Македонија

Доктори од Штип и Благоевград ќе формираат прекуграничен кластер за здравство

Во Штип денеска и утре се одржува настан „Отворени денови на здравството“ на кој учествуваат доктори од Клиничката болница - Штип и Регионалната комора на лекари од Благоевград, кои ќе формираат прекуграничен кластер за здравство.

Проектот се разлизира со финансиски поддршка од ИПА програмата за Меѓугранична соработка Македонија и Бугарија, како и со поддршка на Центарот за развој на Источно планскиот регион.

Директорката на Центарот за развој на ИПР, Драгица Здравева на денешната прес-конференција истакна дека Благоевград и Штип го формираат првиот прекуграничен кластер за здравство.

- Основна цел на Кластерот за здравство е што повеќе да се зближат двете страни, да се воспостават линкови, односно врски меѓу докторите од едната и другата страна, потоа меѓу институциите, а со единствена цел и во насока на подобрување на здравствените услуги кои што се даваат на пациентите, како и воведување на одредени иновативни решенија во лекувањето, рече Здравева.

Претставникот на регионалната комора на Благоевградскиот регион, Георги Георгиев истакна дека здравствениот кластер има за задача преку активности да се надминат заедничките недостатоци, со кои се соочуваат здравствените системи на двете држави, но и да се црпат позитивни искуства. Во рамки на проектот се набавени и неколку софистицирани апарати. Болницата во Благоевград доби современ апарат за онкологија, а Штипската болница апарати за поставување на врвна дијагностика во областа на оториноларингологијата

- Во рамки на овој проект досега се спроведени неколку активности, со кои преку воведување на иновации ќе се зајакне капацитетот на младите специјалисти. Целта на овој проект е да се привлечат младите лекари и да се обучуваат од страна на своите повозрасни колеги од Бугарија и Македонија и тоа во областа на каридологијата и онкологија, рече Георгиев.

Во рамки на проектот денеска и утре лекарите од Благоевград ќе може да посетат неколку приватни клиники, како и Штипската клиничка болница. /МИА

Живот

Под камен пронашле грне со злато, по што почнале критики дека лажат- ги издала змија (ВИДЕО)

Корисникот на Инстаграм @felezyabie неодамна објави интересно видео кое предизвика големо внимание, и ги подели мислењата на корисниците.

На профилот стои дека сакал археологија, а нуди совети за купување детектор за метал и „толкување на антички симболи“.

Во споменатото видео гледаме група луѓе кои со голема мака ја поместуваат карпата од земја, користејќи трактор и синџири, а потоа почнуваат да копаат.

Потоа вадат старо грне, во кое што ги чека големо изненадување, пренесува Times Now News.

Садот е полн со злато, а на врвот ги чекала жива змија!

По првичниот страв, луѓето го превртеле грнето, а внатре имало куп монети и други вредни предмети. Навистина, сè изгледало како неверојатно откритие додека не се појавил еден „ситен“ детал.

Имено, многу корисници се посомневале дека видеото е монтирано, односно лажно. Најмногу им пречело тоа што во закопаното грне имало жив рептил.

И додека коментарите се нижат, сопственикот на профилот проговори и објасни:

„Почитувани пријатели, ова видео има за цел да ја запознае јавноста со процесот на истражувачот. Никој не рече дека е реално, зошто сите навреди и пцовки“.

Македонија

Европски фронт: ВМРО формира сојуз со проруски и антиалбански партии

ВМРО и Мицкоски официјално прогласуваат коалиција и со партијата Левица на Апасиев и ЗНАМ на Димитриевски, две партии тесно поврзани со Москва и разни проруски кругови, а познати по своите антиалбански позиции.

Мицкоски на митинг во Охрид побара македонско национално единство, без други етникуми во државата, за, како што рече, да се тргне државата од рацете на Албанците.

Европскиот фронт го потсетува Мицкоски дека Северна Македонија од поодамна го изоде патот на рамноправност, демократија и членство во големото европско семејство.

ДУИ и Европскиот фронт, како мултиетнички фронт во Северна Македонија, нема да дозволат земјата да се врати во меѓународна изолација, а тоа ќе биде запечатено на 24 април и 8 мај, кога за претседател ќе биде избран д-р Бујар Османи, а Европскиот фронт ќе биде клучот за формирање на идната Влада.

Истовремено, ја повикуваме албанската опозиција да се освести и да се престрои со про-европејците и да не стане орудие на руските кругови во земјава, се наведува во соопштението.

Свет

Фон дер Лајен: Русија хибридно ја напаѓа Финска преку испраќање мигранти на границите

Претседателката на Европската комисија, Урсула фон дер Лајен денеска изјави дека Русија концентрирала хибридни напади врз Финска со испраќање мигранти, сѐ со цел да ја дестабилизира таа земја.

Претседателката на Европската комисија, Урсула фон дер Лајен денеска изјави дека Русија концентрирала хибридни напади врз Финска со испраќање мигранти, сѐ со цел да ја дестабилизира таа земја, која цврсто ја поддржува Украина и која влезе во НАТО пред една година.

Финска ја затвори границата во средината на декември 2023 година по приливот од 1.000 илегални мигранти од руска територија од средината на август. Двете земји имаат заедничка граница долга 1.340 километри, а Хелсинки ја обвинува Москва дека систематски испраќа мигранти во Финска. Русија ги отфрла обвинувањата.

„Од хибридниот напад на Белорусија во ноември 2021 година врз Литванија, Полска и Латвија, сите знаеме дека Путин и неговите сојузници ги инструментализираат мигрантите за да ја тестираат нашата одбрана и да нѐ дестабилизираат“, рече шефицата на Европската комисија.

„Сега Путин се фокусираше на Финска“, додаде таа.

Претседателката на ЕК се сретна со финскиот премиер Петри Орпа во градот Лапеенранта во југоисточниот дел на земјата, на околу 30 километри од руската граница и разговараа што „ЕУ и Финска можат да направат за да ја спречат инструментализацијата на финската граница.“

Во април Финска одлучи граничните премини да останат затворени. Односите меѓу Хелсинки и Москва се влошија по руската инвазија на Украина. По приемот на Финска во НАТО, Москва најави „контрамерки“.

Финска исто така подготвува закон за спротивставување на пристигнувањето на мигрантите.

притисни ентер