Средба на Џафери со генерал-мајот Креј од Националната гарда на Вермонт

Претседателот на Собранието на Република Македонија, Талат Џафери, денеска имаше средба со Делегација на Националната гарда на Вермонт, предводена од генерал-мајорот Стивен Креј.
Како што соопшти Кабинетот на Џафери, на средбата била поздравена успешната соработка меѓу припадниците на АРМ и Министерството за одбрана на Република Македонија и Националната гарда на Вермонт, која се одвива преку Партнерската програма од 1993 година и на која учествувале над 4.500 припадници на МО и АРМ во обуки за исполнување на НАТО стандардите.

Како особено успешна беше оценета мисијата „Феникс10“ во Авганистан во 2010 година, каде припадниците на АРМ како дел од наменските сили извршуваа најсложени задачи рамо до рамо со американските партнери и беа оценети со највисоки оценки.

Џафери ги информирал гостите и за моменталната состојба и тековните активности на Собранието, а се осврнал и на едногласната поддршка на пратениците за Одлуките за распоредување војници во Мировните мисии на НАТО и високата поддршка на јавноста за членството на Македонија во НАТО и ЕУ.
Претседателот на Собранието искажал надеж дека 2018 година ќе биде година на позитивни настани во Република Македонија, меѓу кои и полноправно членство во НАТО.

Според соопштението, генерал-мајорот Креј истакнал дека Република Македонија е тесно поврзана со НАТО и има целосна и силна поддршка од САД на нејзиниот пат кон полноправно членство во Алијансата.

Соговорниците, како што стои, размениле мислења за поголемиот број планирани активности во сферата на одбраната за 2018 година и изразиле надеж дека извонредната билатерална соработка, која е пример за соработка меѓу пријателските земји, кои се и стратешки партнери, ќе продолжи и во иднина. 

Влада: Предложените за претседател и членови на РКЕ се избрани на јавен оглас

Регулаторна комисија за енергетика ќе добие нов претседател.

Владата го предложи Марко Бислимовски да ја предводи главната функција на ова регулаторно тело.

Бислимовски и досега работеше во комисијата како советник и во јавноста важи за професионалец во енергетската област. Од владата уверуваат дека ќе таков ќе биде и како претседател.

Освен Бислимовски, Владата како комисионери ги предлага Наташа Вељановска, Атанаско Тунески и Куштрим Рамадани, исто, досегашен член на Комисијата

Надлежностите и независноста на Регулаторна беа жестока тема на расправа при донесувањето на Законот за енергетика. Опозицијата обвинуваше дека Владата ја нарушува независноста на ова тело, а власта тврдеше дека наместо професионалци со комисијата раководат партиски кадри.

Познавачите на проблематика, оценуваат дека сепак тешка ќе биде битката за независност на РКЕ.

Прв човек на Регулаторна од 2009тата до сега беше Димитар Петров, кој често беше обвинуван поради неговата партиската припадност.

Платите на членовите на Регулаторна комисија се движат околу 1 500 евра.

Мандатот на претседателот и членовите е 5 години со право на реизбор.

Нова пречистителна станица за третман на отпадни води во Кичево

Општина Кичево доби нова пречистителна станица за третман на отпадни води изградена со европски пари.

Со тоа трајно се решава проблемот со отпадните води во општината и се подигнуваат стандардите за заштита на животната средина.

Пречистителната станица е со инсталиран капацитет за 48.000 жители.

Реализацијата на проектот вклучува и изградба на колектор и пристапен пат. Вкупната вредност изнесува 8,3 милиони евра.

притисни ентер