Караџовски: Нема индиции за рачно распределувани кривични предмети

Досега немало индиции кои укажуваат дека некои кривични предмети биле рачно распоредувани кај одредени судии, надвор од АКМИС системот, тврди претседателот на Судскиот Совет Зоран Караџовски.
За Канал 5 истакна дека досега не стигнала ниту информација за наводно изнесување на службени документи надвор од Кривичниот суд.. Тој и покрај објавените информации за приговори од судии за злоупотреба на компјутерските системи, вели дека  до него не стигнала ниту една  пријава за ваков случај.

Пред два дена обвинителките од СЈО со полициска придружба влегоа во канцеларијата и во домот на екс претседателот на Кривичниот суд Владимир Панчевски. Обвинителката Јанева истакна дека се работи за пред истражна постапка и дека запленетите докази дополнително ќе се анализираат. 
Јанева не сакаше да ги коментира шпекулациите дека Панчевски, му давал на претседателот Ѓорге Иванов тајни податоци од судот, кои тој подоцна ги користел за да ги аболицира обвинетите.

И членови на комисија на Министерството за правда пред два дена извршија ревизија на системот за распределба на предмети во Кривичен. Претседателот на комисијата Лазар Нанев, истакна дека вчера завршиле поголем дел од работата, но дека се потребни уште некои информации за да се заврши конечниот извештај..

Во СЈО постои сомнеж дека Панчевски и неговите соработници давале службени тајни на лица кои не вработени во судот.

Трамп: Оставката на Моралес е значаен момент за демократијата

Претседателот на САД Доналд Трамп рекол дека оставката на претседателот на Боливија Ева Моралес е значаен момент за демократијата во западната хемисфера.

„За еден чекор сме поблиску до целосна демократска, напредна и слободна западна хемисфера“, рекол претседателот на САД.

Трамп рекол дека САД им аплаудира на народот во Боливија затоа што се избориле за слобода и на војската која ја почитува заклетвата дека ќе го штити Уставот на својата земја.

Тој рекол дека Боливија пратила силен сигнал на Венецуела и Никарагва дека демократијата и желбата на народот секогаш преовладуваат.

Моралес вчера поднесе оставка откако војската го повика да го направи тоа по повеќенеделните протести предизвикани од спорните изборни резултати.

Макрон го пречека Претседателот Пендаровски

Претседателот на Република Македонија Стево Пендаровски беше пречекан во Париз од страна на Францускиот претседател Емануел Макрон.

Претседателот Пендаровски на Фејсбук објави фотографии од ракувањето со Марон.

„Вечерва имав чест да присуствувам на вечерата во пресрет на Парискиот мировен форум, на покана на францускиот претседател Емануел Макрон, заедно со шефовите на држави и учесници на Форумот, на кој ќе дискутираме за потребата од заеднички решенија за справување со глобалните предизвици“, напиша Пендаровски во објавата.

Инаку официјалната средба на Макрон и Пендаровски е закажана за утре.

Димкоски: ВМРО-ДПМНЕ ги понижи земјоделците

СДСМ се грижи, само минатата година 424 млади земјоделци користат грант од 10.000 евра

Откако СДСМ ја презеде одговорноста се соочи со громорозна слика во земјоделието. ВМРО-ДПМНЕ на принципот во четири и очи и прв дојден-прв услужен ги делеше неправедно субвенциите и доделуваше неповратни грантови. Наместо кај вистинските земјоделци, ги понижи земјоделците. Со СДСМ има неселективност и секој земјоделец има фер и еднаква шанса - рече членот на ЦО на СДСМ и Министер за земјоделство, водостапнство и шумарство, Димкоски, на граѓанската трибина на СДСМ „На прав пат" во Свети Николе.

Димкоски потенцираше дека само минатата година 424 млади земјоделци користат грантови од 10.000 евра и дека веќе во Собранието е поднесен предлог за зголемување на субвенцијата на млад земјоделец од 10.000 евра на 20.0000 евра.

притисни ентер