50 години од смртта на револуционерот: Че - херој на комунизмот кој стана икона на комерцијализмот

Погубувањето на револуционерот Че Гевара во Боливија пред 50 години имаше непредвидливи последици.
Момчето кое стана икона на револуционерното движење подоцна беше претворено во лик испринтан на пакло цигари и маички.

Џеј Кантор автор на „Смртта на Че Гевара“, процесот на комодификација (претворање во стока за широка потрошувачка) на марксистичкиот револуционер го опишува како една од најголемите иронии врзани за герилскиот водач.

„Можете да купите маички со Че на нив. Веројатно постои и колонска вода Че. Запрепастувачко е кооптирањето на секој вид побуна со таа комодификација. Единствен начин за надминување на тој процес е памтењето за што навистина се бореше тој“, вели Кантор за „РТ“.

Улогата на Ернест Гевара, или попознат како Че, како што го нарекоа неговите другари, во отфрлањето на диктатурата на генералот Батиста на Куба во 1959 година, му донесе светска слава.

Меѓутоа, неговиот пропуст да го повтори тој успех во Боливија го зацврсти неговото место во историјата како левичарски маченик.

Последните месеци од животот во 1966 и 1967 година во дневникот се опишани како денови на бунтовничка сила, а неговата војска како „непобедливи суперлуѓе“. Меѓутоа, со време се сведочеше како таа запаѓа во се подлабока криза.

По повеќенеделното копање пештери во ридовите меѓу Сурц и Валегранде во Болиција, Гевара даде воени задачи на својата герила. Тој порано стигна во земјата преправен како бизнисменот Адолф Гонзалес и беше подготвен својот вид револуција да ја доведе во Јужна Америка, каде веќе беше трн во око на неколонијалните непријатели.

Сепак, имаше само 12 свои луѓе во групата.

Беше 12 декември 1966 година, а за помалку од година потоа Че беше мртов. Го заробија боливиските сили под контрола на САД во импровизирана ќелија во училиштето во селото Ла Игуера, и го погубија.

Кантор поминал 15 години во истражување на животот на Гевара и смета дека тој е комплексна историска личност која била способна за големо сочувство, но и студено насилство.

Тој дуалитет најдобро се покажал во делот ликвидацијата на неговите предавници, додека истовремено немал срце да ги нападне непријателските војници на спиење.

Гевара порачуваше дека за револуција потребна е голема љубов, а исто така „треба да се биде студена, селективна и насилна машина за убивање“.

„Верувам дека тие аспекти го чинеа неговиот карактер. Се чини дека истовремено имал многу хуман инстинкт, но и дека бил способен за насилство. Еднаш кога прибегнал кон насилство, тој хуман инстинкт се исклучил и тој станал онаков каков што мислел дека историјата од него бара. Секогаш е опасно кога луѓето велат дека се однесуваат како што од нив бара историјата“, вели авторот.

Овде живеат само богаташи, а не смеат да си заминат (видео)

Жителите на милионерската утопија изградена која се протега неколку километри живеат како “бубрег во лој“, но не смеат да разговараат со медиумите ниту да го напуштат селото.

Селото Хуакси во Кина претставува вистинска мистерија, тоа најбогатото место во Кина и за мнозинството граѓани на оваа земја тоа е своевиден комунистички рај.

Најпознато е по ужасно високиот животен стандард, ова место се одвојува од остатокот на Кина и за 55 години се претворило од рурално зафрлено место во вистински мал луксуз.
 

Сепак, како се збогатиле и како ги трошат парите, се информации до кои не може лесно да се дојде – бидејќи на жителите на Хуакси им е забрането да разговараат со медиумите, ретко и меѓусебно разговараат, а дури им е забрането и да го напуштат – бидејќи ако го напуштат селото губат се дотогаш што стекнале и остануваат без ништо.

Кон крајот на педесеттите години на минатиот век селото Хуакси имало само околу 600 жители, а расцутот го овозможил Ву Ренбао, некогашниот секретар на Комунистичката партија кој развил план за збогатување, па основал повеќе од 12 фирми, поттикнал работа со сировини како алуминиумот.

Хуакси се наоѓа во провинцијата Јуангсу познато и под името “Првото село под небото“, а денеска има околу 2000 регистрирани жители кои живеат во идентични вили изградени по примерот на странските, но и сите наводно имаат по 250 илјади долари во банка.

 

Макрон кон тинејџер: Обраќај ми се со претседателе, господине, а не со “Ману“ (видео)

Видео снимката во која францускиот претседател Емануел Макрон строго го прекорува тинејџерот кој му се обратил со прекарот брзо се прошири низ социјалните мрежи.

Момчето на вчерашната свеченост по повод 78 годишнината од повикот на Шарл де Гол на вооружен отпор спрема нацистите му се обрати на Маркон со зборовите: „Како си Ману?“.

Макрон му одговори: „Обраќај ми се со господине претседателе на Републиката или господине“.

„На денот кога ќе сакаш да започнеш револуција, стекни диплома и научи да се прехрануваш, ОК? Тогаш може да им држиш лекции на другите“ – додал претседателот на Франција.

Макрон на својот твитер налог ја постави снимката, што денеска предизвика бројни коментари.

Некои го критикуваа францускиот претседател дека е арогантен, додека други го одобруваат неговото барање за почитување.

 


 

Човек нападнал мечок за да го спаси кучето....

„Нашата порака гласи: Апсолутно никогаш немојте тоа да го правите!“ – соопштуваат официјалните лица од канадскиот Национален парк Џаспер.

А “ова“ се однесува на инцидентот од 16 мај, кога човек скокнал врз американска црн мечок во обид да го спаси своето куче, кое искочило од прозорецот на неговиот автомобил и почнало да лае на дивото животно.

Мечокот потоа го нападнал несреќното куче, кое од неговите канџи не успеало да се извлече живо.

Сопственикот кој во обид да го спаси својот миленик, се приближил до мечокот и скокнал врз него во обид да го истера, за среќа, успеал да се извлече жив. Дури поминал и без гребнатинки!

Експертот на Националниот парк за комуникација со дивите животни, Стив Малком објаснува дека сопственикот на кучето има голема среќа и оти го спасило “фиксирањето врз пленот“.

„Мислам дека момчето успеало да го фати мечокот во момент додека се уште во целост не го усмртил кучето. Мечокот бил фокусиран на кучето, па дури потоа размислувал за сопствената одбрана“ – изјави Малком.

Тој наведува дека ова е прв случај на некој да му успее да се спаси од канџите на мечокот на ваков начин.


 

притисни ентер