Трамп ја ограничи помошта за Порто Рико

На само една недела откако потпретседателот на САД , Мајк Пенс , при посетата на Порто Рико најави несебична помош за настраданите од ураганот ,,Ирма “ , денеска претседателот Трамп напиша на твитер дека помошта не може да биде неограничена.
Не може нашите специјалци и спасувачи бесконечно долго да ги држиме во Порто Рико , а инфраструктурата беше очајна и пред ураганот , напиша Трамп .
Федералната помош не може да продолжи "засекогаш", напиша Трамп и ги обвини властите на Порто Рико за "тотален недостаток на одговорност", додавајќи дека "електричната и целосната инфраструктура била катастрофа пред ураганите ". Над 90 проценти од 3,4 милиони жители, американски државјани , се уште се без струја.  Конгресот би требал да одобри пакет помош вреден 36,5 милијарди долари не само за Порто Рико, туку и за Флорида, Тексас и Вирџинските острови во САД, како и за Калифорнија, која страдаше  од пожари.

Градоначалникот на главниот град на Порто Рико , Сан Хуан, изјави дека твитовите  на Трамп го истакнуваат неговиот "очај" и "несоодветноста" на неговиот одговор за справување со последиците од ураганите.

"Не е тоа што не го добивате", додаде Кармен Јулин Круз, "тоа е дека не сте способни за емпатија и искрено едноставно не можете да ја завршите работата".

Портпаролката на Белата куќа, Сара Сандерс, изјави  дека  Трамп работи со гувернерот и Конгресот на Порторико за да "го идентификува најдобриот фискален план за иднината ".

Последните твитови на Американскиот претседател доаѓаат една недела откако  потпретседателот  Пенс вети дека администрацијата ќе биде со  Порторико .

Во невремето загинаа  најмалку 45 лица , додека по повеќе од 100 се уште се трага .

Најмалку 25 повредени во експлозија во Германија

Најмалку 25 лица се повредени , од кои четворица потешко во експлозија во германскиот град Вупертал.

Експлозијата се случила нешто пред полноќ во станбена зграда  , што предизвикало паника кај граѓаните.

Пожарникарите неколку часа го гаснеле пожарот , а истрагата за причините е во тек.

Манчевски и Царовска: Обезбедување квалитетни јавни услуги достапни до сите граѓани е приоритет во нашата работа

Министерот за информатичко општество и администрација Дамјан Манчевски и министерката за труд и социјална политика Мила Царовска, се обратија на министерската конференција што се одржува во Маракеш, Мароко.

Конференцијата се одржува во рамки на меѓународниот форум за јавна администрација на тема: "Трансформирање на власта за остварување на целите за одржлив развој", во организација на Обединетите Нации, се наведува во соопштението на Владата.

Министерот Манчевски и министерката Царовска, зборуваа за обезбедувањето на јавни услуги достапни за сите граѓани. На овој начин, потсетувајќи на заложбите за доближување на услугите што јавната администрација ги нуди, до граѓаните, го одбележаа и Меѓународниот ден на јавните услуги.

Министерот Манчевски се осврна на клучните принципи по кои се води Владата во своето работење, а тие се транспарентност и инклузивност во креирањето на политики и дигитализација на администрацијата.

„Во изминатата година превзедовме голем број на мерки и активности, во правец на вклучување на сите засегнати страни во започнатите процеси како и целосно информирање на јавноста за превземените активности. Во тој правец, беше одлуката за се зголеми бројот на денови за коменитрање на ЕНЕР, од 10 на 20 дена, со цел оставање на поголем простор за вклучување на граѓанските организации, академијата, бизнис заедницата и граѓаните при донесувањето на нови закони, измени на закони...Пример за вклучувањето на сите засегнати страни во креирањето на политики е изработката на сите стратегии на кои работеше и работи МИОА во моментов. Тоа се Стратегијата за реформа во јавната администрација, стратегијата за широкопојасен интернет, за отворени податоци и за сајбер безбедност“, истакна министерот Манчевски.

Што се однесува на зголемување на квалитетот и достапноста на јавните услуги, министерот Манчевски информираше за националниот портал за е-услуги, проектот „“Една точка за услуги“ и проектот за креирање на електронски идентитет на граѓаните.

„Сите овие проекти имаат една цел, а тоа е преку можностите што ги нуди дигитализацијата да ги донесеме услугите до граѓаните. Да го подобриме квалитетот и сликата за јавната администрација, како сервис во служба на граѓаните. Само кога граѓаните ќе ги имаат сите информации за работењето на институциите и ќе бидат вклучени во сите процеси, саом тогаш ќе имаме политики и мерки кои одговараат на потребите на сите граѓани“, заклучи министерот Манчевски.

Министерката Царовска зборуваше за заложбите и активностите на министерството за труд и социјална политика во однос на пристапноста до јавните услуги за сите категории на граѓани.

“Оваа Влада е целосно посветена на остварување на Целите за оддржлив развој. Наша крајна цел е да изградиме хумано општество на просперитет и благостојба за сите граѓани и никој да не биде изоставен. Само со обезбедување на добри услови за живот, достоинствен приход и квалитетни услуги, може да се надеваме на одржлив развој. Работиме интензивно на проширување ма мрежата на градинки, особено во руралните средини, воведување нови услуги на локално ниво како персонална асистенција, пилотирање на младинската гаранција и целосно реформирање на системот за социјална заштита”.

Министерката Царовска се осврна и на родовата еднаквост како клучен предуслов за равој на еднакво и демократко општество.

“Родовата еднаквост е моја лична заложба и програмска цел на Владата на Република Македонија. Преземавме значајни чекори во насока на искоренување на сиромаштијата кај жените. Со промена на законот за минимална плата се намалува разликата во платите меѓу мажите и жените. Ја ратификуваме Истанбулската конвенција за борба и заштита од сите видови на насилство врз жените и семејното насилство”

Драма во Белгија – Црногорец ги дигна на нозе специјалците

Црногорец , кој носел експлозив на појасот , ја дигна на нозе полицијата во Белгија , која се сомневаше на терористички напад.

Црногорецот Елвис Калач (37) предизвика драма во гратчето Масенси. Биле повикани единиците за борба против тероризам , кога Црногорецот со експлозив на појасот со секира ја нападнал поранешната сопруга.

Откако видел дека нападот е неуспешен и се појавила полицијата , Калач испил отров од кој починал во болница. Полицијата по извршената истрага , утврдила дека експлозивот е лажен.

Според Црногорските медиуми , тој на жената и нанел сериозни повреди , но таа се опоравува во болница и е надвор од животна опасност.

притисни ентер