Млади од Македонија и Бугарија се обучуваа за претприемништво во туризам

Што е суштината на туризмот и како да се изработат одржлив бизнис план, маркетинг стратегија и квалитетни туристички производи, беа теми на обуките за млади претприемачи во туризмот, што се спроведоа во Крива Паланка и во Ќустендил.

Обуките ги поминаа 40 млади и потенцијални претприемачи во областа на туризмот од Македонија и Бугарија, кои добија сертификати за основните вештини во туристичкото претприемништво. Активностите се дел од проектот „СТЕПС –Поддршка на претприемништвото и популаризирање на услугите во туризмот“, што го спроведуваат здруженијата РЦС „Спектар“ од Крива Паланка и Младинскиот општински совет од Ќустендил, финансиски поддржан од ИНТЕРРЕГ ИПА-Програмата за прекугранична соработка помеѓу Македонија и Бугарија.

Целта на тридневните обуки беше оспособување на младите и потенцијални претприемачи за осознавање на факторите за успех во туристичкиот бизнис и потребата од истражувања на туристичкиот пазар во насока на започнување на сопствен бизнис и обезбедување на квалитетни и атрактивни туристички услуги.
- Во туристичкиот бизнис не е доволно само да се обезбеди потребната инвестиција, да се изградат капацитетите и да се промовира нова туристичка услуга. За младите претприемачи најважно е најпрвин да го испитаат пазарот, во смисла на потребите на понудата и побарувачката. Поточно, се зависи од тоа дали за одредена туристичка услуга имате заинтересирани клиенти и колку таа услуга ќе ви носи профит и ќе го прави бизнисот одржлив. Залудно е да се нуди некој туристички производ ,колку и да е примамлив, ако нема кој да го купи. Значи, пред се, секој што сака да се занимава со туристичко претприемништво, треба да знае дали има профилирана таргет група за туристичката услуга што ја нуди, изјави проф.д-р Косјо Сточев, експерт од Софија.
На обуката младите претприемачи се интересираа за конкурентните предности на пограничниот регион од Североисточниот дел на Македонија и Ќустендилската област во Бугарија, но и за ризиците во туристичкиот бизнис.

- Кога се изготвува туристички бизнис план, секогаш треба да се направи и проценка на ризиците и да се има план „Б“ во случај работите да тргнат во несакана насока. За тоа, пак, е неопходна детална анализа на туристичкиот пазар, како и добра маркетинг статегија и менаџерски вештини. Секој производ треба соодветно да се позиционира и рекламира, а услугите да се прилагодуваат на желбите и потребите на туристите. Во целиот процес, неопходно е и континуирано да се работи на повратната информација, односно на испитување на задоволството на клиентите, смета експертот Веселина Георгиева од Бугарија.
Во рамките на проектот, досега е изработена студија „Можности и предизвици за обезбедување квалитетни туристички услуги и продукти во прекуграничната област“, акциски план за зајакнување на претприемништвото во туризмот, а одржани се и неколку тркалезни маси. Во наредниот период ќе се креира онлајн платформа за бизнис консултации во туризмот преку која ќе се одвиваат консултации за стартап бизниси.


На крајот од проектот е предвидено да се одржи конференција за вмрежување на младите претприемачи од регионот.

ВМРО-ДПМНЕ: Реален пораст на просечната плата може да се случи само доколку има раст во економијата

СДСМ продолжува со лагите и манипулирањето на јавноста, а само просечната плата во Македонија варира повеќе од ставовите на Зоран Заев. 

Црното економско трио Заев, Тевдовски, Анѓушев продолжува со уништувањето на македонската економија. Ова трио е најодговорно за осиромашувањето на македонските граѓани кои се доведени на работ на егзистенцијата, цените растат, а просечната плата не е доволна за да ги задоволи основните потреби на граѓаните.

Промената на моделот за пресметување на просечната плата единствено доведе до манипулација со статистичките податоци, но на ниеден начин не го подобри стандардот на обичниот граѓанин. СДСМ треба да ги симне розовите очила и да види што се случува во Македонија, да ја погледне реалноста и да види како живее просечниот граѓанин.

Тевдовски ветуваше „живот“ како во Данска, а актуелните политики на владата на СДСМ прават Македонија да наликува се повеќе и повеќе на некоја земја од Африка. Како и на секое поле СДСМ на полето на економијата оствари една голема нула. Економскиот раст за 2017 изнесуваше нула проценти, а во првиот квартал од 2018 очајни 0.1 проценти раст на БДП.

Реален пораст на просечната плата може единствено да се случи доколку има раст во економијата, а такво нешто нема. Дури и самата влада со својата фискална стратегија признава дека нема да достигне раст од 500 евра просечна плата колку што ветуваше. Со стратегијата испечатена од Владата се предвидува пораст на номиналната нето-плата за 2018 година во вредност од четири проценти, а за 2019 и 2020 соодветно 4,4 проценти. Ако имаме предвид дека 2017 ја завршивме со просечна плата од 23 илјади и 850 денари и сето тоа го помножиме со оваа претпоставка дека ќе растат платите, тогаш на крајот од нивниот мандат, под услов да нема предвремени парламентарни избори, просечната номинална нето-плата не може да надмине бројка од 27 илјади денари. Што значи дека од владата лажат сушат.

Изминатите година дена потсетуваат на времињата од криминалната транзиција, се поголем број на компании отвораат стечајна постапка, олигарсите блиски до СДСМ кои го стекнаа богатството во 90-тите повторно се богатат на грбот на граѓаните, а ветениот „живот“ дојде единствено за оние блиски до Заев и СДСМ. Ова осиромашување на граѓаните мора да сопре, граѓаните заслужуваат подобар стандард. /МИА

СДСМ: Нето платата во април изнесувала 23.942

Според официјалните податоци објавени од државниот завод за статистика, просечната нето плата во април 2018 изнесувала 23.942 денари, што е за 5,6 отсто повеќе во однос на април 2017 година, соопшти СДСМ.

Зголемувањето на минималната плата ја отвори спиралата на раст на платите, фактот што околу 90.000 работници добиваат повисока плата позитивно влијае врз растот и на просечната плата.

Мерките што се спроведуваат обезбедуваат повеќе пари кај граѓаните, повисоки плати и подобар животен стандард.

Со решавањето на спорот со Грција и со приближувањето на Македонија кон членство во НАТО и интеграцијата во ЕУ, се очекува трендот на раст на платите да се засили и интензивира, со крајна цел просечната плата да достигне 30.000 денари веќе до крајот на 2019 година.

Трајанов: Ново вето од ЕУ ќе го урне договорот со Грција

Демократскиот Сојуз на Павле Трајанов смета дека советот на Европската унија на Самитот во Брисел на 28 и 29 јуни има обврска и одговорност да донесе одлука за започнување на пристапните преговори со Македонија,.

Најавата за вето од некои земји членки на ЕУ како Франција можат да го срушат договорот со Грција, кој е постигнат за деблокадата на евроатланските процеси“, се вели во соопштението од партијата на Павле Трајанов.

Од таму инсистираат Македонија да биде ставена на таканаречена „брза лента“ и интеграцијата да се одвива со забрзано темпо.

притисни ентер