ВМРО-ДПМНЕ објави кандидати за градоначалници на повеќе општини

ВМРО-ДПМНЕ на претстојните локални избори ќе излезе со најдобрата и најквалитетна понуда за кандидати за градоначалници и советници. ВМРО-ДПМНЕ секогаш примат му дава на индивидуалниот квалитет на поединецот и неговата репутација во општетството.
Ние нудиме кандидати кои имаат визија и цел како од своето населено место, село и град да направат подобро место на живеење, со еднакви можности за успех на сите граѓани.

Токму затоа ВМРО-ДПМНЕ ја нуди најквалитетната кадровска и програмска понуда. Дозволете ми со големо задоволство да ви соопштам дека Извршниот комитет на ВМРО-ДПМНЕ, на Централниот комитет му ги предлага следните кандидати за градоначалници:

• За Битола, Зоран Илиоски, актуелен пратеник во Собранието на Република Македонија, претседател на комисијата за избор и менување во Собранието, поранешен директор на ЈП „Комуналец“ во Битола, дипломиран електротехнички инжинер, угледен и почитуван граѓанин во Битола и битолско.
• За Бутел, Дарко Костовски, актуелен претседател на ОК на ВМРО-ДПМНЕ во Бутел, дипломиран политиколог, вработен во министерството за труд и социјална политика и актуелен советник во Советот на општина Бутел, успешен спортист и тренер на македонската Таеквондо федерација.
• За Штип, актуелниот градоначалник, Илчо Захариев, квалитетен кадар, со голем број на реализирани проекти, познат фармацевт со национално реноме, почитуван помеѓу штипјани.
• За Виница, Мартин Павлов, актуелен претседател на ОК на ВМРО-ДПМНЕ во Виница, лекар со долгогодишен стаж во градот, угледен и почитуван граѓанин во поширокиот регион.
• За Чаир, Нермин Теловска, член на ИК на ВМРО-ДПМНЕ, специјалист по дефектологија, човек со голем углед во својата професија и место на живеење.
• За Босилово, актуелниот градоначалник, Љупчо Колев, кој покажа одлични резултати во своето работење при управувањето со општината и има реализирано голем број на проекти за доброто на граѓаните.
• За Струга, Сеад Солаковски, член на ИК на ВМРО-ДПМНЕ, лекар по професија, почитуван граѓанин во Струга и струшко.
• За Свети Николе, актуелниот градоначалник на градот, Зоран Тасев, кој своето работење го одликува со голем број на ветени и реализирани проекти.
• За Ново Село, актуелениот градоначалник, Блажо Велков, човек со големи достигнувања, и голем број на остварени проекти за Босилово.
• За Василево, актуелниот градоначалник, Ванчо Стојанов, докажан и квалитетен кадар, со огромен број на реализирани проекти за граѓаните.
• За Кочани, актуелниот градоначалник, Ратко Димитровски, човек со докажани квалитети, познат и почитуван стопанственик и голем работник.
• За Ресен, актуелниот градоначалник, Ѓоко Стрезовски, градоначалник кој во изминатиов мандат има реализирано голем број на проекти за Ресен и Ресенско, човек со углед во средината на живеење.
• За Чешиново Облешево, Горан Зашов, директор на водостопанско претпријатие, почитуван и угледен граѓанин.
• За Гевгелија, актуелниот градоначалник, Иван Франгов, градоначалник со голем број на реализирани проекти, докажан пред гевгеличани со квалитетна работа.
• За Македонска Каменица, актуелниот градоначалник, Дарко Митевски, градоначалник кој има остварено голем број на ветувања и направено голем број на проекти.
• За Дојран, актуелниот градоначалник, Борче Стамов, кандидат со икслучителни квалитети, докажан како градоначалник во својата работа со многу остварени проекти.
• За Кисела Вода, Јохан Тарчуловски, пратеник во Собранието на Република Македонија.
• За Зрновци, актуелниот градоначалник, Блаже Станков, кој во текот на својот претходен мандат оставари голем број на проекти и инвестиции.
• За Крива Паланка, актуелниот градоначалник, Арсенчо Алексовски, градоначалник со многу дела зад себе за граѓаните на Крива Паланка.
• За Охрид, Митко Тилев, доктор специјалист по ортопедија, вработен во специјалната болница Св. Еразмо во Охрид, почитуван во својата професија и помеѓу жителите на градот, како работлив и човек од збор.
• За Сопиште, актуелниот градоначалник, Стефче Трпковски, кој оваа општина ја направи едно од најатрактивните места за живеење.
• За Богданци кандидат за градоначалник е Никола Роглев, човек од народот, докажан во својата работа, кој ќе го врати сјајот на оваа општина.
• За општина Маврово Ростуше кандидат за градоначалник е Алим Билали, актуелен претседател на општинскиот комитет на ВМРО-ДПМНЕ и голем работник.
• За Долнени, Пецо Вајгалевски, актуелен претседател на Општинскиот Комитет, вреден и одговорен човек кој влева доверба кај гласачите.
• За Кавадарци кандидат за градоначалник е Митко Јанчев, познат стопанственик, успешен човек, кој остварил голем број успеси во приватниот сектор, кој може многу да придонесе и за развојот на Кавадарци.
• За Неготино кандидат за градоначалник е Златко Пенков народен човек кој ужива голем углед помеѓу граѓаните.
• За општина Крушево кандидат за градоначалник е Ѓорги Дамчески кој реализираше многу проекти во интререс на граѓаните и човек кој ќе го врати Крушево на туристичката мапа.
• За општина Дебрца кандидат е Игор Трајковски, актуелен градоначалник докажан со многу реализирани квалитетни проекти.
• За Демир Хисар, актуелниот градоначалник, Љупчо Блажевски, почитуван и угледен граѓанин, кој како градоначалник има реализирано голем број на проекти.
• За Ранковце, Роберт Симоновски, актуелен претседател на ОК на ВМРО-ДПМНЕ, почитуван граѓанин и голем работник.
• За Чашка, Зоран Здравевски, актуелен претседател на ОК на ВМРО-ДПМНЕ во Чашка,
• За Јагуновце, актуелниот градоначалник, Тони Коцески, градоначалник со голем број на остварени проекти позади себе.
• За Карбинци, актуелниот градоначалник, Зоран Минов, кој има остварено голем број на проекти.
• За Конче, актуелниот градоначалник, Благој Јованов, кој една од најмалите општини ја претвори во убаво место за живеење.
• За Пехчево, актуелниот градоначалник, Игор Поповски, истиот зад себе има многу реализирани проекти и инвестиции.
• За Пробиштип, актуелниот градоначалник, Тони Тоневски, кој има реализирано голем број на проекти и инвестиции.
• За Градско, актуелниот градоначалник, Жанета Чаушевска, докажан и квалитетен кадар, која има реализирано поголем број на проекти за својата општина.
Овие кандидати како и досега промовираните кандидати се потврда на нашиот приоритет и понатаму да работиме посветено на континуиран развој на општините и квалитетно на живеење на граѓаните. Тие ќе бидат тимот кој ќе продолжи да гради нови улици, училишта, градинки, локални патишта, да ја подобрува комуналната услуга, да изгради нова инфраструктура и пред се да биде подобар сервис за потребите и барањата на граѓаните.

Црногорците вложуваат 700 милиони евра во обновливи извори на енергија

Електростопанството на Црна Гора планира до 2020 да вложи 700 милиони евра во изградба на постројки за обновливи извори на енергија со вкупен капацитет од 500 мегавати.

„Фотоволтаичната централа Бриска Гора, ветерната фарма Гвозд и хидроцентралата Комарница ќе имаат вкупен капацитет од околу 500 мегавати“, рече директорот за развој и инженеринг Иван Мрваљевиќ.

Минатиот месец, акционерите на ЕПЦГ одобрија инвестиција од 58 милиони евра за изградба на ветерна фарма од 50 мегавати Гвозд, во соработка со австриската компанија Ивица Холдинг.

Во декември 2018 година, беше потпишан договор за изградба на фотоволтаичната  централа Бриска Гора вредна 178 милиони евра од околу 200 мегавати со  конзорциумот на  финскиот Фортум.

Пукотници во Амстердам во пресметка на црногорското подземје (ВИДЕО)

Еден Црногорец е убиен , а уште еден е повреден во престрелката во пицерија во центарот на Амстердам.

Во пукањето попладнево во пицерија во Амстердам, едно лице загина, а едно е повредено. Според српските медиуми, повреден е Јован Ѓуровиќ, брат на Лука Ѓуровиќ, еден од некогашните водачи на најсилниот црногорски клан кој загина во сообраќајна несреќа во 2013 година.

Во пресметка во Амстердам беше убиен Горан Савиќ, пријател на Ѓуровиќ, кој кога ги видел вооружените напаѓачи, скокнал пред Ѓуровиќ и со телото го заштитил од рафалот куршуми.

Савиќ е сопственик на пицеријата каде се случило пукањето.

„Тој скокна пред него како човечки штит“, рече еден очевидец.

Иако службите за итни случаи се обиделе да го реанимираат Савиќ, тој починал на местото на настанот. Ѓуровиќ се здобил со сериозни повреди и бил пренесен во болница.

Напаѓачите по пукањето избегале во сив Фолксваген со белгиски  регистарски таблички. Холандските медиуми објавија дека возилото подоцна било пресретнато од полициски службеници и по драматична акција среде улица,  уапсиле еден осомничен.

Ранетиот Ѓуровиќ е брат на Лука Ѓуровиќ кој би бил водач на најсилниот криминален клан во Бар. Тесно соработувал со Лука Бојовиќ , кој беше познат како прв човек на Земунскиот клан во Црна Гора.

По неуспехот на Нетанјаху, Бени Ганц ќе ја составува израелската влада

Поранешниот генерал Бени Ганц доби мандат за состав на новата влада на Израел , од што вчера се откажа досегашниот премиер Бенјамин Нетанјаху.

По нерешени изборни резултати во април и во септември, ова е првпат од 2008 година на некој друг освен на 70-годишниот Нетанјаху да му се даде задача да се обиде да состави влада.

Лидерот на партијата „Сино-бело" , Ганц сега има 28 дена да ја заврши задачата што му е доверена од претседателот Реувен Ривлин.

Отпрвин, Ривлин му го довери мандатот на Нетанјаху, лидерот на централно-десничарската партија Ликуд, кој беше премиер на Израел уште од 2009 година. Но, Нетанјаху го врати мандатот во понеделникот затоа што не успеа да собере мнозинство и рече дека сторил се за да го вклучи Бени Ганц и да формира влада за национално единство за да се избегнат трети избори годинава.  

Нетанјаху се соочува со бројни обвиненија за корупција, поради што 60-годишниот Ганц рече дека нема да учествува во владата, чиј премиер е обвинет за корупција.

Иако бил началник на Генералштабот на израелската армија од 2011 до 2015 година, Ганц , нема лесно да обезбеди мнозинство и доколку тој не успее да го стори тоа, најверојатни се нови парламентарни избори, трети годинава.

Ганц има поддршка од 54 пратеници, седум помалку од парламентарното мнозинство.

Ликуд освои 32 места на изборите во септември, од вкупно 120, а партијата на Ганц 33.

притисни ентер