено.

Според информациите во грчките медиуми, двете лица не биле маскирани, соработникот на адвокатот ги видел и на полицајците им рекол дека станува збор за лица на возраст од 30 и 40 години, кои не говореле чисто грчки јазик, што значи дека веројатно се странци и не ги имал видено до сега.
Убиството се случило, најверојатно со оружје со пригушувач, бидејќи не се слушнале истрели, а двајцата убијци успеале да избегаат без никој да ги забележи. Последните информации се дека кон адвокатот било пукано од далечина од само еден до еден и пол метар, а куршумот го погодил Зафиропулос во средниот дел на телото и бил кобен.  Она што дополнително ја отежнува работата на грчката позиција во расветлувањето на случајот е тоа што адвокатот, во канцеларијата немал безбедносни камери, нешто што не е исклучена можноста да го знаеле двете непознати лица.

На стари случаи кои ги водел 52 годишниот Зафиропулос и на сведочењето на неговиот соработник се фокусираат грчките полицајци кои ја водат истрагата. Освен што трагаат по сторителите, грчките полицајци ќе треба да најдат одговори на низа прашања околу мотивите. Дали намерата била да го убијат или само да го заплашат адвокатот или пак закажале средба за да преговараат со него? Дали станува збор за платени убијци или пак за обични граѓани кои биле незадоволни од исходот на случај што го водел Зафиропулос?

На помалку од 24 часа од убиството во грчките медиуми веќе се појавија информации околу истрагата. Полицајците ги „чешлаат“, мобилниот телефон и компјутерот на адвокатот, ги проверуваат разговорите од изминатите денови, мејловите, смс пораките. Проверуваат дали можеби добивал некакви заканувачки пораки, и покрај тоа што неговото семејство за грчките медиуми тврдело дека воопшто не се плашел, во спротивно ќе имал обезбедување, доколку добивал закани по животот.

Сведочењето на соработникот на Зафиропулос дека двајцата на почетокот „клиенти“, а потоа убијци, не говореле течно и чисто грчки јазик, според медиумите кај јужниот сосед, ја активирало грчката полиција да ја зголеми безбедноста на железничките станици, на аеродромите и на северната Граница на Грција, во случај сторителите да се странци и да се обиделе/обидат да избегаат од земјата. Освен безбедносните камери во околината на адвокатската канцеларија, се проверуваат и безбедносните камери на железничките станици и аеродромите.

Михалис Зафиропулос беше еден од најпознатите грчки адвокати специјализирани за кривично право, неговиот татко, кој почина во 2006та беше исто така познат адвокат, но и пратеник во Неа димократија. 52 годишниот Зафиропулос беше кандидат за претседател на адвокатската комора. 

Адвокатите во Грција решија една седмица да отсуствуваат од нивните  задолженија во знак на жалост за убиениот адвокат.

За бруталното убиство кое ја шокираше Грција, реагираа сите политички партии, а грчкиот премиер веднаш откако беше објавена веста за убиството на Зафиропулос, контактираше со министерот за цивилна заштита и побара што побргу да се расчисти случајот, а сторителите да бидат уапсени.

Мирен протест пред Собранието

Мирно и без инциденти мина вечерашниот протест пред Собранието на Република Македонија.

Околу стотина граѓани се собраа прад законодавниот дом за да го искажат незавоволството поради постигнатиот Договор со Грција.. Тие пееја патриотски песни, извикуваа слогани за Македонија и бараа оставка од Владата..

Претседателот Иванов им го додели признанието „Инженерски прстен 2018“ на најдобрите студенти од техничките факултети

Претседателот на Република Македонија, Ѓорге Иванов, на свеченост одржана во Вилата Билјана во Охрид, го додели признанието „Инженерски прстен 2018" на најуспешните дипломирани студенти од техничките факултети.

По повод 15 годишниот јубилеј, Инженерска институција на Македонија и Комората на овластени архитекти и овластени инженери, на претседателот Иванов, му додели признание за континуирана поддршка на манифестацијата „Инженерски прстен", како значаен сегмент во промовирање на инженерството и инженерските струки во Република Македонија.

Во своето обраќање пред присутните македонскиот претседател истакна дека овие млади научници и инженери се идните градители на напредокот и на благосостојбата на Република Македонија.

- Мора да направиме се, младите научници и инженери да ги заземат своите места во образованието, институциите, компаниите. Тие се столбот на развојот на секое стопанството, бидејќи економскиот раст на државите се темели токму на развојот на високите технологии. И многу повеќе од тоа, бидејќи инженерите од техничките факултети се тие што ја имаат моќта да го менуваат светот и реалноста, рече претседателот Иванов.

Тој нагласи дека му претставува чест што како Претседател на Република Македонија, на јубилејната десетта генерација и оддава признание доделувајќи ги овие инженерски прстени.

- Инженерскиот прстен не е само признаниe, туку е и обврска за вас да му останете верни на вашиот професионален повик. Тоа е повик да нудите решенија, да проектирате, да градите и создавате, да бидете креативни и иновативни, рече претседателот Иванов, охрабрувајќи ги младите да продолжат да ги усовршуваат своите вештини и да ги надградуваат своите знаења.

Според македонскиот претседател, најуспешни држави се оние кои продуцираат вакви високовалитетни кадри и затоа треба да продолжиме да инвестираме во образованието, но и да работиме на подготвеноста на институциите и бизнис секторот да ги препознаат и прифатат младите теленти и да им овозможат натамошен напредок и развој, во Република Македонија.

Проф. д-р Христина Спасевска, претседател на Асоцијацијата на здруженија на инженери – Инженерска институција на Македонија, зборувајќи за значењето и за историјата на манифестацијата, рече дека покровителството од страна на претседателот на државата уште од самиот почеток, го потврдува значењето на оваа иницијатива.

-Сѐ започна пред 15 години, кога група универзитетски професори и професионалци, ентузијасти и членови на Инженерската институција на Македонија си поставија за цел промовирање на инжерските дисциплини кај младите, истакнување на најдобрите и укажување дека само со квалитетни инженери, може да се следат трендовите во науката и новите технологии, што единствено ќе овозможи развој на сопствената земја, рече г-а Спасевска.

Претседателот на Комората на овластени архитекти и овластени инженери, проф. д-р Миле Димитровски, изјави дека добитниците на инжинерскиот прстен доаѓаат од првите пет најдобро рангирани универзитети и од факултети со високи оценки за акредидатцијата и дека истите се пример дека треба да се вложува во себе за што е важно и знаењето и оценките и навременото завршување на започнатото.

Во име на наградените дипломци благодарност упати Александар Ѓерасимовски, потенцирајќи дека Инженерскиот прстен е најпрестижната награда за еден млад и квалитетен инженер, кој е движечката сила во технолошкиот развој во нашето општество.

- Привилегија за нас е членството во Клубот на носители на инженерскиот прстен кој ги обединува добитниците на ова престижно признание и ни овозможува остварување контакти со најдобрите од секоја сфера на инженерството, рече Ѓерасимовски.

Тој додаде дека масивниот развој во сите сфери од техниката бара квалитетен кадар и упати апел до соодветните институции во државата, да создадат услови младите луѓе да останат и да го дадат својот придонес во развојот на нашата татковина.

Традиционалната манифестација „Инженерски прстен" која е во организација на Инженерската институција на Македонија и Комората на овластени архитекти и овластени инженери, а под покровителство на претседателот на Република Македонија, претставува поттик за изучување на инженерството и придонес за формирање на квалитетен инженерски подмладок, компатибилен со развиените земји.

Во изминативе петнаесет години ова признание го добиле најдобрите 150 дипломирани студенти кои што ги негуваат инжeнерските дисциплини.

Ферид Мухиќ во „Само вистина“

Мухиќ: Договорот со Грција без преседан е најбесмисленииот и најпарадоксалниот договор, камен од камен не остана од нас

Гостин во ,,Само вистина“ вечерва беше независниот пратеник Ферид Мухиќ, дел од парламентарното мнозинство, кој потврди дека на денот на гласањето за Договорот не бил ниту во Скопје а камо ли во парламентот и воопшто не гласал, независно што некои електронски медиуми јавија дека гласал ,, За,,.

Мухиќ смета дека договорот е најирационалниот и најбесмислениот договор и договор кој можеби ќе беше подобро да претпоставува да им дадевме територија или пари на Грција или да го сменевме само името на државата и по цена да немало Македонија во него, но никако ваков договор со кој, според него, се брише историјата на еден народ , се бришат сите етникуми во Македонија не само Македонците туку и Албанци, Турци, Власи, Турци, Роми  итн и дека целта била менување на границите и јасно разграничување на Муслиманите и Христијаните.. Сепак Мухиќ смета дека премиерот Заев бил храбар што конечно ги дотуркал работите до овде и штом прифатил ваков договор, бил приморан на тоа , смета независниот пратеник Мухиќ. Мухиќ смета дека за промена на име не треба ни граѓаните да излегуваат на референдум, бидејќи ниту тие можат да менуваат нешто што да менуваат не можат да арчат нешто што не го спечалиле. Со овој договор се порекнува Македонскиот национален идентитет, смета Мухиќ.

Повеќе погледајте во видеото во вечерашната „Само Вистина“.

притисни ентер